زيني "قدري "

29

((29))
مر علي شهر وانا في الهند كنت داخل في دوامة شغل طويلة آخر مرة إتلاقيناا في البحر وهي بتبكي لحظة إني أعترف ليهاا بي حبي 💜💜 ولحظة إنهاا ترفض 💔💔 ما بطلعوا من بااالي بس أنا برجع ده كله لي ظروفهاا ما قنعت منهاا ولا ثانية كنت منتظر لمتييييين أخلص شغلي وأرجع احاول أعرف السبب الوصلهاا المرحلة دي واحدة في عمر ريم شنوو نوعية المشاكل الممكن تمر بيهاا لازم أعرف لما وصلت مطار الخرطوم كنت ملهوف لي إني أشوفهااا إني أعرف الحصل شنووو في الفترة دي ياا تري المشكلة الكانت مارة بيهاا انتهت 💔💔 اول حااجة عملتهاا بعد وصلت حتى من قبل ما أمشي البيت مشيت علي بيتهم بركنت العربية بعيد ودخلت جوة كانت المفاجأة بالنسبة لي "الريم سنتر " حنة ومكياج شباين وعرايس معقوولة ؟؟ ريم بعد إتخرجت عملت مركز ليهااا خطوة كويسة إنهاا تعمل شغل خااص بيهاا💛💛💛 أنا كنت عارف إنه ريم بتشتغل من بدري بس ما كنت بعرف حااجة عن طبيعة شغلهاا معقولة من زمان كانت بتشتغل في المجال ده يكفي إنهاا إختارت كدة بس إشمعنااا بعد ما أتخرجت واحدة زي ريم معاها شهادة هندسة وغير كدة شاطرة أنا متأكد لو قدمت في أي معاينة شغل ح يقبلوهاا في حلقات مفقودة انا لازم أبحث عنهااا (زين)
*****************
ما بال تلك الأيام تمضي من حيااتي ليس بهاا جديد عايشة بتنفس والسلام من جواي ميتة ألف مرة الف حمد على الشغل لانه بيسليني و البنات البجوا للحنة  بيونسوني بكون مبسوووطة شدييد يوم تكون معااي عروس 😍😍 الفرحة البتكون في عيونهم بتدخل البهجة لي قلبي 💜💜 يوم وانا شغالة بحنن في واحدة جاتني ريماس خاشة ودي ما من عوايدهاا عاينت ليهاا بإستغراب حتى شكلهاا كان بيوحي إنه في مصيبة ريمااس😳😳 في شنووو
ريماس : عمي محمد ومعاهو عبدالله برة وشكلهم ما ناوين على خير
قولة عمي محمد برة دي انا قمت من مكاني ده وطلعت ليهم متييين نحن نخلص من الناس دي كل الشاغل باالي ريناد انهاا ما ترجع تنتكس بعد ما تشوفهم نحن تعبنااا عشان هي تصل للمرحلة دي وتكون متصالحة مع نفسهااا لماا وصلت العريشة سمعت صوت عمي محمد وهو بقول ليهاا انا عايز أعرف الحقيقة
هاجمته وقلت : حقيقة شنووو العايز تعرفهااا ؟؟؟
عمي : ريناد كانت حامل والا لا ؟؟؟
رفعت ليهو حاجبي مستنكرة هو عرف من وين : انت براك قلتهاا  كانت 😕
عبدالله : كانت يعني الكلام صااح نزلته الجنين
قاطعته : انت ما ملاحظ إنه ما من حقك تتدخل اساسا وبي ياتو عين جاي هنااا ؟؟؟ وانت يااا عمي جاي عشان أنا متأكدة إنه ما حب في الولد الراح بس إنت جااي عشان تعمل مشاكل حقيقة شنوو البتبحث عنهااا إنت آخر واحد يتكلم عن الحقيقة حاجة تانية نحن ما بمستوى التفكير بتاعكم وبنعرف ربناا كويس ولو إنه ما من حقك تعرف بس ريناد حصل ليهاا إجهاض حن ما نزلناا أي حااجة
عمي : لازم تقولي إجهاض عشان تداري علي عملتكم أنا هسي ممكن ارفع عليكم قضية والحقيقة تظهر
انا :😂😂😂😂😂 تعمل شنووو ؟؟؟ قول لي تااني كدة لأني ما سمعت 😂😂 ترفع عليناا قضية ؟؟ علينااا نحن ؟؟؟ 😂😂😂 سبحان الله الدنيا دي اتشقلبت والا شنووو ؟؟؟ إنت عارف إنه لو ما أمي القاعدة جمبك ومكسورة كدة 💔💔 كان مفروض  ارفع فيك بدل القضية ألف ؟؟ ومن زمااان شديييد ولو الليلة اليوم ده أدتني العفووو انت علي إستعداد تام إني اواجهك في المحاكم إنت بالنسبة لي كنت عم بالإسم بس ما تشغل أي حيز من حياااتي وحقناا ده لو ما أخدناهو في الدنيا بنلقا في الآخرة من ناحية قروش نحن آكتفيناا وعشناا مرتاحين بس يا ترى ضميرك مرتااح ؟؟؟ يا ريت تتفضلوا تطلعوا بالذوق ااا وبالمناسبة ياريت ترسلوا ليهاا ورقتهاا من غير شوشرة كل مرة بقول ياريت ما أشوف وشكم تاااني وأنا قاصداهاا بالجد 💔💔
مشيت مننم وانا متضايقة رجعت لي شغلي لانه في ناس منتظرني حرفياا أنا بكرههم كيف نحن بننتسب ليهوو تحت مسمى إنهم أهلناا وكيف هو وأبوي كانو أخوان برغم جبروته ده كل الناس هناك في البلد عاملة ليهو ألف حساب ما بقدروا يخالفوا كلامه وده صعب علي مهمة إني استرجع اوراقنااا ما قدامي غير طريقتين طريق المحاكم وده أمي رافضاهوو مع إنه برجع ليناا حقناا بي كل سهولة وطريق البلطجة وبما اننا نحن مستضعفين فما ليناا في الطريق ده يعني حقنااا رايح بس مصيرو يرجع لانه حق الحلال ما بضيع 💚💚
*******************
مر علي كم يوم وانا بجي أقيف بي عربيتي في بظابة الشارع عشان ما ألفت انتباه بقول يمكن تطلع وأشوفهااا بس ما طلعت أبدااا الظاهر إنه شغلهاا جوة مأخد كل وقتهااا
:ريماااس📣📣
ريماس: زين ؟؟؟😳😳 خير إن شاء الله الموقفك هناا شنووو
زين : اممم ممكن أتكلم معاك شوية ؟؟؟
ريماس: خير في حاجة ؟؟؟  انا مستعجلة شوية لأني داخلة السوق أجيب لي ريم حاجات هي محتاجاهم هسي
زين: طيب أركبي أوصلك ونتكلم في الشارع
ريماس: اوكي إتفضل
زين : عايز أعرف ريم مالهاا ؟؟؟ الحاصل عليهاا شنوو؟؟؟ وحكاية السنتر ده شنووو ؟؟؟ عايز أعرف تفاصيل حياتهاا بالملي
ريماس: غريبة يعني ليهاا ده كله عامل عنهااا بحث ؟؟
ما أتردد أبدااا : وقال بحبهاا يا ريماس بحبهااا
ريماس : بس كان مفروض تقول ليهاا هي الكلام ده ما انا
زين : حاولت قلت ليهاا لكن رفضت وصدمتني بي ردهااا كانت تبريراتهاا كلهاا هايفة وانهاا ما عايزة تدخلني في مشاكل عشان كدة عايز أعرف
ريماس: يهمني في الأول أعرف حبك ده ح يصل وين ؟؟؟ بمعنى عندك نية تتزوجهاا والا مجرد علاقة؟؟
زين: صدقيني من بكرة لو هي توافق ؟؟؟
ريماس: أيوااا بس ريم مهرهاا غااالي شديييد ح تقدر تدفعه وأنا ما قصدي قروش حااجة تانية خااالص
زين : أسمعهااا واي حاااجة انا جاهز ليهااا
******************
وفاء رسلت لي إنه نقدر نقدم لي شهادتناا من الصباح مشينا عملنا الإجراءات وطلعناااا
وفاء : اظنك مبسوطة ياا ستي انك ح تستلمي شهاادتك انا ح أبلهاا وأشرب مويتهااا زي ما بقولو
انا : 😕😕 سخيفة شدييد انتي قريتي لييه اساساا ما كان تعرسي من الاول
وفاء : النية كانت في بس ما اتلاقيناا انا ووليد 😍😍😍
أنا : 😂😂😂😂 حلووة منك  اتلاقيتي مع غغيرو لو كان عندك فكرة
وفاء : قسمتي معاهو ❤😍 مالك انتي تااني
انا : خلاااص فهمنااا نهااية الموضوع ما ح تشتغلي
وفاء : لو عملتي مكتب خاص بيك أو شركة ح أشتغل معااك غير كدة لاا
انا : امممم لو عملتي هو ان شاء الله ح أعمل بس متين ما معروف حالياا بعد أستلم شهادتي ح ابدأ احضر طوااالي 😍😍😍
وفاء : حضري حضري إنتي أصلك عندك أخلاق للكلام الفاضي ده
انا : شكرااا 😣😣😕
بعد إسبوعين من الكلام ده إستلمت شهاادتي 💛💛💛💛 لو أبوي كان معانا كان ح يفرح بيهااا شديد بديت مباشرة في إجراءات الماجستير رجعت رتبت وقتي من أول وجديد بين الشغل والماستر وعشان أكسب زمني فتحت الخدمة بتاعتي تشجير في المدرسة الجمبنااا
*****************
بعد مرور أربعة سنوات
عمري اليوم ما يقارب ال25 سنة الليلة مناقشة بحث الدكتوراة بتاعي 💛💛💛 الحياة إبتدت تحلووو في عيوني طول الفترة دي حياتناا مستقرة ريماس السنة دي خريجة من صيدلة بعد ما دخلتهااا بي نسبة عااالية ،، ريناد رجعت لب حياتهااا الطبيعية إمتحنت تامن وجابت 253 دخلت الثانوي وإمتحنت شهادة سودانية "أدبي" كانت بتقول انا ما رغبتي أبقى دكتورة ولا مهندسة أكون محاسبة في بنك او او أشتغل في شركة وهسي منتظرين نتيجتهااا ياارب نشوفهااا في الثرياااا 💜💜💜 تحقق كل الاحلام الهي عايزاهاا محمد ونسمة جابو ولد سموهو  مهدي  على إسم ابوهو لي محمد 💜💜💜وامل وحسام جابو ولد وامل سمته فهد على إسم بطل رواية 😂😂😂 حرفيااا فاقداهااا الكلبة إستقرارهم كله برة لقت حساام ده وخلاااص نست أي حااااجة 😉😂😂 وفاء ووليد لسة ربناا ما رزقهم بي ذرية وفاء بتتحسس شديد من الموضوع ده لأنه زواجهم تم خمسة سنة مشوا لي اكتر من دكتور والنتيجة وااحدة ماال حاجة تمنع يعني دي إرادة ربنااا  💜💜💜 وكل حاجة ليهااا وقتهااا .. بالنسبة لي ناس عمي تااني ما سمعناا عنهم أي أخباار تاااني وما شفناهم عشان كدة حياتنااا مرت طبيعية 💜💜💜 زين الإنسان الوحيد الماالك قلبي 💛💛 وأكتر إنسان مستولي على تفكيري وأكتر أنسان انا ما عارفة عنه أي حاااجة طوا الفترة دي 💔💔😢😢
الساعة عشرة لبست الطقم الكنت المحضراهو للمناقشة اساسا انا من أمس ماا نمت من  الفرحة ما قادرة أتخيل إني وصلت المرحلة دي😍😍 الحمممدلله لبست عملت مكياج خفيف عاينت لي نفسي في المرايا بي نظرة رضاء شلت شنطتي والبحث بتاعي  وطلعت لقيت ريماس وريناظ لابسين عاينت ليهم بي إستفهام على وين متشيكين كدة
ريماس: معاااااااااااااك 😍😍😍
ريناد : اكيد لازم نكون معااك في يوم زي ده 💛💛😍😍
انا : يعني والله ح تبكوني من الفرح وأنا ما عايزة اخرب مكياج 😂😂😂
ريماس وريناد:😂😂😂😂
ريماس : والله طااالعة احلى من القمر 😍😍😍
انا : مااا اعدمكم يااارب خلوني اودع امي واخليهاا تدعي لي
أمي كانت قااعدة في العريشة وبتسرح في شعرهاا بست رأسهاا ،، قعدت تحت رجولهاا في الأرض ومن غير ما أطلب منهااا ختت يدهاا في كتفي وقالت ربناا يوفقك وينجحك ويعلي مراتبك ويبلغك مقاصدك  كانت بتدعي لي ودمعتهاا جارية وأشوفك في بيت حلالك يااا بتي 😂😂😂😂 ضحكت من بين دموعي إن شاء الله ياا امي الكاتبه ربنااا ح يكون ما تشيلي هم مسحت دموعهاا وودعتهااا وطلعنااا لمااا وصلنااا هنااك لقيت نسمة ومحمد
:لا حقيقة إنتو بتعرفوا تبسطوني وتدخلوا السعادة لي قلبي 💛💛💛💛
دخلت المناقشة في دكتور كان معاط شديييد ورفع كثاافتي بس الحمممدلله عدت على خير طلعت برة وانا صاارة أخلاقي لأني بجد كنت زهجاانة من الدكتور الثقيل ده كلهم كانوا واقفين عشان يعرفوا أنا عملت شنووو كانوا مركزين مع تعابير وشي وإني كنت زهجانة الخباثة إشتغلت عندي 😂😂😂 مشيت عليهم وانا صارة وقفت ودنقرت تحت كل واحد فيهم بقى يتكلم ويقول كلام عشان يعرفوا من الحاصل إتكلمت بي صوت متردد للأسف 😔😔 الدكتور كان ثقييل ومعاط شديد💔 بس على منووو 😂😂😉😂 الحمدات إجتزت الموضوع 😍😍😍
ريناد: وقعتي قلبي يااا شيخة حرام عليك
ريماس: عايزة أقوم أكفتك والله
أنا :😂😂😉😂 سيبكم من العوارة دي وباركوووو لي يجماااعة
ريماس: يعني انتي هسي بقيتي الدكتورة المش مهندسة "ريم أحمد "
انا: دكتورة وباش مهندسة غصبااا عن أي مخلوق في الأرض 😂😂😂 يااا كلبة
غمروني بالمباركات 😍😍 وقسموا الحلاوة لي كل الناس الفي الكلية مع كل الجوطة دي كان تفكيري في إنه لييه وفاء ما جات ما من عادتهااا وفاء مفروض تكون اول الناس حضور طلعت تلفوني وإتصلت عليهااا جاني صوتهااا : الوو ريم عملتي شنوو طمنيني؟؟؟
انا : الحممدلله يا وفاء  انتي كويسة فقدتك إنك ما جيتي
وفاء: إتماسكي شوووية خليني أقول ليك الخبر ده أنا ذات نفسي ما مصدقاهو
أنا : في شنوو يا وفاء ما تجننيني ؟؟
وفاء: أنا حامل 😍😍😍 لي كم يومين كدة مقلقة وزهجانة طوالي في حالة تعب وإرهاق امس ما نمت وليد أصر إنه يوديني الدكتور فالحمممدلله طلعت حاامل وأخيرااا
أنا : الحمممدلله ما قلناا الناس تصبر وربنااا عوااااض 😍😍
وفاء: الحممدلله نحن ياداب طالعين من الدكتور بس ح نجيك في البيت
انا : إرتاحي إنتي وأنا ال ح أجيك 😍😍😍
ذي ما المصايب لا تأتي فرادى الأخبار الحلووة بتجي مع بعض😍😍😍💜💜
****************
بعد كلامي مع ريماس وقفت طول الفترة دي وأنا متابع في صمت  أيوة كنت بعيد بس ما كان بمر علي يوم من غير ما أشوفهااا كنت متابع كل تحركاتهااا بفرح وأنا شايف إنه إسمهاا بكبر قدام عيوني 😍😍 بتجتاز كل العقبات الفي طريقة بالنسبة لي نجاحهاا كان من اولوياتي فلما أعرف إنه في حاجة واقفة في طريقهاا كنت بتصرف واوفرهاا ليهاا من غير ما تحس كنت بدعمهاا من غير ما تعرف صلحت علاقاتي مع كل الناس في محيط دراستهاا عشانهاا هي عشان يساعدوهاا ومنهم أعرف هي ناقصهاا شنووو والعقبات الفي طريقهااا أول مهمة لي إنهاا تثبت ذاتهاا لي نفسهاا وتحقق طموحهااا دي خلصناا منهااا ✔✔ بعد كدة جاء دور المواجهة لازم أظهر في الصورة لأني الليلة اليوم قادر أقدم المهر اللي هي عايزاهووو
****************
مشيناا لي وفاء كلناا 😍😍😍 باركنا ليهم كانوا فرحانين شديييد 😍😍😍 عديناا معاهم وقت طويل كدة ورجعنااا البيت أمي كمان باركت لي💜💛💜 استحميت وغيرت وجيت رقدت في رجولهااا   
امي : اهاا وبعد كدة فضل شنووو
كنا عاارفة هي بتلمح لي شنوو 😂😂 : الفي بالك بس يا أمي 😂😂😂😉
أمي : يعني نويتي
أنا : نويت شنووو يا أمي بس يعني ح أكتب لافتة وأعرض فيهااا نفسي ما كل شي بي وقته
أمي : الله يهديك لو انتي وافقتي العريس بجي
انا : امور جديدة دي كمان ياا أمي اوافق قبل ما العريس يجي
أمي : ما قادرة عليك أناا والله
سكت منهاا وهي بتحرك يدهاا في رأسي مساااافة قطعت الصمت : أمي
امي : اهاا
انا : قولي خير وخليني أرفع قضية على عمي محمد نرجع حاجاتنااا ويرسلوا لي ريناد ورقتهااا
امي : تااني ح نفتح الموضوع ده دايرة تعاادي عمك أبوك لو كان عايش ما ح يرضى بي كدة
أنا : لا أبوي لو عايش ما ح يسكت على الظلم ولا ح يتستر عليهو بعدين ده ما يتسمى عم
امي : برصو الدم عمرو ما ببقى موية
أنا : بقى يااا أمي لو ما بقى موية ما كان خلانا نحن بنات ونعاني كدة ما تتكلمي بي مثالية عن ناس ما بيسووو حاجة
أمي: معليش ربناا يغفر ليهووو بس برضو المحاكم لااااا خليناا نحتسبهااا لله
انا : يا أمي انتي عاارفة انه نحن تحديداا في الوقت ده ما محتاجين للقروش بس أنا ما ح أرتاح لو ما رجعت حقناا منه
أمي الفي راسهاا في راسهاا ما بتغير رأيها وما بقدر أخطي الخطوة دي من غيرهااا دخلت الغرفة وانا مستاءة جدااا 💔💔 جات ريماس وراي أسمعي كلام أمي ياا ريم
أنا : حتى إنتي يا ريماس
ريماس: خليها على الله وبكرة تفرج من عنده خليك مؤمنة بي إنه الحق بيلف ويلف ويرجع لي أصحابه 💛💛💛💛 إرتحت شوية بعد كلام ريماس سلمت أمري لي الله بالعصرية نضفت المركز لأني لي إسبوعين ما إشتغلت أمي جات قالت لي ما ح تخلي الشغلة دي انتي
انا : عمري ما ح أخليهاا الشغلة دي هي الفتحتهاا علي وهي الوصلتني هناااا 💜💜💜
ريماس: لا أمي تقصد واحدة معاها دكتواراة في الهندسة تشوف ليهاا شغل يعني والا ح تكوني محصورة في شغلل المركز
انا : أكييد ح أفتش وح أشتغل لحد ما أسس شركتي الخاصة 😂😂😂 هسي لو عمي رجع ليناا اراضيناا  دي كان عملت شركة طوالي 😂😂😂
ريماس : وين الزول القال ما ح أدخل قروش الورثة في شغلي وانا ح ابدأ من الصفر وح أبدع ووين وين 😉😉
أنا : ما تصدقي أي كلام يتقال 😂😂😂 دي مجرد ثرثرة كانت عشان ما عندناا ورثة
*********** ****
:ريم
😳😳😍😍😢😢💔💔
إتوقف الزمن في اللحظة دي بالنسبة لي وأنا شايفاهو قدامي نفسه زين نفس الطلة نفس الشياكة  زايد حلااوة من أول 😍😍 لساني كان كأنه مربوط مد يده وقال إزيك
مديت يدي بي ببطء" يااااه زمن أنا فقدت الأمل إننا نتلاقى تااني اساسا " الحممدلله انت كيفك
زين : ما ناقصني شئ غيرك
كأنه قاصد يوترني زياادة سكت ما رديت وهو بعاين لي لمممن عقدني خير في حااجة مالك بي جاااي
زين : لو قلت ليك صدفة أكون كذبت عليك أنا جاي مخصوص عشانك
أنا : عشاني انا ؟؟؟؟ زين نحن كناا
زين : اشش أنا عندي كلام عايزك تسمعيهوو ممكن تركبي معااي ،،، سكت ما رديت ،، معقولة مترددة ما تخااافي هم كلمتين لازم تعرفيهم وبعدين في أمانة حقتك معاي عايز أرجعهاا ليك
أنا : ؟؟؟؟؟؟؟
زين : اركبي وإنتي تعرفي
ركبت معاهو من غير كلام مشى البحر وقف العربية نفس المكان الإتقابلناا فيهو آخر مرة نفس المكان الإفترقناا منه 💔💔 نزل وقال لي تعالي مشى قعد في الأرض جمب البحر قعدت جمبه مد لي ظرف ما قدرت أفتحه وانا بعاين ليهو بي نظرات كلهااا إستفهام أشر لي بي رأسه نظام أفتحه بس أنا ما كنت قادرة رجعته ليهو: أفتحه إنت 
زين : بس هو يهمك إنتي ولازم تفتحيهو  أنا جمبك وماف شب بخوف أفتحتي
ما عارفة ليه قلبي كان ماكلني وكنت خايفة من إني افتحه لي درجة إني كنت بستنجد بي نظراته وانا بفتح فيهو كان فيهو اوراق عاينت ليهو أشر لي إني أفتح الورق شلت الورقة الأؤلى كانت ورقة طلاق ريناد عاينت ليهو بي خلعة ما كنت قادرة اتكلم بس كله بالنظرات وهو نفس الشي اشر لي اشوف باقي الورق ورقة بيتنا الجناين الاراضي كل الاوراق الكانت عند عمي كيف بقت في يد زين ؟؟؟ السؤال
عاينت ليهوو وانا بسأل السؤال ده إتكلم وقال شوفي يااا ستي قبل أربعة سنة بالتحديد بعد ما اتلاقيناا هنااا انا تاني يوم سافرت الهند لفترة شهر اول ما رجعت كنت عايز أشوفك وعايز احاول إنك تشاركيني مشاكلك بس ما كنتي بتظهري كنت بجي أقيف في بداية الشارع انتظر لحد ما في يوم لاقيت ريماس
#فلاش_باك
.........ريماس: أيوااا بس ريم مهرهاا غااالي شديييد ح تقدر تدفعه وأنا ما قصدي قروش حااجة تانية خااالص
زين : أسمعهااا واي حاااجة انا جاهز ليهااا
ريماس : طيب ياا سيدي (........) ده كل الحصل معانا من لمااا فقدناا أبوي لحد اللحظة دي
زين : وريم إستحملت كل ده براهاا ؟؟؟ في ناس كدة زي عمك ده
ريماس : للأسف في ريم ما ح ترتاح لو رجعت أي حاجة حقتنااا في نفس الوقت ما عندنا حيل نواجهه بيهو وأمي رافضة طريق المحاكم
زين: دي مهمتي إني أرجع ليكم أملاككم دي ما كمهر زي ما اإنتي قلتي بس واجبي إني أقيف معاكم متأكد لو كان حكيتو لي وليد أو محمد كان ح يرجعوهم ليكم
ريماس : لالا أبدااا إنت فاكر عمي ده هين ؟؟؟ ما ح تقدر تطلع منه لا بي حق ولا بي باطل ده ما بعيد يلبسك تهمة
زين : ولا قدر يعمل حاجة أنا لي طرق خااصة
#نهاية_الفلاش
كنت مصدومة من البقول فيهوو  :بس انا عايزة اعرف عملت كدة كيف
زين: بعد كلامي مع ريماس اخدت اسمه وعنوانه ومشيت إتصلت على واحد صاحبي ضابط ومشينااا عملنا عليهم فيلم وقبضناهم وتحت التهديد حتى جابوا كل حاجة ومضيناهم قرار وهمي بعدم التعرض عشان كدة طول الفترة دي ما قربوا عليكم،، استلمت الاراضي والجناين عينت فيهم ناس جديدين اشتغلو فيهم وكنت بسلم القروش اول بي اول لي ريماس وبعد كدة القرار عندك والاوراق معااك تقدري تعملي العايزاهوو
أنا : يعني يعني
يعني إنت ما كنت ناسيني؟؟؟
كنت بتعمل كل ده عشاني ؟؟؟ وأنا الغبية عملت شنووو 😢😢😭😭😭💔💔 ماف كلام إعتذار توفيك حقك
زين: أنا عملت كدة عشان اساعدك في انك تصلي للعايزاهو عملت كدة  عشان انت كنتي عااايزة كدة عملت كدة عشان اشاركك في همومك ومشاكلك وعشان مااف حاجة تمنعني أقيف معاك
أنا : 😢😢 لا إنت إنسان حقيقي بجد ؟؟💔💔
طيب ليه ما قابلتني من عملت كدة
زين : عشان كنت عايزك تركزي في أحلامك وتحققيهااا كلهاا مبسووط بي شوفتك وانتي محققة كل العاوزاهو اظن الليلة ح تقدري تنومي وانتي مرتااحة
اثناء ما هو بتكلم وانا مركزة معاهو لو بحل لي كان حضنته 🙈🙈😍😍💜 ما قصر أبدااا عمل كل البقدر عليهو عشان بس يسعدني ويحقق طموحاااتي بقى أحن علينااا من القريب ومنع شره عننا فقررت إني أخطو الخطوة دي وقلت ليهوو زين
زين : نعم
أنا : أنا بحبك 💜💜💛💛💛.......(يتبع )
ناس تبقالك طوبة عترة ، وناس تدفقلك فال من فالا 💗💛
"الله ياخد ناس الكهرباء ويحرق الصين والتلفون البرايم"