جموح تلميذة

💕 بارت 40 💕

🍒جــــــــــموح تلمــــــيذة🍒 🔥نــــــــــور العـــــلـــــوي🔥 حيناً تصيرُ الأُغنيــات حكاية❤ الجزء : 96 سعد "صبرييي صبرييي" بدا كايدور فعينيه كايقلب على شي ممرضة تجي تعاونو تا جاو عندو كايجريو دخلوها لغرفة الولادو وخلاوه هو برا... غادي جاي فالكولوار كايسمع غواتها وهو كارز على سنانو وما هي الا دقائق حتا بدا كايسمع صراخ ديال شي بيبي صغير توسعات ابتسامتو ملي بانت ليه الممرضة خارجة من الغرفة الممرضة "مبروك عليكم تزاد عندكم ولد" سعد ماجاوبهاش مشا داخل نيشان كاتبان ليه مريم سخفانة والممرضة حداها هازا الولد لي كايبكي بين يديها مشا خداه من يديها وطبع قبلة على جبينو الممرضة ابتاسمات ليه "مبروك عليكم يتربا فعزكم ان شاء الله" سعد بادلها الابتسامة ورجع كايشوف فولدو وهو فرحان شاف فمريم ونطق "هادي علاش ماحالاش عينيها" الطبيبة "حاجة عادية حيت تعذبات فالولادة" سعد هز راسو بالايماء داز الوقت وبدات تحل فعينيها والصورة كاتوضاح ليها كولشي مجموع عليها كايبوسو فالبيبي جميلة انتابهات ليها بلي فاقت "على سلامتك مبروك" مريم بابتسامة ذابلة "شكرا" شافت فسعد ونطقات "عطيني بغيت نشوف ولدي" سعد مدو ليها غير شداتو بين يديها بدات كاتلعب معاه فرحانة تا بدا كايبكي ماعرفات ماتدير بدات غاكاتدخل وتخرج فالهضرة "ءء بدا كايبكي خاضني نرضعو ياك" كريمة "اه بنتي هاحنا غانخرجو نخليوك ترضعيه على خاطرك" سعد "ماكاين لاش غانجيب ليه مرضعة" #يتبع..... #آرائكم....🍒جــــــــــموح تلمــــــيذة🍒 🔥نــــــــــور العـــــلـــــوي🔥 حيناً تصيرُ الأُغنيــات حكاية❤ الجزء : 97 مريم وسعات فيه عينيها "علاااش ياك انا موو" سعد "نتي بعد يومين غاتمشي" مريم عينيها تغرغرو "وولدي" سعد خدا منها الولد "هادا ولدي انا" مريم بغات تنوض ماقداتش بقات كاتترجاه غا بعينيها "عفاك ماتاخدش ليا ولدي عفاااك" سعد "هادشي دوينا فيه من قبل ورقة طلاقك غاتوصلك" ضار عاطيها بالظهر وفيديه الولد مخليها كاتبكي وتغوت بصوت عالي "عفاك اسسسعد ماتاخدش لياا ولدي عفااااك" للحظة وقف وهو كايتمتم فخاطرو "ماتضورش ماتضوورش" كرز على عينيه وكمل طريقو كايسمع غواتها كاتبكي ربي لي خلقها خرجات كريمة تابعاه ماتنكرش بقات فيها مريم "سعد ماتديرش هااكا الولد ولدها انا لي أم وغانحس بيها" سعد ضار فيها "الواليدة نتي ماتتدخليش" كريمة "الله يهديك اولدي الله يهديك رد الولد لمو" ماجاوبهاش مشا كمل طريقو خارج من المستشفى.... دازو يومين.... يلاه خرجات مريم من المستشفى كانت حالتها سائت بزاف داكشي باش بقات فالمستشفى أول بلاصة قصداتها هي الڤيلا دالسملالي مشات كاتدق بجهد وتغوت بسميتو "سععععد سععععععد" #يتبع.....🍒جــــــــــموح تلمــــــيذة🍒 🔥نــــــــــور العـــــلـــــوي🔥 حيناً تصيرُ الأُغنيــات حكاية❤ الجزء : 98 تا بداو الحراس كايبعدو فيها مريم كاتتنثر منهم "طلقوووو منييي بغيييت ولدي جيييييبو ليا ولدي" طاحت للأرض منهارة بالبكا وجملة وحدها لي ففمها "بغيت ولدي، جيبو ليا ولدي" تا خرجات عندها كريمة مخلوعة تحنات عندها كاتطبطب على كتافها "بنتي مريم ماتديريش هاكا عفااك" مريم شافت فيها بعينيها الدامعين "فيناهو ولدي بغيت نشوفو واخا غير مرة وخدة عفاك" كريمة هبطات راسها بأسى "ماعرفنش فيناهو سعد من داك النهار باقي مارجعش وماكايجاوبش فالتيليفون" مريم "ولدك شواني فكبدتي الله ياخد فيه الحق" بدات كاتغوت بحال شي هبيلة وكريمة كاتحاول تهدن فيها "الله ياخد فيه الحقق، الله ياخد فيه الحق" في جهة أخري..... گالس فوق الناموسية كايشوف فولدو لي ناعس بحال شي ملاك نفس ملامحها كايشبه ليها بزاف قرب وباسو على راسو تا كايبان ليه فاق وبدا يبكي هزو بين يديه كايراري بيه والو مابغاش يسكت عرفو باغي يرضع هزو ومشا خرج متاجه لواحد الغرفة كانت فالطرف بدا كايدق تا حلات ليه مرا فالثلاثينات من عمرها لاويا عليها شال وبينوار طويل ابتاسمات ليه ونطقات "خاصو يرضع دابا" سعد هز راسو بالإيجاب ومد ليها الولد "رضعيه وخليه معاك انا غانخرج دابا لا خصاتكم شي حاجة طلبيها من العساس لي برا ولا صوني ليا" هزات راسها بالإيماء "واخا كون هاني" #يتبع...🍒جــــــــــموح تلمــــــيذة🍒 🔥نــــــــــور العـــــلـــــوي🔥 حيناً تصيرُ الأُغنيــات حكاية❤ الجزء : 99 بعد مرور أسبوع..... متكي فالناموسية وعينيه على السقف ساهي... صورتها مازال مابغات تفارق عينيه... صوتها وضحكتها... تنهد وناض كايسوط متاجه للقرعة لمشروب لي فوق الطبلة... كب كاس ومشا خرج للبالكو جبد من جيبو باكية دالسيگار... جبد وحدة شعلها وبدا كاينثر ويسوط ومرة مرة كايجغم من داك الكاس... تا سمع شي صوت موراه.... ضار كانت المربية هازا فيديها الولد... أشار ليها تمدو ليه وتاهي دارت داكشي لي قال... شدو بين يديه وطبع قبلة على خدو... هز عينيه فالمربية ونطق... "نتي غير سيري تنعسي" المربية هزات راسها بالإيماء "واخا" مشات خرجات وخلاتهم لاح هو الگارو وعفط عليه ودخل شاد فيديه الولد . حطو فوق الناموسية وحل الصدافي دلقاميجة حيدها وتخشا حداه.. كايشوف فيه بحال شي ملاك ناعس ماسخاش ينعس وهو قدامو هاد المنظر.. 💞في جهة أخرى💞 متكين فوق الناموسية راسها على صدرو ويديه كاتلعب فكرشها جميلة "بقات فيا مريم بزاف والله صعيبة تتحرمي من ولدك خوك زاد فيه" سيف باسها على راسها "ماتفكريش فهادشي دابا خوي بالك منو" جميلة "علم الله حالتها دابا كيدايرة ففف" سيف باغي يبدل الموضوع قرب كايطبع قبلات متفرقة على صدرها "فراسك توحشتك" #يتبع....🍒جــــــــــموح تلمــــــيذة🍒 🔥نــــــــــور العـــــلـــــوي🔥 حيناً تصيرُ الأُغنيــات حكاية❤ 💜°....النهاية....°💜 الجزء : 100 طلعات الشمس وصبح الصباح گالس فطوموبيلتو قدام دار مريم ماحسش براسو كيفاش تاجابتو رجلو للهنا بقا مدة حاضي الباب بلا تا حركة عاد تنهد وهبط متاجه للدار وقف كايلتاقط انفاسو ويستجمع شجاعتو شحال عاد دق فالباب ودقات قلبو كاتتسارع تا فتحات ليه نزهة طلعاتو ونزلاتو عاد شافت فيه باستغراب سعد حنحن "ممكن تكلمي ليا مريم" نزهة باستهزاء "تال دابا عاد جاي" سعد بدا كايسوط "كلمي ليااا مريم" نزهة "مريم ماكايناش" سعد "ايمتا غاتجي" نزهة "ماغاتجيش" سعد رفع حواجبو "كيفاش" نزهة "مريم ليوم غاتسافر وتقدر دابا نيت تكون سافرات" سعد حس بالأرض كاتدور بيه وهو كايسمع كلامها شاف فيها موسع عينيه "فين غاتمشي" نزهة "ماعرفتش عندها القطار دابا ماقالتش ليا فين غاتمشي" سعد مازادش معاها الهضرة مشا كايجري ركب فلوطو ديالو مكسيري تاتناثر الغبار موراه متاجه لمحطة القطار وصل فرانا تاتسمعات جرة الروايض مع الأرض هبط دغيا كايجري داخل لداخل مشا نيشان كايسول على القطارات لي كانو ليوم لقا واحد بقاات ليه جوج دقايق ويزيد مشا كايجري باغي يلحقها قبل ماتمشي يلاه وصل لوسط المحطة كايسمع الصافرة ديال القطار شير عينيه لبعيد كايبان ليه القطار تحرك غادي وقف حاط يديه على قلبو كاينهج كايحس بيه غايخرج من بلاصتو نطق بحروف متقطعة و بصوت شبه مسموع "م....م....مريم" النهايــــــــــــــــــــــة موعدنا فالجزء الثاني لي غايكون تاهو قريبا غير خاصني نقاد أموري مابغيتش نهملو بحال هاد الجزء❤ هاد الجزء كان مخطط ليه غير قصة قصيرة داكشي باش كاتشوفو نوعا ما تسريع فالأحداث ولكن الجزء الثاني غايكون مختلف ان شاء الله💞 بغيت توقعاتكم على الجزء الثاني شنو غايكون فيه😍 واشهاراتكم القصة وكيف ديما متنساوش ديك vote ⭐ لكل بارت 💕