زيني "قدري "

17

((17)
نسمة : ريم 😢😢😢 عايزااااك 💔
أنا : نسمة 😩 إنت بتبكي ؟؟ مالك في شنووو ؟؟ حاصل عليك حاااجة في شنوو يااابت
نسمة : تعااالي لي هسي بس انا في مشكلةة ما بقدر أحكي ليك بالتلفون
انا : طيب طيب هسي ح أجي عليك اهدي شوية كدة إنتي إعتذرت من البنات القاعدين وقلت ليهم حصلت لي ظروف طلعت ما شايفة قدامي من الخوف علي نسمة ومن الحاصل معاهاا ما صدقت وصلت البيت يدي ما رفعتهاا من الجرس لحد ما فتحت لي والصدمة الأكتر كانت من حالتهااا البت دموعهاا جارية والعيون وارمة  شعرهااا وكانه ليهااا شهر ما سرحت نسمة مالك ياابت في شنوو خوفتيني عليك أكتر حضنتني وقعدت تبكي بي أعلى صوتهااا إنتظرتهااا شوية هدت طيب ممكن ندخل جوة وتفهميني الحاصلك مااالك قعدت وقعدتهاا جمبي هااا أحكي في شنووو
نسمة : عايزاك تمشي معااي الدكتور
أنا : دكتور ؟؟ عيانة انتي فيك حاجة بتحسي بي شنوو؟؟
نسمة : لا دكتور نساء 😔😔
أنا: نساء؟؟ شاكة إنك حامل يعني 
نسمة: لا يارييييت😭😭😭😭
أنا: في شنوو يا نسمة وبتبكي لييه انا ما عارفة
نسمة : عايزة أمشي اتأكد إذا في حاجة تمنع الحمل 😞😔😔
أنا: 😂😂😂😂 بتهظري صاااح ؟؟! يابت لسة بدري على الكلام ده ما ليكم فترة متزوجين إنتو وبعدين إنتي لسة صغيرة بدري علي إنك تفتشي علي الولادة
نسمة : يعني في أمل إني أحمل ؟؟ محمد  ممكن يخليني أو يتزوج علي
أنا:😂😂😂😂 لالا إنتي الليلة ما طبيعية محمد منوو البتزوج عليك والله انتي هبلة الود عيونه بتتكلم بي حبك 💜💜💜 انتي بتجيبي الكلام ده من وين ؟؟
حكت نسمة كل الحاصل من مشت لي خالتهااا لحد الحاصل معاهاا وموقف محمد وتجاهله ليهااا
انا: أقسم بالله شوية فيك إنتي هبلة يااا بت ؟؟ الله أدانا العقل ده عشان نفهم بيهووو واحدة زي خالتك دي وكل مواقفهاا معاك إنتي بتصدقي انهاا عايزة مصلحتك ؟؟؟ أكيد هم عارفنك  هبلة وح تعملي العملتيهوو ده والله أعلم السبب شنووو ديل أكيد عايزين يخربو عليك وانتي بي كل بساطة خربتي علي نفسك
نسمة : وانا أعمل شنووو  طيب التفكير قتلني والله 😭😭😭 كنت خايفة بالجد
أنا : طيب ما ح اتكلم معاك في الفات بس حاليااا لازم تصلحي الحصل ومن الواضح إنو محمد منتظرك تتكلمي يعني لازم تحكي ليهو كل الحاصل ده
نسمة : في الاول لازم امشي الدكتور واتأكد حتى اتكلم معاهو
أنا: برضو بتقولي تمشي الدكتور نسمة انتي ح تجننيني والله
نسمة: لازم اتأكد عشان أرتاح
أنا: انتي كدة بتفتشي علي المشاكل بي نفسك بس يلا جهزي نفسك واررررح خليني اشوف نهايتك شنووو
*****************
زين كان مراقب هبة من مكتبه كانت بتتكلم بالتلفون وبتقول ايوة ايوة لا هو هسي في المكتب بعد ساعتين ح يطلع ااي خلاص كويس الساعة 10 في (... ) طيب تمااام زين كان كل تفكيره ده منو الوراهاا ده وليه عايز يضره بس ما قدامه غير إنو ينتظر ويمشي وراهااا ويعرف ويشوف بي عينه إنتظر فترة الساعتين وطلع مشى لي خالد في مكتبه يلاا دورك انت يا خالد أمشي شوف ح تعمل شنوو أكيد ح تسرق الملف بتاع المشروع الجديد انا ختيت ليهاا واحد وهمي مشى خالد وإتأكد من إنه هبة شالت الملف ورجع لي زين حصل يا بووس
زين : طيب تمااام انا ح أطلع من هنا والساعة 10 ح أمشي ليهم في المكان ال ح يتلاقو فيهو ونشوف النهاية
خالد : تمام ما تنسى تتصل علي وتوريني الحاصل
زين : ان شاءالله يلاا سلام عليكم
****************
أنا ونسمة كنا  راجعين من الدكتور وطول الطريق ساكتييين لحد ما وصلنااا البيت وقعدنااا إتكلمت أنا : هااا يا نسمة ساكتة يعني 😕😕
أظنك إطمئنتي على نفسك ح تعملي شنووو بعد كدة
نسمة : لازم اوجهه واتكلم معاه ردت نسمة وواضح علي معالم وشهاا انهااا خايفة من المواجهة دي
انا : بالضبط كدة وده الكان مفروض يحصل من الاول وياريت يا نسمة تااني ما تكرريهاا وتكوني واضحة معاهو
نسمة : أيوة بس أكيد هو ح يزعل بعد يعرف 😔😔😔
انا: وانتي كمان ما عايزاهو يزعل دي أقل حااجة مفروض تحصل أنا بقولك كدة عشان تكوني عااارفة وتحاولي تنقذي الموقف وتحتويهووو
نسمة : اهاا وأعمل شنوو يعني هسي😕😕😕
أنا: نسمة البنتكلم عنه ده راجلك وانتي لازم تكوني عارفة ح تصالحيهو وتكسبي كيف ما انا ال ح أشرحك ليك 😉😉
نسمة : 😑😑😑
أنا : والله انتي شكلهاا جايبة الغباء من خالتك دي ،، يلااا قومي علي حيلك غيري أشكالك ورتبي نفسك وأرسمي إبتسامة على وشك الحلووو ده  😍😍على الاقل يشوفك بي منظر سمح اول ما يجي وقفيهو واتكلمي معاهو احكي كل الجواك وصالحيهو واتحايلي عليهو بي طريقتك وان شاء الله ح تعدي
نسمة : ان شااءالله يا ريم انا خايفة يخاصمني لسة اكتر 😔😔
انا: من حقه على فكرة 😕😕 بس انتي ما تديهو فرصة واتلصقي فيهووو يلااا أمشي أنا أخليك تجهزي نفسك
********************
في أحد المطاعم كانت نسرين "خطيبة زين القديمة" قاعدة مع هبة وبتتكلم معاها يا هبة انتي متأكدة إنه ده الملف الاساسي وماف غيره ؟؟
أنا: ايوة فتشت المكتب كويس ومافي غيره
نسرين : كل مرة بتقولي كدة وزين بيسلم المشروع بيجيبو من وين طيب
هبة : الباش مهندس زين شاطر شديد ومجتهد في شغله بيلحق يصمم واحد جديد قبل التسليم
نسرين: خلاص المرة الجاية اسرقيهو في يوم التسليم وقبل التسليم بي مسافة بسيطة
زين : ده لو هي ح تكون موجودة معانا المرة الجاية 😡😡
نسرين : زين
زين : أيوة زين،، انتو فاكرين لما تتكرر سرقة الملفات أنا ح اكون ساكت وكل مشروع اصممه مرتين لااا بس كنت عايز اتأكد منو البيعمل كدة وليييه
نسرين : لازم أدمرك واكسر غرورك ده 😞
زين : ليييه أنا اذيتك في شنووو حبيتك حب لي درجة كانت أي حاجة عايزاها من قبل ما تطلبيهاا بتكون عندك وكافأتيني بي إنك خونتيني وللأسف دي حاجة  شفتهااا في عيني نجحتي في إنك تدمريني وتدمري علاقتي بي نفسي وبالناس جاية راجعة لي شنووو
نسرين: إنت الدمرت نفسك
زين : عندك حق تقولي كدة لأنك من البداية ما حبيتيني وكنتي زولة طماعة عايزة تسرقي المشاريع عشان تدمريني وترضي غرورك انتي مش تكسري غروري بس لااا ما ح تنجحي في دي المشروع الفي يدك ده مزور وانتي ياا هبة يا ريت من اللحظة دي ما أشوفك  تاني
هبة : والله يا باش مهندس....
زين : ما عايز اسمع منكم ولا كلمة انا بس كنت عايز أعرف ده منوو وعايز شنوو والحممدلله عرفت واطمئنت لأنو افكارهااا سطحية وما ح تنجح معاي مهما عملت
************************
رجع محمد البيت لقى نسمة قاعدة في الصالة منتظراهو واصل في تجاهلهه ليهااا وكان ح يمشي لحد ما وقفه صوتهاا : إستنى عايزاك
اتلفت محمد عليهااا واداهاا كل انتباهه مشت نسمة وقفت قدامه وقربت أكتر إشتقت ليك على فكرة قربت أكتر وحاولت تبوسه وقفهااا بي يدو نسمة خلااص الدموع ملت عينهااا وقالت إنت بتجرحني بي تصرفاتك دي يا محمد 😢😢😢
محمد : وانتي عملتي شنووو يا نسمة ؟؟؟ وجعتي قلبي 💔💔بي تصرفاتك وانتي ساكتة  وقبل كدة قلت ليك لما تقرري إنك تحكي انا قاعد غير كدة ماف هااا
نسمة : طيب أنا ح أحكي ليك بس لازم تعذرني
محمد :سامعك
نسمة : ......... حكت ليهو كل الحصل مع خالتهااا
محمد : وانتي صدقتي وحكمتي علي كنتي القاضي والجاني في نفس الوقت للدرجة دي ما عندك ثقة فيني 💔💔 ما عندك ثقة في حبي ليك ياريتك سمعتك الكلام وجيتي حكيتي لي 💔💔 أي زول يجي يقول ليك كلمتين عني انت ح تصدقيهوو بي طريقتك دي
نسمة : لا ما تقول كدة أنا بثق فيك 😢😢😢 بس كنت خايفة والخوف اتملكني
محمد : ويا ترى مشى وين خوفك الليلة ؟؟؟
ظهر على نسمة التردد والخوف أكتر وده شكك محمد زيادة في تصرفاتهااا جاوبي سألتك أنااا
جاوبت نسمة بي تردد: م مشيت الدكتور
محمد : دكتور ؟؟؟ دكتور شنووو اوع يكون الفي بالي
هزت نسمة رأسهااا بي ايوة وهي ساكتة إتكلم محمد بي عصبية لا والله ماشاء الله وعلى كدة إطمنتي على نفسك وجاية تصارحيني بعد شنووو محمد كان ماشي لأنه ما شايف من الغضب وقفته نسمة : أسمعني بس أنا والله بس كنت عايزة أطمئن لأني خايفة مسكت في يده وقعدت تبكي
محمد صعبت عليهو بس قال : مل عندك مبرر حتى لو إنتي خايفة لحظات زي دي مفروض أكون فيهاا معاك طيب هسي ال ح يضمن ليك شنووو إني ما عندي سبب يمنع ؟؟ تحبي أمشي الدكتورر اكشف ليك علي نفسي عشان بالمرة تطمئني اكترر😔😔😔
نسمة : لا يااا محمد مهما حصل انا ما ح أقدر أبعد عنك وراضية بي قسمتي معااك انا ما عندي زول غيرك انت بعد أبوي في الدنيا دي 😭😭😭😭
محمد : لا ولييه ما ح تقدري تبعدي ،، بما انك فكرتي اني ح أبعد عنك عندك الصلاحية تبعدي وتفتشي على زول يحقق أحلامك
نسمة: انت كل أحلامي يا محمد❤❤ 😭😭😭
محمد : إنتي انانية شديييد يا نسمة 💔💔 ومشى قعد في الكنبة و خلاهاا نسمة حست إنو موقفهااا بقى صعب بس لازم تكسبه مشت قعدت تحت رجوله وهي بتبكي انا غلطانة والله عارفة كدة 😢😢 الله يخليك يا محمد مشيهااا لي انا هبلة وعبيطة ما فكرت في أي حاجة غير اني ممكن أخسرك ارتفعت شوية ووقفت على ركبتهااا حاوطت رقبته بي يديهااا بدت توزع قبلات خفيفة  في وشه وتعتذر محمد الله يخليك ما ح أعيدهااا تاني بس أنا ما قادرة أبعد كدة 😭😭😭 لسة مواصلة في قبلاتهااا محمد جسمه إتخدر من لمساتهااا وإبتدأ يلين نسمة لما حست بي كدة قربت أكتر لامست شفايفه في قبلة خفيفة وفي لحظة كان محمد محاوطهااا وبيبادلها القبلة بشكل أعمق وذاااابت صهور الجليد بيناتهم 🙈🙈🙈🙈
********************
تم اسبوع تاااني والليلة خلااص وفاء وحسام ح يرجعوو 😍😍😍😍 طول الاسبوع منسجمة في شغلي والبيت مااف حاجة جديدة في حياااتي وطول ما أكون فااضية بتكلم مع وفاء وبمشي لي أمل ريماس وريناد خلاص اجازتهم قربت تخلص وبستعدو للسنة الجديدة ريماس السنة دي ممتحنة وداخلة بي حماااااس شديد 💛💛💛💛 محمد ونسمة رجعو زي ما كانوو والحب مااالي حياااتهم وعلاقتهم قوية وح تقوى أكتررر 💜💜💜 زين رجع شغله زي ما كان بس من شاف نسرين حياتك إتكركبت وإتلخبطت رااجعة بس بحاول يتماسك أكتررر قدام الناس  💜💜💜 وليد 😍😍😍 كان كل تفكيره في وفاء وما كان قادر يشيلهااا من باله بيفكر إنو لماا تجي كيف يقرب منهااا ويعبر عن مشاعرهه وفاء خللااص كانت إتأكدت من انهااا بتحبه💜💜 بس ما معروف ح تعمل شنووو ابتدو يجهزو في حاجاتهم عشان خلااص طالعين المطار
أمل كانت متخوفة من جية حسام ونظرته ليهااا ح تكون كيف يا ترى ح يبادلهاا مشاعر الحب والا يعمل زي المرة الفاتت ويرجع كما آتى ☺☺
وأنا ماشة في الشارع ومبسوووووطة عشان خلااص الليلة وفاء ح تجي وانا ماشة في الشارع لمحت زين واقف قدام عربيته وملامحه بتوحي إنه في مشكلة رغماا عن ثقالته مشيت علي جهته عشان أعرف هو ماله ويا ترى هنا بعمل في شنووو ؟؟؟  سلام عليكم كان سرحان ومااف رد حركت يدي قدام عيوانه انتبه لي وقال ريم خير بتعملي شنووو هناا
انا : لا انا جاية من شغلي انت بتعمل شنوو هناا ومالك عامل كدة
زين : لالا أبدا كنت طالع من الصالون ووقفت هنا شوية
الفضول ح يقتلني عشان أعرف هو ماله ومن الواضح انه ما ح يحكي لي وانا واقفة معاهو كدة فكرت كدة وقلت ليهووو طيب أنا كنت راجعة البيت وما لاقية مواصلات لو ممكن توصلني 😉😉
زين : طبعااا إتفضلي اركبي
........(يتبع)