جموح تلميذة

💕 بارت 33 💕

🍒جــــــــــموح تلمــــــيذة🍒 🔥نــــــــــور العـــــلـــــوي🔥 حيناً تصيرُ الأُغنيــات حكاية❤ الجزء : 62 في جهة أخرى عند جميلة... دخلو عند الذهايبي جبد ليهم الخواتم جميلة بقات غا حالا فيهم فمها ماعارفا شنو تختار كريمة هزات واحد بين يديها كااتشوف فيه ابتاسمات ونطقات "هادا زوين" جميلة غا شافتو خسرات سيفتها من بشاعة الخاتم لي كاتشوف قدامها غير لاحظات كريمة كاتخنزر فيها دارت ضحكة صفرة ونطقات "هيهي اه زوين زوين ولكن نشوفو لا لقينا ماحسن" شافت واحد الخاتم غير من الجاج محطوط لداخل تا غوتات "بغيت هادا جبد ليا هادا" كريمة باقا شادا قلبها من الخلعة لي تخلعات فاش غوتات "ناري مالكي على حالتك خلعتيني غا بشوية ماغايهربش" جبدو ليها مول المحل خداتو قيساتو على يديها كاتشوف فيه بإعجاب كاتدوي والابتسامة على وجهها "بغيت هادا حبيتو" كريمة خسرات سيفتها وشافت فمول الحانوت "عفاك جمع ليا هادا الله يخليك" مول المحل "مرحبا" سيف كان غا مسند على كادر الباب دلمحل وكايتفرج فيهم تا سالاو ضارت عندو جميلة ومشات كاتجري شبكات يديها مع يديه سيف "على سلامتكم" كريمة "يلاه نمشيو" تمات غادا قدامهم وسيف وجميلة تابعينها من اللور كايوشوشو مع بعضياتهم جا يوم جديد يوم حفل خطوبة جميلة عند مريم... فاقت على صوت التخرشيش فالبيت... بدات كاتتشبح وتفتح عينيها بثثاقل غير شافتو قدامها واقف عليها كي قباض الروح ناضت قافزة من بلاصتها شادا فقلبها مريم "شكاتدير هناااا؟؟!" #يتبع....🍒جــــــــــموح تلمــــــيذة🍒 🔥نــــــــــور العـــــلـــــوي🔥 حيناً تصيرُ الأُغنيــات حكاية❤ الجزء : 63 عمر غمزها وهو كايلعب بالموس فيدو "جيت ناخد فلووسي الزين" مريم بنبرة باكية "ماعنديش والله ماعندي شي ريال" عمر قرب لعندها وشدها من فكها مزير عليها "ماشي سوقي انا فلوسي يحضرو ولا عليا بليمين تاندير ليك الشوهة" مريم "واش انا خبيتهم عليك ماعندي تا ريال" عمر "غدا غانرجع مانلقاش فلوسي راك عارفة شغايوقع شوهتك للعالام" عند سعد.... كان خارج من غرفتو شاد فيديه تسبيحو مع داز من حدا غرفتها كايسمع الهضرة والتوشويش تم راجع باللور مقرب للبيت باش يسمع كثر غير سمع صوت رجولي وهو يعقد غوباشتو في الداخل... عمر "اخر كلمة ايلا غدا مالقيتش فلوسي نتفاهمو ديك الساعة" مريم "صافي غانشوف كي نضبر ليك عليهم غير صبر عليا" عمر "غاتضبري عليهم ماشي تشوفي كيفاش" خرج مخليها كاتترعد فبلاصتها والدموع نازلين مع عينيها مع خرج من المبنى كايحس بشي حد جرو تا داه لواحد القنت شانق عليه شاف فيه موسع عينيه ماعارف راسو باش تبلا "شكون نتا؟!" سعد "لي غايفرع الز*امل بوك اشمن حساب عندك مع مريم" عمر بدا غاكايرمش فعينيه عاد تفكرو "ءء و..والو غا فلوسي" سعد طلع حاجبو "شمن فلوس" عمر "كانتسالها شي فلوس ومارضاتهمش ليا" #يتبع... 🍒جــــــــــموح تلمــــــيذة🍒 🔥نــــــــــور العـــــلـــــوي🔥 حيناً تصيرُ الأُغنيــات حكاية❤ الجزء : 64 سعد نزل عليه بروسية تا رعفو "واش بانو لطبن ديماك عندي گرون الحمار كنتي كاتهدد فيها تشوهها باياش غاتشوهها" عمر " ءء م...ماعرفتش علاياش كاتدوي" سعد عاود نزل عليه بروسية "سولتك جاوبني ماتبداش تدخل وتخرج عليا هنا فالهضرة" عمر بقا غا ساكت وكايبلق فعينيه قلبو كايضرب فالمليون وهو كايشوف فعينين سعد لي خارجة منهم النار سعد غوت تا قفزو من بلاصتو "هضضضر" تنهد بقلة حيلة وجبد تيليفونو من يدو دخل لجهة لڤيديوات وجبد ليه شي فيديو عند مريم... غادا جايا فالبيت كاتولول وتعض فضفارها "هاد الزمر ماغايعطينيش التيساع يخخخ يخخخ" شافت سعد داخل وفيديه التيليفون كايهضر مع شي حد سعد: امم صافي واخا شاف فمريم ونطق ببرود: غانتزوجو مريم بدات كاترمش فعويناتها مافاهمة والو: كيفاش سعد: غانتزوج بيك تاتولدي وتعطيني ولدي ونطلقك ديك الساعة (دور راسو لجهة الباب) يلاه لبسي ودوزي قدامي مريم: غانتزوجو دابا؟! سعد: وي دابا عندك شي مشكل راه ولدي هاداك لي فكرشك في جهة أخرى عند جميلة... ملي فاقت وهي كاتدور فالقاعة وواقفا على الشغل بنفسها ما باغا تا غلط يوقع الأرض ماهازاهاش بالفرحة قلبها كايضرب فالمليون حسات بشي يد على كتفها ضارت لقاتها مها مينة: نتي باقا هنا مازال ماوجدتي راسك جميلة: هاني غادا دابا نيت مينة: يلاه دوزي شكاتتسناي طلعات للبيت للفوق فين كانو كايتسناو البنات لي غايقادو ليها شعرها والمايكاب گلسات قدام المراية كاتشوف فراسها والابتسامة مامفارقاش وجهها تجمعو عليها البنات شي كاتقاد ليها فشعرها وشي فالمايكاب وهي غاكاتعاود ليهم على سيف الوقت كامل سالات ناضت هزات كسوة فالحمر قصيرة كاتشوف فيها وتعض على شفايفها كاتتخيل راسها كي غا تجي وسطها #يتبع...🍒جــــــــــموح تلمــــــيذة🍒 🔥نــــــــــور العـــــلـــــوي🔥 حيناً تصيرُ الأُغنيــات حكاية❤ الجزء : 65 عند مريم وسعد... خارجين من عند العدول من بعدما دخلات مريم مرادي وخرجات مريم السملالي غادي قدامها متاجه للوطو وهي تابعاه من اللور كاتجري غير باش توصل ليه ركب وركبات حداه ديمارا بلاما يشوف لجهتها دورات راسها للشرجم حاضيا الطريق ويديها كاتماصي بيها راسها كاتحاول تستوعب انها تزوجات بيه دابا وولات مرتو غمضات عينيها كاتسوط مخرجة آهات طويلة ملي تفكرات الحوار لي دار بيناتهم قبيلا فلاش باك.... سعد: غانتزوج بيك تاتولدي وتعطيني ولدي ونطلقك ديك الساعة (دور راسو لجهة الباب) يلاه لبسي ودوزي قدامي مريم: غانتزوجو دابا؟! سعد: وي دابا عندك شي مشكل داك الولد لي فكرشك راه ولدي مريم: سعد سعد عاود ضار عندها بمعنى شنو مريم: بغيت الولد فاش يتولد يتكتب فسميتي عفاك سعد طلعها وهبطها بحالا كايعبر فيها بعينيه ومشا كمل طريقو بلاما يجاوبها نهاية الفلاش باك... مريم شافت فسعد: ماجاوبتينيش قبيلا سعد فرانا الطوموبيل تا حسات براسها تلاحت للقدام وعاودات رجعات سعد: نزلي دورات راسها على المكان كانو قدام المول شافت فيه بعدم فهم غير شافتو هبط هبطات تاهي تابعاه تشوفو شبغا يصنع دخلو للمول مشاو نيشان للمحل ديال الكساوي سعد: ختاري شي حاجة غانمشيو لخطوبة سيف وجميلة مريم غا سمعات سميتها جمعات قبضتها تا تغرسو ضفارها فراحة يديها تمتمات بصوت غير مسموع: ايلا دازت هاد الخطبة على خير راه ماسميتيش مريم مشات كاتقلب فالكساوي وحدة تنسيك فلوخرا تا جات البنت كاتعاون فيها دخلات لغرفة التبديل قيسات الكسوة عاد خرجات عند سعد لي كان گالس شاد تيليفونو هز فيها راسو وضيق عويناتو كايطلعها ويهبطها من راسها تال رجليها كانت لابسة كسوة فالأخضر معرية من الصدر وقصيرة حد الفخاض مزيرة عليها مبينة گاع مفاتنها بطريقة مثيرة مريم ابتاسمات: جاتني زوينة؟! سعد بدا كايرمش فعينيه من بعد هبطهم لتيليفونو تاني: لا عجباتك خوديها وطلقينا #يتبع... 🍒جــــــــــموح تلمــــــيذة🍒 🔥نــــــــــور العـــــلـــــوي🔥 حيناً تصيرُ الأُغنيــات حكاية❤ الجزء : 66 جا الليل وبدات الحفلة كريمة ومينة واقفين فالباب القاعة كايرحبو ببنادم اما جميلة باقا فبيتها واقفا قدام المراية كاتشوف فراسها بإعجاب وكاتشوف واش باقا ناقصاها شي حاجة هزات عطرها رشاتو والضحكة واصلا تال ضروسها فرحانة وفنفس الوقت متوترة بدات كاتطلع النفس وتهبطها تحيد التوتر ماقادراش تتيق بلي ليوم خطبتها مع سيف لي كانت كاتظن عمرو يديها فيها ولا يشوف لجهتها ولكن الدنيا صغيرة هاهي اليوم خطبتها بيه وفالقريب العاجل غاتولي مرتو سمعات صوت الباب ضارت لقاتو هو داخل سيف بدا كايصفر ويسكانيها بعينيه: ماعرت كي غاندير نصبر هاد الحفلة كاملا وهاد الجمال كامل قدامي بدات كاتضحك وقربات لعندو طبعات بوسة جنب شفايفو ونطقات: توحشتك ماشفتكش هاد النهار كامل سيف شدها من خصرها وجرها لعندو تا تضربات فيه قرب لعندها تا تخالطو انفاسهم ونطق: اش بان ليك نسبقو ليلة الدخلة ليوم جميلة بدات كاتلعب بلكول دلقاميجة ديالو: مابقا والو غا أسابيع قلال ونديرو العرس صبر سيف قرب ليها: لي شاف هاد الزين يصبر يلاه حطات شفايفها على شفايفو تاكايسمعو التحنحين تتثرات منو بسرعة وجهها ولا حمر فاش شافت مها عند الباب جميلة: ءءء م... ماما مينة بدات كاتشوف فيها شوفات مامفهومينش: جيت نشوف ياكما واقعا شي حاحة شتك تعطلتي جميلة: لا هاني هابطة دابا مينة شافت فسيف مطولة الشوفة ومشات هبطات جميلة شبكات يديها مع دراع سيف وتمو غادين هابطين تاهوما بداو كايسلمو على الحضور وكايدورو على الطوابل يستقبلوهوم وكايعرفها على صحابو ما على بالهمش بالنظرات لي كانت مترقباهم من بعيد نظرات مريم لي كون كانت قرطاس كون قتلاتهم وهي الأخرى ما على بالهاش بنظرات سعد لي من الصباح حاضيها فين كاتشوف شافت جميلة وسيف متاجهين لجهتهم وهي تدير ابتسامة صفرة قربات عندها جميلة وعنقاتها: فرحت ملي جيتي مريم: مبروك عليك فرحت ليك جميلة والفرحة باينا فعينيها: شكرا سيف كان غا واقف وكايشوف مابغاش يعاود لجميلة حقيقة مريم دابا ويخسر عليها فرحتها قاطعهم صوت التيليفون ديال مريم لي بدا كايصوني استأذنات منهم وبعدات عاد جاوبات مريم: وي صونيتي فوقتك نيت.... بغيتك تطلق التسجيل فالقاعة دابا من بعد شي 10 دقايق نشوفو كيفاش غاتسالي هاد الحفلة لي فرحانة بيها قطعات وابتاسمات ابتسامة انتصار ورجعات لعندهم تاني