زيني "قدري "

13

((13))
الصباااح صحيناا بدري صليناا وشربناا الشاي نضفنا البيت انا و وفاء ودخلناا جوة نتونس وفاء كانت بتسرح كتيير وأنا بشغلهااا ليهااا والله ده ما كان وليد ده الشقلب حالك كدة 😂😂😂
وفاء: أسكتي أسكتي مني 😕😕😑 ونومي إنتي مش بكرة نااازلة شغل
أنا:  المفروض كدة ح أقوم الملم حاجاتي عشان ريماس تجي تشيلهم وانا ح أمش الشغل من هنااا طوااالي
وفاء: انتي بتحبي الشقاوة بس هسي بالقروش الوفرتيهم ديل كان ممكن تعملي ليك مشروع صغير وترتاااحي
أنا : مشروع زي شنووو ؟؟؟ انتي بتتكلمي ساااي طبعااا بعدين الحنة في حد ذاتهااا بالنسبة لي كانت مشروع
وفاء : ذكرتيني خالتو مهاا قالت ليك العصر تجي ضرووري لي حنة
أنا : لو كدة معنااهااا بالجد خليني أنوووم 😴😴
بقيت اتقلب في السرير بس ما جاني نووم وفاء كانت شغالة بالتلفون قلت ليهااا ما قادرة أنوووم يااخ قدر ما حاولت غلبني
وفاء: 😂😂😂😂لأنك بي بساااطة كملتي النوم يااا ريم من أمس إنتي نااايمة ولسة عايزة تحاولي
عدينااا باقي اليوم كله ونسة وضحك والعصر مشينااا لي خالتو مهااا ما بعيدين منهم هم مسافة بسيطة كدة لقيناا خالتو أمال ومعاها بت شابة كدة متزوجة سلمناا عليهم وقعدناا خالتو أمال قالت لي دي بتي الكبيرة سارة متزوجة قريب عايزاك تحننيهااا حنة سممحة كدة وتحننيني أنا شكل  بسيط قلت ليهاا تمااام جهزت كيسي وقعدت أول شي حننت سارة ما أتكلمت مع زول فينااا ساكتة بس وبتعاين ليناا دمهاا تقيل وزهجااانة بعكس أمهاا تماما مفرفشة كدة وبتضحك دايمااا خلصت منهم الاتنين وكان الكيس لسة فيهو بااقي قلت لي خالتو مهااا أقعدي أعمل ليك شكل في رجولك خلصت وبقيناا قاعدين أنا ووفاء بنتونس إنتظرناهم لحد ما طلعو حنتهم ومشوا
وفاء: البت الإسمهاات سارة دي أنا ما حبيتهااا كريهة ومنفسنة
أنا: وانتي عايزة بيهااا شنووو تكرهيهاا والا تحبيهااا ماا تركزي معاهااا أناا في الشغل ده بلاااقي اشكال وأنواع من الناس ويلاااا غابت خلينا نتخارج خالتو مهااا بقت تحنس فينا نقعد قلناا ليهاا بنجيك تااني إنشاءالله ومشينااا جهزت حاجاتي ونمنااا
صحيت الصباااح بدري جهزت نفسي وودعت وفاء وأمهااا ومشيت الشغل سلمت علي لمياء ودخلت استلمت شغلي ما كان في ضغط شدييد إتصلت علي ريماس كلمتهااا تمشي تجيب شنطتي من ناس وفاء وأنا معااي زبونة بحنن فيهااا إتصلت علي نسمة بس ما قدرت أرد
*******************
محمد : الحلوووو بعمل في شنوووو 😘😘😘
نسمة : اتصلت علي ريم أكلمهاا بس ما ردت ح أتصل علي وفاء وأرجع ليهااا بعدين
محمد طيب تمااام يلاا أنا مااشي الشغل سلمي عليهم
طلع محمد ونسمة إتصلت علي وفاء: إزيك يااا فوووفة مشتااقيييين
وفاء: أنا أكتررر والله ياا نسوووم خبررررك
نسمة : كلووو تمااام اهااا خلصتوو إمتحانات وين جيتكم لي 😕😕
وفاء:ح نجي إن شاءالله بس ريم نزلت شغل الليلة تشوف الحاصل وبنديك خبر
نسمة : لا أنا عايزة أقطع عليكم الموضوع بكرة تكونوو معاااي محمد عاازم أصحابه وأنا محتاجاااكم بجد
وفاء: خلااص تمااام إن شاءالله ح نجي
نسمة : تمااام وتجي من بدري انا ح أتصل عليك بكرة بدري أوصف ليك يلااا هسي عايزة أتصل علي إيمان أكلمهااا سلاام
نسمة : ألوووو إيمي كيفك
إيمان : من إيمي دي وراااك حااجة اهاا أحكي
نسمة : 😂😂😂😂 بكرة من الصباح تشرفيني هناااا
إيمان :لييه خير إن شاءالله 
نسمة : محمد عازم أصحابه كمان عزمت ريم ووفاء وانتي ولااازم تجي بدري عشان تساعدني
إيمان : لاا أنا ما عارفة محمد ده عرسني معااك ؟؟ إعترفي جابني ليك في الشيلة والا دفعني ليك مهر 😂😂😂
نسمة : بطلي بيااخة وتعااالي بدري  منتظراااااك
إيمان : طيب تماااام
*****************
وليد : يا هلااا والله حبااابك
محمد : كلمت الشباب إنو بكرة ح تجو عندنااا
وليد : والله لسة بعد  أقفل منك ح أتصل عليهم
محمد : تمام ما تنسى لأنو كمان نسمة عازمة صاحباتهاا ريم و وفاء 😉😉
وليد : بجد  😍😍😍 يعني وفااء ح تجي
محمد : أيوووة وفاء  ح تجي ياا حنييين
وليد : سخيف أقفل يلااا
قفل محمد من وليد وإتصل وليد علي أحمد وعثملن وزين كلمهم واتفقو علي الزمن الح يمشو فيهووو
**********************
كنت شغالة لي زمن متأخر في الاجازة ح أشتغل دوامين من الصبااح لحد المساء طلعت من هناااك متأخرة شديييد مع زحمة المواصلات وصلت البيت متأخرة كان في بااالي إنو نسمة اتصلت علي ولاازم ارجع ليهااا بس الزمن كان إتأخر دي واحدة متزوجة ما ينفع أزعجهااا  أخواتي كانو نايمين لقيت أمي بس الصاحية سلمت عليهااا ودخلت غيرت وجيت أمي قالت لي أعمل ليك حاجة تأكليهااا لالا يا أمي إرتااحي إنتي نوومي أنا شبعاانة الحممدلله فتحت الشبكة دخلت الواتس لقيت رسايل كتييرة من نسمة ووفاء بكلموني بالعيزومة لقيت وفاء متصلة رسلت ليهااا الأخت جبت رقم وليد من وين 😂😂😂😂
ردت : لو عندي رقمه ما ح أرد علي أشكالك وإحتمال أحظركم زاتووو 
أنا : 😂😂😂😂😂😂 بيضي نيتك حبيبتي أنا بالطريقة دي ما ح تلمي فيهووو
وفاء: خلينااا منووو ووين من قبيل اهااا بكرة كيف وكيف ما تقولي عندي شغل  لاازم نمشي نسمة موصياني ليك جازفيهااا بي أي طريقة
انا :طبعاا متخمسة كدة عشان ح تشوفيهوو صاااح 😂😂😂
وفاء: والله أنا غلطاانة إني بحكي ليك ما تشغليهااا لي أنا عاملة ناااسية ياااخ 😂😂😂💔
أنا : ما قادرة أتجاوزكم والله 😂😂😂😂 المهم كلمي أمل وامشو من هنااا مع بعض أنا ح أمشي ارتب إموري وأجي عليكم تمااام
وفاء: ح تجي بالجد والا ح تعملي حركات😕😕 
أنا : يعني إنتي عااارفة إني لو ما جاية مااف شي يخليني أقول كدة 😞😞😞 ويلااا أنا تعبااانة ح أنوم تصبحي علي خير
صبااح اليوم التاني إتصلت علي البت الإستلمت الشغل فترة الامتحانات وإتفقت معاهاا إنهاا تجي تشتغل يوم الليلة بي حقهااا مشيت الكوافير كلمت لمياء واشتغلت  لحد الضهر كدة وطلعت
******************
في بيت ناس وفاء كانت امل جاااهزة ومنتظرة وفاء الكل شووية بتعاااين لي وشهااا في المرايا وتسأل امل ظاابطة كدة والا لسة
أمل : ظااابطة جدااا والله 😲😡😡 صدعتي بي يا وفاء في شنووو الليلة دي ما من عوايدك
يعني نحن معزومين عند ناس نسمة والا في حاجة إنتي ما مورياني ليهااا ؟؟؟
وفاأء:😂😂😂😂😂 معزومين عند ناس نسمة إطمئني بس الإنتي ما عارفاهووو إنو أصحاب محمد ح يكونو موجودين 😉😍😍🙊
أمل : يا هيماااااانة وده كلو عشان سي السيد 😂😂😂 وقعتتك كعععبة شديييد يا صاحبتي
وفاء : يلاا يلاا بطلي كلام وأمشي قداامي
طلعوا وفاء وأمل وإتصلو علي نسمة وصفت ليهم  مشو بالوصف لحد ما وصلو لقو نسمة وإيمان شغالين بجهزو في الحاجات ومحمد بساعد فيهم ه طلعوهو برة وعرفتهم علي أمل ونزلوو شغل معاهم طوااالي لحد ما خلصوو كل شي 💜💜💜 وبدوا الناس يجووو واحد وراء التاني
************
طلعت من الكوافير بدري شوية وفاء رسلت لي اللوكيشن ومعاهو وصف😂😂😂😂😂 مشيت علي أساسه لحد ما وصلت المنطقة نزلت وأنا في الشارع عايزة أطلع التلفون من الشنطة عشان اتأكد من البيت في اللحظة دي أنا دخلت في الظلط وما منتبهة للعربية القربت مني بس فجأة كدة رفعت رأسي لقيت العربية علي بعد سنتي مني رجعت وراء سريع هو وقف العربية ونزل القزاز وقال : ممكن تركزي في الشارع بي سببك هسي كان ممكن  أعمل حادث وما معروف اليحصل شنووو
رفعت رأسي وقلت ليهوو : وما حصل حاااجة خلاص في شنووو تااني 😔😔 رد علي دي إنتي هووو لا حولة ولا قوة إلا بالله من الواضح إنو عندك عدم تركيز والا حاااجة مكتوبة لي في قدري إنتي والا شنووو ؟؟!! قدر أسود ومنيل بستين نيلة ومشيت خليتوو في حتته ديك تابعت من التلفون لحد ما وصلت البيت كانت وفاء منتظراني في الباب دخلناا إبتديت أسلم عليهم لحد ما شفته بيناتكم المفاجأة والخلعة كانت باينة علينااا الاتنين قعدنااا إتعرفناا عليهم وإتعرفوو علينااا إكتملت الجلسة وبقينااا نتونس كان كل تركيزي مع وفاء ووليد 💜💜💜💜 وليد كان مفضوح أكتر من وفاء تقريبااا كل القاعدين لاحظو ليهووو أو إنو وفاء ما كانت بتعاين ليهو فما كان في شي باين بس ما يخفى علي إنهااا قاصدة مااا عايزة تظهر ليهو شئ 😂😂😂 وخايفة تتلبش وتتكركب قدامه اتونسناا ولعبنااا زين كانت نظراته لي حاادة وما مفهومة إحساس الزول الغضبان منك دااك 😂😂😂💔 بس أنا ما شغاااالة بيهو كتيرر في ونستي وضحكي 😂😂 لعبناا مع بعض جمااعة حقيقة أصحاب محمد ظريفين ودمهم خفيف 😍😍😍 ما عدا زين الما كان بهظر ويضحك معانااا إنسان جامد كدة وما مفهوم 
جاء زمن الغداء وقمنااا حضرنااا الحاجات اتغدينااا وشربناا الشاي وبعد كدة يلااا لازم نطلع  بقينااا نشكر في محمد ونسمة 😍😍😍 الكانو سبب أساسي في اللمة دي محمد قال ليهوو يا وليد شيل معااك أحمد وعثمان في سكتك وانت ياا زين معليش أغلبك شووية وصل معااك البنات دي
وليد إتغاااظ شدييد من محمد وسكت وزين رد ما مشكلة يااا حبيب بيصلووو يلااا طلعنااا أنا وأمل ركبناا وراء وفاء ركبت قدام بتوصف ليهو وهو مااشي من سكاات كالعادة نزلت أمل أول وبعديهاا نزلت وفاء كنت ح أنزل معاهااا واواصل بالمواصلات بس الهبلة قالت ليهووو ريم لسة قدام شوووية ونزلت مسافة وهو واقف بعاين لي بالمراية سألته خيرررر إن شاءالله قال لي يعني أنا ما سواق الهانم تعااالي أركبي قدام نزلت وركبت قدام قلت ليهووو يعني أنابالجد مستغربة كيف محمد الإنسان المبهج ده وكله حيوية مصاحب كائن عجيب زيك 😆😆😬عاين لي بي طرف عينه ورجع ركز في الشارع ما أتكلم معاااي لحد ما وصلت لووو سمحن أقيف خلااص انا وصلت سألني وينه بيتكم
أنا : وأنت بتسأل ليهه قلت ليك وصلت نزلني وبس
زين : وأنا سألتك وينو بيتكم جاااوبي وخلاص
أنا : بيتنااا لسة جوة شوية كدة
زين : بي وين وبقى  يسأل فيني وأوصف ليهوو لحد ما وصلت البيت شكرته ونزلت كنت تعبااانة وهلكاانة شديييد دخلت شوية كدة  وجاتني قالت لي فااضية عايزة أتكلم معاااك
أنا :انتي عاارفة إني لو ماا فاضية ح أفضى عشاانك
ريمااس: بس إنتي شكلك تعبانة ومرهقة ماالك ؟؟
أنا :فعلااا مصدعة شوووية وهلكاااااااانة
ريماس: طيب خلااص إرتااحي مااف مشكلة الموضوع يتأجل أصلن ماااف حاااجة بس كنت عايزة أفضفض معاااك
أنا : متأكدة ؟؟؟
ريماااس : أيوووة إرتااحي هسي ولي بكرة نتكلم تمااام
وليد من رجع كان بفكر في وفاء وإنه ما شال عينه منهااا حفظ كل تفاصيلهااا في القعدة دي ضحكتهااا الحلووة 😍😍 هظارهااا وجنهااا  😉😂😂 مشاغلاتهاا الما بتقيف طريق الكلام وفي حاجات كتيييرة بتشبهوو 💛💛💛 بيسأل في نفسه يااربي أنا حبيتهااا والا شنووو صورتهااا ما قادرة تفارق خيااالي بس حتى رقمهااا ما عندي عشان نتواصل
*****************
محمد ونسمة بعد رتبو البيت وصلوو إيمان أهلهااا ورجعووو قالت نسمة : ما لاحظت حااجة الليلة يا محمد وليد ده سرحاان كدة  ما من عوايدو وخلاا جنه وهظاره الكتير ده
محمد : لاحظت ولاحظت إنه مركز مع وفاء زي ما إنتي لاحظتي 😂😂😂 جيبي من الأخر
نسمة : مشكلتك كاشفني 😂😂😂 شكلو كدة وقع فيهااا بس وفاء ما أدتني أي إحساس ما قدرت أفهم شعورهااا
محمد : ولا أنااا بس بكرة أي حااجة بتبين مااا تستعجلي يفهمو مشاعرهم علي راحتهم
والصورة ح توووضح إن شاءالله  💜💜💜
بس أكيد إنتي ما لاحظتي إنو ريم وزين إتخلعو لماا شافو بعض كأنه ما أول مرة يشوفو بعض 😩😩
نسمة : معقووولة ؟؟؟ ما أعتقد وح يشوفو بعض وين لالا ما أظن
******************
تاني يوم بالمساء ريماس بتتكلم مع أمي في الغرفة
ريماس: أكيييد ريم ح تزعل لما تعرف إنووو جاء قبل كدة هنااا وأنا ما كلمتهااا وكمان بايت ومنتظرهاا هناااا ح أشووف يوم أسود الليلة 😟😟😟
أمي: هو قال بجي بعد إسبوع الاسبوع لسسة ما تم الجابوو شنووو
ريماس: يعني إنتي عاارفة إنو جااي يا أمي طيب لييه م كلمتيني كان اتصرفت كلمت ريم من بدري لييه ختيتيني في حتة زي دي أو كان تكلميهااا إنتي علي الاأقل
أمي: هسي هو نايم بي قدام  ما تكلميهاا بي أي حاااجة لحد بكرة الصبااح هو أساسا قال عايزهااا هي في موضوع  😢😢😢 وبعد كدة يمشي في حال سبيله 
في اللحظة دي جيت داخلة عليهم سلااااام عليكووووووم
طيب ردز السلاام يااا قوم ،، وعليكم السلاام
مالكم في شنووو شكلكم ما طبيعي ؟؟؟
أمي : أبدااا مااف حااجة ياا بتي
أنا : ريماااس ردي وإيااااك تكذبي علي 😡😡😡
ريماس: أصل أصل عمو محمد جاء هناا ونايم في الحوش القدام قاعد منتظرك قال عايزك في موضوع بكرة الصباح
أنا : عايزني أنا؟؟؟؟؟😩😩😲😲
........(يتبع)