زيني "قدري "

3

العربية كانت ح تضربني صرخت بي أعلى صوتي بتاع العرببة داس فرامل ونزل كنت قاعدة في الارض وببكي أصلن من الخنقة دموعي ما راضية تقيف
: يا بتناا لوو سمحتي حصلت ليك حاجة في حاجة موجعاك هزيت راسي بمعنى لا ، طيب بتبكي مالك هسي لو في حاجة موجعاك قولي اوديك المستشفى لا أنا كويسة الحمدلله طيب قومي من الشارع والبسي طرحتك دي 😞 وانتبهي وانتي ماشة في الشارع مشيت من غير ما أرد عليهو لفيت كتييير وانا ببكي في النهاية مشيت لي أمل قعدت أبكي واحكي ليهاا عن الحصل حاولت بقدر ما تقدر انهاا تصبرني وتهديني بس فشلت كل محاولاتهاا طلعت منهم مشيت علي البيت لقيت امي ومعاها ريماس قاعدات منتظرات جيتي اول ما دخلت ريماس جات جارية علي حضنتهاا وهي بتبكي قالت كنتي وين انتي انا كنت خايفة عليك كل شوية كنت بطلع الشارع اشوووفك ليه ما جيتي ابتسمت من وسط حزني وقلت ليهااا معليش خوفتك علي 💜💜💜 انا جيت يلااا امشي نومي بكرة ورانا مدرسة وانا ح أمشي الشغل دخلت علي الغرفة عايزة أغير واطلع الشغل جات أمي : نهاية تصرفاتك دي شنووو من النهار انا قاعدة علي أعصابي انا اتكلمت معاك والا جبرتك علي حاجة شوفي ياا أمي عشان نكون واضحين متفقين انو انا ح أقرأ وح اجتهد وح أشتغل ح أحقق حلم أبوي 💛💛 وعرس ما ح أعرس هسي عندي احلام وطموحات نفسي احققهاا وحتى لو جا يوم وعرست فيهوو عبدالله ابدااا ما ح يكون الانسان الأنا ينفع أرتبط بيهووو ما مناسب لي بجمييع المقايس ومجرد اني اشوف عندك قبول ليهوو دي حاجة تجرحني وتكسرني كمان 💔
أمي: ياابتي أنا خايفة عليك من عمك
انا : وين كان عمي ده ؟؟ ده واحد ما صدق انو اخوهو مات عشان يستولى على أملاكه ما صدق انو نحن بنات ضعيفات ما نقدر نرجع حقنااا منه بس لااا انا هسي ساكتة وصابرة عليهو بس ح يجي يوم وارجع منه كل حااجة تخص أبوي ح يجي يوم وكل أملاكنااا ترجع وتقولي ريم قالت وقصة انو عايز يعرس لي عبدالله ده جزء من خطة عايز يستكملهااا عشان يضمن إنو أنااا ما ح أفتح خشمي وهو عااارف كويس اني ساكتة بس ما ح أسكت كتير
امي قااعدة وبتبكي قعدت تحت رجولهاا مسحت دموعهااا ممكن مااا تبكي يااا أمي وما تخااافي علي أنا بقدر عليهم بعدين هو ماافي حاجة بي يدو يعملهااا ح يقطع مننا المرتب مثلااا والا ح يحرمنااا من الميراث دي حاجات نحن اتجاوزناهااا يااا أمي ونحن ابدااا ما ح نخت نفسناا تحت رحمته
أمي: انا ببكي عشان شايفة فيك أبوك 💔 صدق لما قال انك انتي ال ح تمسكي البيت ده وانك انتي الح تسنديناااا يااابتي انتي القدرك لسة بلعبو في الشارع
انا : 😂😂😂😉😉 لالا ما قدر ده نحن كبرنااا خلااص ربناااا يرحمه أبوي كانت عندو نظرة فيني بعيييييدة وان شاءالله ما أخيب ظنه فيني يلااا إرتاحي إنتي وانا ح أمشي العيادة عديت يومي بي شكل روتيني عااادي ورجعت البيت بعد كدة مشيت رقدت وحمل في كتفي إنزاح إني كسبت أمي في صفي ♡ تاااني مافي شي يهمني مرت الأيام سريعة وعمي ما اتكلم مع أمي تااني غير مرة وانا مواصلة في شغلي مع معاش أبوي الحمممدلله حياتنااا ماشة وخلصت تانية ونزلت تالتة علمي وشايلة هندسية اللي هي رغبة أبوي صاااح ما كانت رغبتي بس حبيتهااا لأنهااا رغبة أغلى الناس عندي ،،، ريماس كبرت وبقت في سادس وريناد في رابع ريماس قريبة مني شديييد يمكن عشان جاية وراي طوااالي دايمااا بتحب تتونس معاااي وانا بريدهااااا شديد شوفتهااا بتبسطني من وهي صغيرة بتزعل لما أكون متضايقة .
خلصت تالت وبقيت افكر اني لازم اشتغل حاجة تانية بعد كدة دراسة الجامعة والمواصلات ما ساهلة لوازمي ومتطلباتي ح تزيد ومع الاسف ما عندي زول اقدر اطلب منو يعني لازم أعتمد علي نفسي لازم ألقى شغل كويس بقى ده كل همي اني اشتغل حاجة تانية بنوم وبصحا عليهو وبفكر في شغلة ممكن تربحني راسي جايط شديد وما عارفة اعمل شنووو في فترة الاجازة دي اشتغلت مع محامي دوام صبااحي وبالمساء كنت بمشي العيادة والامور ظابطة لكن السؤال الما بفارقني لما أنزل جامعة ح أتصرف كيف أكيد ما ح أقدر اشتغل دوامين وشغل العيادة يادوووب يكفي .
في فترة الاجازة دي كذا عريس اتقدم لي رفضت من غير نقاش كنت بعتبر انو ده عائق لي أحلامي امي شايفة انو انا خلاص كبرت واكتر من كدة ما ح أعرس عندناا هناك في البلد القدر ريماس فكرو في العرس وفي الغالب بتكون محجوزة عشان كدة امي ما كانت متقبلة فكرة اني ما اقبل العرسان وانو انا خلاص سنة او بالكتير اتنين اسمي ح يتكتب من ضمن العانسات خصوصاا ناس بلدنا بسمعوهاا الكلام عن طريق التلفونات والمطاعنة الكلام ده ما يأثر فيني لأني عارفة نفسي عايزة شنووو بس أمي مجتتهدة في انهااا تلقى العريس البناسبني والموضوع في حد زاتو بضايقني في يوم جيت راجعة من الشغل لقيت أمي ومعاها جارتنا بتكلمو دخلت قعدت معاهم شوية كدة وجارتناا اتكلمت رأيك شنووو في عباس ود أختي
رديت: غريبة يعني عايزة شنووو بي رأي في ود أختك 😟 بما اني عارفة مجرى الحديث ماشي وين بس صبرت عليهااا ترد قالت : يعني الولد وجيه ومكسر البنات وشغال في الجمارك لو توافقي نجيبو ليك
انا : كمانن يعني انتي عايزة تاخدي موافقتي وبعد كدة تمشي تجيبيهو ويمكن يرفض والله كلااام وقفت علي حيلي وقلت ليهااا شوفي ليهو غيري امشي اناا من هنااا عشان ما عايزة أغلط فيك
طلعت من البيت وخليتااا تردح مع امي ركبت مشيت ناس وفاء صاحبتي لقيت معاها خالتهااا ظريفة كدة وووناسة نستني الهم الأنا فيهووو كانت
بتظبط في نفسهااا لأنو راجلهااا جاي من سفر دخلنااا انا و وفاء جوة نتونس مع بعض حكيت ليهااا بي قصة عباس وفاء قالت لي انتي ليه ما بتدي نفسك فرصة حتى اتعرفي علي العريس هسي انا لو واحد اتقدم لي بوافق طوالي 😂😂😂
انا : اولاا انتي ظرفك ما زي انا ما عايزة اخواتي يتبهدلو ما عايزاهم يحتاجو حاجة من زول كل واحدة فينااا لازم تبني نفسهااا لازم ابقى ليهم قدوة كويسة واكون وراهم عندي احلام وطموحات لازم احققهااا اولهااا اني لازم احقق حلم ابوي وابقى مهندسة ناجحة يشوفني وهو مبسوط الزواج ممكن يعطلني عن حاجات كتيرة في رأسهااا ويااا ستي لو مقسوم لي بلقاهو ولو عنست وين المشكلة يعني😂😂😂😂المهم اني مبسوووووطة وبعمل الحاجة الأنا عايزاهاااا بعدين انا ما عايزة اتزوج زواج تقليدي 😉😂😂😂
وفاء : اختصري من البداية يااااا كلبة وقولي انك عايزة تحبي وتتحبي وحركات البنات دي 😂😂😉😂😂😂 انا مبسوووووطة بيك ياااخ انتي أحلى زول💜💜 الله يلعن الظروف ياااخ كان زمانك مبسوطة وما شايلة هم والله انا بكره عمك ده
انا : رأيك شنوو نعرس ليك عبدالله ولدو 😂😂😂
شايلة سفنجتهااا وجارية وراي ونحن بنضحك 😂😂😉😂😂😂😂 جات خالتهااا داخلة فينااا اسمهااا مهااا مكشرة وشهااا وزعلانة وقفنا الاتنين نعاين ليهااا بادرت وفاء سألتهاا مالك يا خالتو مهاا عزو ما جاي والا شنووو ؟؟
مها: لا جاي بس البت الكنت متفقة معاها علي الحنة قالت ما بتقدر وماااف زمن اطلع بيهو اشوف كوافير برة
وفاء : والله يا خالتي انتي زاتك بتبالغي انا قلت ليك اتحنني من امس لكن ما سمعتي الكلام
انا : يعني انتي بدل ما تشوفي ليهااا حل تزيديهااا عليهاا غبية خلاااص
وفاء : بما انك هنا الحل موجود انتي ارسمي ليهااا وخلاص انا ما بقدر افتش زول غيرك
مها: بتعرفي يعني الحمممدلله تعااالي ارسمي لي
انا : لااا انا عمري ما رسمت غير بشخبط لي اخواتي وبرسم في الورق بس ما بقدر اجازف انتي راجلك جاي من سفر
مها: انا زاااتي شخبطي لي المهم اي حاجة قبل الراجل يصل
عاينت لي وفاء الله يسامحك يااا شيخة انا من متين برسم كمااان المهم عملت كيسي وجيت ارسم للمرة اختارت رسمة من تلفونهااا وانا اتقنتهااا ليهااا طلعت ظااااااابطة شديد والله كاني محترفة في رسم الحنة وخالتو مهااا انبسطت شدييييد 💛💛💛 وانا كمان انبسطت لأني ظبطهااا وكانت تجربة حلوووة والله 😍😍😍 وكوني نجحت فيهااا اداني طاقة ايجابية وفاء قالت لي : شفتي انااا دايمااا براهن عليك وواثقة انك قدر التحدي ما بتكلم سااااي فعشاان كدة ادعي لي بس 😍😍😍😍
انا : حبيبتي أنااا يلااا امشي انااا عشان زمن العيااادة وتاني صور لي الحنة يلاا سلااااااام 😘
مشيت مبسوطة وكلي حيوية فتحت العيادة ونضفتهااا وواصلت شغلي لحد ما خلصت ورجعت البيت لقيت اخواتي نايمات سلمت عليهم جيت سلمت علي أمي وانا ناسية موضوع عباس دخلت غيرت وجيت انوم امي فتحت معاي الموضوع واانو تصرفي مع سعاد جارتنا غلط ؛ من البداية انتي عارفة وجهة نظري في الموضوع يا أمي وبعدين يعني ما صاااح نهااائي انك تشحدي لي عرسان وما تفتحي معاااي الموضوع ده تاااني لأنو بضايقني وهسي انا تعبااانة وعايزة انوم نمت وانا مرتااااحة جدااا الحممدلله .
عدت الأيام وبكرة نتيجتناااا ما نمت الليل بي طولو شايلة هم وبدعي انو ربنااا يوفقني الصباح ما قدرت اعمل اي حااجة كنت متفقة مع المحامي اني ما ح أجي قاعدة ومنتظر النتيجة من الخوف جسمي كان برجف ما حاسة بي كرعيني نهااااائي كنت لحظة بدأ المؤتمر ده انا خلااص توتري زاد دموعي ما راضية تقيف شايلة التلفون في يدي وصلت الرسالة ااترددت اني افتحهااا كل ما يدي تمشي عليهاا تاني اقيف مديت التلفون لي ريماس قاعدة جمبي قلت ليهااا شوفيهااا انتي انا بتفاءل بيك فتحت الرسالة وقعدت تنطط جات اتعلقت في رقبتي وحضنتني وهي بتكورك وتبارك وانا لسة ما عارفة جبت كم ودموعي جارية لحد ما أمي قالت ليهااا وريناا جابت كم قالت 93.6 الحمممدلله كفاااااية وزياادة ح أقدر ادخل الكلية العايزاهااا دموعي زادت زياااادة من الفرحة امي بقت تزغرد والجيران اتلمو كنت مبسوطة شديييييد اتصلت علي وفاء جابت 88.2 ح تدخل معاااي نفس المجال ذي ما متفقين 💚💚💚 وأمل جابت 83 ونفسهااا تدرس ادارة اعمال عشنااا اليوم مبسوطين وفرحانيين الحمممدلله 💜💜💜 بعد يومين اتصلت علي وفاء قالت لي تعالي ضروري بعد شغلك وبالفعل مشيت عليهااا ولقيت معاهم خالتو مهااا واصلن بيوتهم جمب بعض خير يا طير جايباني لي شنووو انتي عاارفة انو انا زولة شقيااانة وشغالة دوامين يعني المفروض تجيني انتي
وفاء: والله ما أنا دي خالتو مهاا العايزاك
مها: شوفي انا جايبة ليك عرض كويس في كوافير كبير ومشهور انا بتعامل معاهو والبت الفيهو شافت رسمتك لي وقالت اشوفك لو تشتغلي معاهم العرض حلووو ودي اكتر حااجة بتجيب قروش وح تريحك هاا رأيك شنووو
انا : ايوا بس انا برسم كهواية ما عشان اشتغل كدة
وفاء : وفيهااا شنووو استفيدي من هوايتك دي لحد ما ربنااا يفرجهااا والرسم قروشو حلوة وممكن يخليك تستغني عن الشغل برة والشحططة دي
انا : طيب خلوني أفكر
...(يتبع)