🍒جــــــــــموح تلمــــــيذة🍒 🔥نــــــــــور العـــــلـــــوي🔥 حيناً تصيرُ الأُغنيــات حكاية❤ الجزء : 76 مسحات فمها وناضت طالعا مع الدروج تا كاتبان ليها غزلان هابطة ولونها مخطوف جميلة بخوف "اويلي ماالكي!!" غزلان ماجاوباتهاش ضربات فيها ودازت جميلة بعدم فهم "هادي مالها تاني" كملات طريقها للبيت تشوف سيف فين تعطل دخلات لقاتو واقف قدام المراية كايسد فقاميجتو ابتاسمات وقربات كاتعاونو والابتسامة على وجهها "احح هاد اللحظة شحال حلمت بيها" سيف بادلها الابتسامة جرها لعندو تاتخالطو انفاسهم كاتحس بأنفاسو السخونة كاتضرب فوجهها والتبوريشة طالعا معاها من صبعها الصغير قرب وحط شفايفو على شفايفها كايدوزهم ببطء مخليها تطير معاه لعالمهم الخاص حط يديه على خصرها كايهبطها ببطء تا وصل لمؤخرتها ماحسات بيه تا جرها لايحها على الناموسية وجا فوقها مكالي بيديه ثقلو عليهة وشفايفهم باقين ملاقين كايلتاهم فيهم بهمجية وهي أكثر منو مدورة يديها على عنقو وكاتجرو عندها كثر وكثر تاكايسمعو صوت الباب تحل ناضو قافزين ضارو لعند الباب فدقة وحدة كانت كريمة داخلا سيف قوس حجبانو "بيت ديال وحدين مزوجين واقيلا هادا" كريمة "جيت غير نعيط ليك تفطر" سيف "هاد المرة بقاي تدقي فالباب عاد تفتحي" جميلة ضارت عندو ونطقات "صافي بلاما تكبر الموضوع" كريمة رمقاتها بتخنزيراتها المعتادة وعاودات شافت فسيف ونطقات "يلاه هبط تفطر" سيف "واخة غا هبطي هاني جاي" #يتبع...🍒جــــــــــموح تلمــــــيذة🍒 🔥نــــــــــور العـــــلـــــوي🔥 حيناً تصيرُ الأُغنيــات حكاية❤ الجزء : 77 خرجات وخلاتهم ناض سيف يكمل لبيسو اما جميلة بدات كاتدور عينيها فالبيت تا جاو عينيها على ليزار لي فوق الناموسية باقين فيه نقيطات دم عذريتها من البارح شهقات بجهد "اويلي هادا باقي هنا" ناضت طايرة هزاتو وداتو لسلة الغسيل حطاتو ورجعات عند سيف لقاتو غادي هابط مشات هبطات معاه في جهة أخرى عند مريم وسعد... گالسين كايتسناو الدور ديالهم باش يدخلو لعند الطبيبة ومريم عينيها على واحد البنيتة صغيرة كاتلعب مع باها وماماها لي حاملة حطات ييديها على كرشها وابتاسمات فاش بدات كاتتخيل تاهي ملي غايولي عندها بنت ولا ولد تلاشت ابتسامتها فاش تفكرات بلي غاياخدو ليها سعد يلاه غاينزلو دموعها سمعات صوتو "يلاه دوزي قدامي" مسحات الدمعة لي كانت عند طرف عينيهة وناضت غادا موراه دخلو لعند الطبيبة مشات تكات فوق الباياص كيما قالت ليها الطبيبة وعرات كرشها عند جميلة.... گالسين فالصالون شي كايشوف فشي بصمت غزلان ماجمعاتش تخنزيراتها من على جميلة كاتتفكر البلان ديال قبيلة كاتبغي تتطرطق فلاش باك.... يلاه حطات يديها بيتحيد ليه الفوطة وهو يلويها ليها تا تأوهات بجهد سيف كايشوف فيها مخنزر "شكاديريي!!!!" غزلان يديها كاتحس بيهم غايتهرسو بين يديه "طلق مني طلق ضريتينييي" سيف قرب تال عندها ونطق كارز على سنانو "ماتنسايش راني بمراتي وعاد تزوجت لبارح يعني هاد الحركات ديال التق*حبين ديريهم على شي حد آخر سمعتيني" #يتبع....🍒جــــــــــموح تلمــــــيذة🍒 🔥نــــــــــور العـــــلـــــوي🔥 حيناً تصيرُ الأُغنيــات حكاية❤ الجزء : 78 دفعها تا جات طايحة على الناموسية وبدات تحك فيديها شاف فيها وغوت "خرجيي تحركي وآخر مرة باقي نشوف الزا*مل بوك كاتدوري بيا" بقات گالسة وكاتشوف فيه ماتململاتش من بلاصتها تا قفزها فاش عاود غوت "تحركيييي" عينيها تحجرو بالدموع ناضت كاتجري خارجة من البيت تمنات الأرض تنشق وتبلعها من بعد هاد الموقف نهاية الفلاش باك... جميلة لاحضات شوفات غزلان لسيف وهي تشد فيه وزيرات عليه سيف باستغراب "مالك" جميلة كاتخنزر فغزلان "والو" عند مريم وسعد... كايشوف فولدو كيفاش كايتحرك فاللشاشة لي قدامو بلا مايحس ترسمات ابتسامة عريضة على وجهو مريم كانت غاكاتشوف وتضحك سالاو وخرجو راجعين للدار راكبين فلوطو هو كايسوگ وهي شادا الصورة ديال ولدها لي عطاوها كاتشوف فيها وتضحك مريم "سعد..." سعد ضار عندها بمعنى شنو "هاااه" مريم "فيا الجووع" #يتبع...🍒جــــــــــموح تلمــــــيذة🍒 🔥نــــــــــور العـــــلـــــوي🔥 حيناً تصيرُ الأُغنيــات حكاية❤ الجزء : 79 سعد "ها حنا غانمشيو للدار وكولي تاتخرج ليك الماكلة من ودنيك" مريم دلات شفايفها بحزن "لا بغيت دااااابا عفااك" سعد بدا كايسوط من بعد وقف الطوموبيل قدام واحد المطعم وهبط جاب ليها ماتاكل في جهة أخرى... گالسة فالبيت ماخرجاتش منو ملي مشا سيف قنطات ناضت حلات الباب وخرجات متاجهة للبيت ديال مريم دقات تا حد ماكايجاوبها تا سمعات صوتها موراها مريم "جميلة!!!" جميلة ضارت عندها ومشات عنقاتها "كنت كانقلب عليك جاني الملل هنا وسيف ماكاينش" مريم "اودي فهاد الدار غا لامابغيتي تقنطي" جراتها ودخلو لداخل للبيت وگلسو جميلة " ماعاودتيش ليا كيفاش تا تعرفتي على سيف وتزوحتو واخا عليك مابقيتي كاتعاودي ليا والو " مريم " كولشي جا على غفلة مالقيتش الوقت فين غانعاود.ليك " جميلة تقادات فالگلسة مربعة رجليها ونطقات بحماااس " يلاه قولي ليا كيفاش تا تعرفتو" مريم بداا كاتضور فعينيها مالقات ماتقول وبدات كاتبدل فالموضوع " خلينا مني دابا وعاودي ليا على راسك باينا دازت عليا شحال من حاجة " جميلة والضحكة واصلا لضروسها " احح عرفتي مازال مامتيقاش انا مزوجة بسيف شتي من شحال هادي كانقول ليك سيف غايولي ليا " مريم مع كل كلمة كاتزيدها جميلة كاتزيد هي تزير على ليزار دناموسية مكمشاه بين يديها ودايرا ابتسامة صفرة #يتبع...🍒جــــــــــموح تلمــــــيذة🍒 🔥نــــــــــور العـــــلـــــوي🔥 حيناً تصيرُ الأُغنيــات حكاية❤ الجزء : 80 عند سعد.... فبيتو واقف فالبالكو وشاد تيليفونو تا جا قدامو الأنستغرام ديال مريم دخل ليه كايقلب فالتصاور ابتاسم باستهزاء كايشوف بوزاتها ديال البراهش " برهووووشة " دار تيليفونو فجيبو ودخل للغرفة هز لفيست ديالو وخرج من البيت يلاه داز من حدا بيت مريم تاكايسمع شي صوت وقف كايتسنط في الداخل... جميلة "ولكن ديك غزلان اختي مامرتاحاش ليها بانتليا غا كاتدور بيه وتتلصق فيه " مريم ابتاسمات تاهي جاتها من الجنة والناس من بعد جمعات ابتسامتها ودوات بجدية " تانا بانت ليا كاتدور عليه وهو اصلا لي مضسرها " جميلة غا كانت كاتشوف فيها وساكتة تا عاودات مريم نطقات " شتي باش نجيك صراحة نتي صاحبتي وعارفة راسك عزيزة ومانبغيش ليك الشر " جميلة "اش كاين" مريم " ماغاتتقلقيش ياك؟ " جميلة "لا غير دوي" مريم " انا جاني بحالا سيف كايخونك معاها " جميلة طلع معاها كلامها بحال ليباري وتغرسات فجلدها نطقات وهي كاتحرك راسها بلا "لا سيف كايبغيني مايمكنش يخونني" مريم "انا غا قلت ليك لي بان ليا نتي غير حيت الحب عامي عينيك مابغيتيش تشوفي الحقيقة اويلي السيد النهار كامل كايضحك معاها ويگلسو بجوج فبيت واحد سادين عليهم اش كايديرو مثلا وهي تباركلاه زوينة وعاطية للعين ماكاينش شي حد غايگلس حداها ومايتشهاهاش"
أنت تقرأ
جموح تلميذة
Romanceقصة كضم مواضيع اجتماعية وبزااااااف دالحوايج قصة رائعة بقلم شمس بناني ومتأكدة اتعجبكم
