زيني "قدري "

5

((5))
تلفوني إتصل كانت هي لفحت توبي وطلعت قابلتهااا في بداية الشارع كانت معاهاا واحدة صاحبتهااا إحساس إني مبسوطة أكتر منهااا دخلتهم البيت سلمو علي ناس أمي ووديتهم الصالون على طول الحلة جمبنااا كلهاا عرفت إنو معاااي عروس  ح أحننهااا وح تلبس عندي 😂😂😂 جبت ليهم العصير وطواالي بديت عملت ليهااا ماسك لي وشهااا في الفترة دي وبديت أحنن فيهاا عملت ليهاااا حنة عروسات  رهييييييبة 👌😍😍😍 في الفترة دي وفاء جات جابت الحاجات الناقصة وقعدت تتونس مع العروس وانا بحنن فيهااا وهسي قلتي لي يعني خالاتك ديل فهمهم شنووو ما ادوك القروش
يا وفاء ما تختي الناس في حتات ضيقة تاااني قالت ليهاا يا زولة بركة الربناا مرقك منهم
انا:   لا حولة ولا قوة الا بالله بس يا هنااااية ديل اهلهاا مهما كان
وفاء : أهلهاا شنوو عليك الله عاملين زي عمك ده خلاك تتبهدلي وتتمرطي في عمر مفروض تكوني عايشة فيهو حياتك طول وعرض زي ديل بتسميهم
أهل
أنا: مااافي داااعي للسيرة دي بعدين أنا ما عندي أهل غير امي واخواتي الاتنين
وفاء: وأنا مشيت وين 😔😔😔
أنا: وإنتي وأمل 💜💜💜 عشان انتو ما مجرد أصحاب خلصت من حنة العروس عايزة احنن لي صاحبتهاا يديهاا قالت لي لالا كفاية العروس ما عايزين نعصر عليك 😂😂😂😂 بطلي هبااالة البيقن أصلااا جاهز وأنا ما وراي حاجة وعايزة أحننك ما تكسري بي خاطري بديت أحنن فيهااا تلفون العروس إتصل وكان العريس  عايز يوريهاا إنهم عقدو طلبت منهم نطلع برة شوية عشان نديهم مساحتهم الخاصة في اللحظة دي كملت للبت رسمتهااا برة عندنا سرير كدة في ضل شجرة قعدنا فيهوو خلصت ليهاا وجينااا داخلين لقيناها بتبكي هديناها شوية وباركنااا ليهااا وإبتدأ تحقيق وفاء من تاااني 😂😂😂
وفاء : قولي لي يا إسمك منو إنتي صحي
:نسمة
وفاء: طيب يا نسمة زواجكم ده عن حب والا تقليدي والا كيف
نسمة :بين الاهل تقليدي وبيناتنا عن حب
كلنا:😂😂😂😂😂😂😂😂😂
وفاء: لا معليش يعني أشرحي لي أكتر كيف دي 😂😂😂
نسمة : والله نحن أساسا بنحب بعض💜💜💜 من بدري شديد بس مااف بيناتنا كلام وهو ولد صاحب أبوي وابوي وأبوهو كانو متفقين إنو نحن لي بعض بقى زواج تقليدي عن حب
وفاء : اهااا ويعني اتكلمتو مع بعض متين ؟؟؟
نسمة:لما قررو إنو يخطبوناا لي بعض هو طلب إنو يقعد معاااي لما مشيت ليهو قال لي ما عارف أقولهااا ليك كيف رغم إنو كنت حاسة بي حبو لي  قلت ليهو لو ما موافق انا ممكن وقبل أتم كلامي قال لي  ما موافق شنوو أنا ما صدقت اساسا ومن هنا بدأت قصتنااا
وفاء: أنا اصلن نفسي احب والله 😂😂😂😂😂
أنا :إتلمي حب شنووو ليك إنتي اساسااا
وفاء: عااارفة يا ريم أنا متأكدة انو مااافي زول ح يقع زي وقعتك والله 😂😂😉
أنا : ممكن تبكلي كلام وتخاريف خليني أنجز للبت يلاااا بديت أمكيج فيهااا ووفاء قاعدة ومصرة تتعرف علي قصة حياتهااا قالت : طيب إنتي ليه ما صارحتي خطيبك ده او راجلك هو بقى بي موضوع القروش
نسمة: والله أنا عرفت منو إنو رسل القروش لي خالتي وقال أحجز في المكان اليريحني بعد كدة تاااني ما بقدر أقول ليهو
وفاء: لييه يعني كان توريهو إنك ما استلمتي القروش ديل ما ناس تبيضي وشهم أساس
نسمة : ما بقدر أختهم في حتة زي دي
وفاء : والله انتي علي نياتك زي أختنااا دي
أنا : لا معليش في فرق بيناتنااا أنا سااكتة وصااابرة لأنو ما عندي الحق أتكلم هسي بس ح يجي يوم الحساب وخلاص أبوس إيدك تسكتي
كنت خلصت ليهاا من وشهااا وسرحت ليهااا ناديت أمي عطرتهااا وبخرتهااا ما قصرت معااهااا 💜💜💜💜 حصنتهااا وقريت ليهاا قرآن قلت ليهااا التوب خليهو شوية لحد ما العريس يقرب يصل
نسمة : طيب أجهزو إنتو ما ح تمشو معاااي
وفاء: كيف مااا نجي أنااا أصلن جااهزة ومستعدة بس أضرب وشي شووية ونطلع 😂😂😂
أنا: إستغفر الله بس إنتي مااشة تبع منووو
وفاء: تبعك إنتي وحاجات الناس دي الحيجيبهااا منووو
أنا: ما عندي حااجة ثواني بس وأجهز مشيت قلبت فين فستان بي طقمو وجيت سرحت شعري وعملت مكياج خفيف العريس وصل قلت لي وفاء أمشي استقبليهم وتعااالي أصلك فالحة في الحاجات دي
وفاء: ملاحظة إنك مستغلة صحبتي ليك إستغلال سئ شديييييد
أنا: انصرررررفي وانتي ساكتة
وفاء : كسرتي قلبي والله 💔
أنا :😂😂😂😂
بعد طلعت وفاء قفلت الباب من جوة ظبط للعروس مكياجهااا مرة أخيرة ولبستهااا التوب والجدلة والإكسسوارات والبخور لسة مولع وقفتهااا فيهوو 💜💜💜 الباب بدق أظنهم وصلو هااا جاهزة أفتح ليهم 😉😉😉
نسمة : لااا خليهم شوية 😂😂😂
جانا صوت وفاء ياا ريم بطلي حركات وأفتحي
عاينت ليهااا تاني : طيب شيلي نفسك ونزلي القرمصيص نحن ح نطلع
نسمة : ثواني تطلعو وين
انا: 😂😂😂 نطلع نخلي العريس يبارك لي عروسته بي راحتووو 💜 أنا ما أحب أكون عزول أبدااااااا😉😉😂😉😂😂 جريت البت من يدهااا ومشيناااا فتحت الباب وفاء عايزة تدخل وقفتهااا وين يااا السمحة قبل العريس فقط دخل وقفلت الباب وراهو
وفاءعاينت لي بي خباثة : انتي ليييه بتعملي كدة أنا عايزة ااشوووف اللحظات دي
صاحب العريس اتفقع بالضحك 😂😂😂😂
أنا: عاجبك الفضايح دي 😂😂😂😂
وفاء: طيب خلاااص أمرقي ليناا الجماعة ديل كفاهم ياااااخ
أنا : ابيييين يا حاسدة 😜😜😜 دقت ليهم الباب
يا وفاء أعقلي يااااخ
في اللحظة دي فتحو الباب
وفاء : لا معليش أقيفو انتو هنااا أنا عايزة العريس في كلمتين
أنا:😩😩😩 وفاء بطلي هيااافة وخلينااا نطلع
وفاء : ما هيااافة ولا حاجة عاايزة أقول ليهو حااجة مهمة ممكن لو سمحت
دخلو جوة وأنا بقيت محتااارة شديد في البت دي جات ريماس لابسة خلعتني علي وين العزم ان شاءالله قااشرة كدة
ريماس : مااااشة معاااك يااا بيبي
أنا: امممممممممم انتي أصلن شكلك تربية وفاء لايقة عليهاااا 😂😂😂
داخل الصالووون
وفاء: شوف يااااا سيدي ما تقول أنا عايزة أستفرد بيك لو فاكر  البت دي وحيدة وأمهااا متوفية ماافي زول يوصيك عليهااا لااااا أنا ح أقوم بالدور ده انت أسمك منوو
: محمد وانتي بتقولي كدة ليه انا محتاج زول يوصيني عليهاااا اطمئني
وفاء: لا محتاااج انت عاارف هسي هي الحاصل معاهااا شنووو .... وحكت ليهو بي قصص خالاتهاا
محمد : انا ما عارف كدة والله هسي ممكن ادفع ليكم
وفاء : ما قلت ليك كدة عشان تدفع وريم ممكن تقتلني اساساااا لو عرفت القصة ومااا فيهااا تحميهاا من خالاتهااا هي هبلة وما ح تقدر عليهم وهم ممكن يعملو أي حاجة ما تقدر تضمنهم
محمد :شكرااا ليك لأنك كلمتيني انا ح أعرف اتصرف
وفاء: ياريت ما توريهااا اني حكيت ليك عشان بس ما تتحسس
في جانبنااا
أنا: إتأخرو شديد البت الهبلة دي بتعمل في شنووو
شوية كدة جو طالعين انا بعاين لي وفاء ورافعة ليهااا حاجبي نظام هببتي شنووو
وفاء: ما تعايني لي كدة كنت بوصيهووو عليهاااا خليني أعيش دور أم العروس شوية
مشيت ليهااا الموضوع بي مزاجي عشان ما وقت النقاش ومشينااا كان في عربيتين برة أنا ركبت مع العرسان كان في واحد سايق العربية ريماس ووفاء وإيمان صاحبة نسمة ركبو في العربية التانية وطبعااا حلتنااا كلهااا كانت متجمهرة عايزة تشوف العرسان 😂😂😂😂 والعربات لفو شوية في حلتنااا والبوري شغااااال 😂😂😂 شوارعنااا واسعة شوية عشان كدة دي كلهاا إمور وفاء والزغاريت اشتغلت وصلنااا بيت العرس آخر نظاااام وجيهة وجايبين بنات للجرتق الغناء والزغاريت والمباركة للعرسان كان يوم حلووووو شدييييييد 💜💜💜💜💜 انبسطت للنهاية خلص الجرتق والعرسان ما قدامهم كتير وح يسافرو دخلت مع العروس وكانت معانا خالتهااا اول حاجة عملتهااا طلعت الجدلة والإكسسوارات حقات منى مسكتهم لي ريماس عشان ما انساهم كانت عايزة تلبس عباية للسفر بس أنا احلف وهي تحلف عروس تلبس عباية ما جادة انتي  واخيراااا  اقتنعت وطلعت فستان ظريف لبستو😘😘 جاء محمد داخل اهااا خلصتووو
انااا: خلصنااااا اتوكلووو عشان نتوكل نحن
محمد : وين دهبك يا نسمة ما لابساهو في عروس بتطلع يديههاا فاضية
نسمة دنقرت رأسهاا وما ردت
محمد : سألتك انا جاوبيني ليييه ما لابسة دهبك
نطت خالتهااا : نستووو في البيت عشان كدة
محمد : طيب انتظرو انتو معاهااا وارح نجيبو ليهاا المسافة ما بعيدة
طلعو محمد وخالتهااا يجيبو الدهب ونحن قاعدين نسمة بقت تبكي
انا : بتبكي ليييه يعني لو سمحتي كدة ح تخربي المكياااج
نسمة : خايفة محمد يعمل معاهم مشكلة
وفاء: يااا حنييييييينة ما تخاااافي محمد ما ح يعمل معاهم مشكلة وبطلي سهوكة 😂😂😉
كلنا : 😂😂😂😂😂
شويتين كدة وجو لبسهااا دهبهااا وودعناهم تااني قعدت تبكي
وفاء: اهااا في شنووو تااني 😂😂 الناس تبطل دراما
نسمة: ماا عارفة أشكركم كيف أنا لو عندي أخت ما كان عملت الإنتو عملتوهو معاااااي ما ح أنسى وقفتكم معاااي طول العمر
أنا: لو عايزة تشكريناااا بجد أفرحي وإنبسطي واوعك تكوني ضعيفة وبطلي إستسلام اتفقناااا
نسمة : ان شاء الله
يلااا ودعناهم وطلعنااا وصاحب محمد القبيل ح يوصلنااا إسمه وليد
طول الطريق ريماس ووفاء اكلو أضانو بالكلام نزلناا وفاء اول بعدين وصلنااا قبل ما أدخل البيت مشيت رجعت حاجات منى وشكرتهااا وقعدت تتكلم لي عن المكياح والحنة انهم حلوات وكدة وطلعناااا انا كنت هلكااانة وعايزة انوم دخلنا سلمنا علي أمي وريناد كانت نايمة انا كمان ما اتحركت كنت لابسة تحت الفستان اسكيرت نص وتشيرت نص كم بس طلعت الفستان في مكاني داك ورقدت نمت من التعب كنت مبسووووووطة شديد اني قدمت حاجة لي بت واني نجحت في إختباري مع  نفسي مبسوطة إني قدرت فرحتهااا ويومهااا عدى زي ما هي عايزة فالحمممممدللله ......(يتبع)