المُجندة

حلقة (15)

#المُجندة
✍️زينب الحوراء علي،

_عرفت بأن سعادة المرأة، ليست بمجد الرجل وسؤدده، ولا بكرمه وحلمه، بل بالحب الذي يضم روحها الى روحه، ويسكب عواطفها في كبده، ويجعلها ويجعله عضواً واحداً من جسم الحياة.
_____________________________
هدى:_علكت الضوا لكيته بسام تنهدت حطيت ايدي على كلبي، ردت اضربة على هاي خرعة

_شبيك بسام متعرف دك الباب هيج تخرعني

بسام:_فديت مخترع حثى مرة ثانية من تنامين تقفلين الباب خالته مفتوح 😒وشلون نومه نايمة اويلي 😉

ردت اغير الموضوع، أأ وصلت ماما
_اي وصلتها

_وشلونهم اهلي

_زينين سلمون عليج

_زين تريد اكل جوعان
_لا ما اريد اريد اكل من هاي، حلويات العندي
خجلت من كلامة 🙈 و....

مشت ايام وعيشتي ويه بسام مشفت منه اي شي مو حلو كلامة العسل، وحنيته الي منطيني كل الحب وغير غيرته احسها زيادة اذا نزلت وشوي طالع من

شعري او لابسة لبس ضيك اهنا ينكلب وحش على رغم اضوج من غيرته بس احس حبه زيادة خلصت العطلة وبدا الدوام وبسام وفى بوعدة...

بيوم كاعدة اجالي بسام

بسام:_وينها عصفورتي الحلوا
ابتسمت اله شكيت عندة شي ضامه ورا

بسام:_غمضي عيونج

هدى:_اووو محب هاي دلاعات مال مسلسلات كول شنو وراك شفته طلع اوراق قدمها الي قريت بيها وجانت مفاجئه اوراق نقلي وقبولي بأرقى مدرسة نموذجية كلش فرحت

بسام:_اهم شي هاي لعيون الحلوا اشوفها فرحانه فدوة يروح بسام الهن 👌

هدى:_هذا بسام وهذا كلامه كله غزل تعلمت عليه، وعلى اسلوبه، من يروح للدوام احس وحيدة بدونه على رغم من حجية وام اموري ما تاركيني خاصة ليث احب سوالفة وشقا ومرات اشوفة يدرس اكعد يمه وأساعدة بلدروس لأن هو هم مثلي طالب سادس، برغم اشوف بسام ينزعج ويضوج بقيت اتحاشاه من يكون بسام موجود بلبيت، غيرة بسام ما تنوصف، من ايصير عصبي ينهد علينا ميخلي شي ميكسرة، بقيت اتجنب عصبيته، كل شي طلبه يلكى بس كلمة الحاضر، بيوم نزلت شفت ام اموري وجها اصفر وتروح وتجي بلبيت وايدها ترجف سئلتها

_خير ام اموري بيج شي

اني كلت هيج وهي انهدت بالبجي اجيت كعدت يمها شوي شوي كولي شنو سالفة

_ابوي طايح وناقلينه للمستشفى وهسه لحد الان ماكو خبر منهم

_زين اتصلي على ابو امير وروحي للمستشفى وجهال يبقون يمي

_اتصلت عليه ايكول اتأخر يلا يجي عنده شغل كلبي يوجعني على ابوي
_اكدر اروح وياج اتصلي على ابو امير كليله اروح للمستشفى اني وهدى