🍒جــــــــــموح تلمــــــيذة🍒 🔥شــــــــــمس بــــــنانـــي🔥 حيناً تصيرُ الأُغنيــات حكاية❤ الجزء "19" سكتت وسديت فمي قالو فيا العجايب دويت ودافعت على حقي قالو عليا خايبة انا جميلة.... فاقت مريم...على صوت جميلة كدندن...و تغني و تبدل فحوايجها مريم كتشوف فجميلة عرياانة بزربا خدات تيليفونها و بدات تصور فجميلة من لور و دير ليها فيديواات... وجميلة لي معلا بالهاش... كتبدل حوايجهاا و دندن.... مريم حسات بيها جايا جيهتها و هي تغطي تيليفون بيدها... جميلة كتهبط قاميجاا على صدرهاا تلات جنب مريم... "ونعاااسة نوضي نوضي بركة من نعاس تگعدي تفطري" مريم بدات تتفوه بحالا يلاه فاقت... "مممم صباح نور فين كنتي بليل" جميلة ببتساامةة "كنت ناعسة جنب ماما داني نعاس جنبها" مريم وقفات "ممم اوكي مزيان انغسل ونجي"... خدات تيليفون و مشات لحمام.. دخلات وبزربا شعلات تيليفون كتقلب فتصاور جميلة عريانة و فيديو لي دارت ليها بتاسمات و بدات كضحك "ها سلاح اخر بين يدياا الالة جميلة.." خشات تيليفون فجيبها و بدات تتغسل وجها.... 🔥فبــــــلاصة اخرى🔥... خرج سيف الدين ... من دارو و كيحك فلحيتو... ركب فلوطو و بدا كيفكر... ليلة بارح مزال عاقل على كولشي....تنهد وبدا كيضحك غا بوحدو... تفكر فش فاق جنبها شحال كان فرحان..💔 مكرهش...كون كان مراتو ويصبح عليها بالبوسان... بدا كيفكر فمريم...وحريرتو معاها... كيحس براسو تسرع هو مكيبغيهاش .... كيقولو حل عينيك قبل زواج اما الا تزوجتي غا سدهم سعتها.... مسح على رااسو...جميلة هي الوحيدة لي حاليا باغيها.. لي عشقها قلبو و تمناها حلالو... بدا كيفكر...و راسو اينفاجر... 🔥فبــــــلاصة اخرى🔥... كانت جميلة غااديةة و تتركب فواحد خاتم فيدهاا جنبها مريم كتشوف فيها طلعها و تهبطها تخنزر فيها ...... وصلو ليسي كانو عندهم حصص عند نفسو استاذ عربيةة مع دخلة بدا يخنزر فجميلة وقف زااعف كتب بخط عريض "تصحيح فرض الاخير الاسدس الثاني..." جميلة قشعات تصحيح عرفات حريرتها حريرة مع هد الاستاذ ليوم... بدا كيفرق الوراق و يغوت لناس لي جاو لولين.... نص ساعة لولة دازت و نص قيسم شد بقاو جوج ورقات لخرين... جميلة عرفات راسها هي اخر نقطة فقيسم ... استاذ بصوت حاد "جميلة العلاوي" وقفات جميلة حانية راسهاا عند و استاذ بدا كيضحك بستهزاء "نسولك ابنتي " جميلة ببتساامةة "مرحبا مرحبا خود راحتك" استاذ خنزر فيها "هييه تجمعي" جميلة نقزات و جمعات ضحكة خنزر فيها... "عرفتي شحال جبتي؟" جميلة "مزال مجابو فيا ا استاذ " خخخخخخخ القيسم كامل تكرشخ بضحك... الاستاذ صعر وقف و سنطيحتو ولات عرقان و يتقطر منها عرق جميلة صغرات عينيها فصلعة ديالو "الله الله ا استاذ صلعة ديالك ولات كتبول " خخخخخخ القيسم كامل بدا يموتو بضحك... الاستاذ خنزر و بدا كيغوت ويضرب بيدو صبوراا "ياك الالة جميلة عزيزة عليك الكوميدي؟ اوكي انا كنتحاد امام هد ناس لجاوبتي على هد الاسئلة انحط ليك عشرين" جميلة بلا متفكر "مشات" 🍷يتبع.....🍷 🌚🌚ممممممم اوى شناهوما هد الاسئلة اسي الاستاذ ؟ بنوتات ارائكم وتوقعاتكم♥
أنت تقرأ
جموح تلميذة
Romanceقصة كضم مواضيع اجتماعية وبزااااااف دالحوايج قصة رائعة بقلم شمس بناني ومتأكدة اتعجبكم
