المُجندة

الحلقة 3

#المُجندة

✍️زينب الحوراء علي

_بعمري ما تمنيت حاجة بكثر ما تمنيتك 💜✨

___________________
هدى: _مرحبا اني هدى بالصف السادس الاعدادي شكلي بيضة وعيوني ملونة ورثت العيون من ابوية طولي متوسط كل همي اكمل دراسة وادخل بأحسن جامعة وطلع معدل عالي هاي سنة بالسادس صعب ولازم اجيب معدل حتى احقق حلمي يوميه اروح بطريقي للدوام قريبه علينا مدرسة اروح مشي اني وصديقاتي بالصدفة جان عدنه امتحان ومنا متأخرة على المدرسة وصديقاتي رايحات وعايفاتني وجنت خايفة ومتوترة بنفس الوقت ومنا امتحان ومادة صعبة بقيت لازمة الكتاب وراجع المادة ما منتبهه الا أن طخيت بالشاب عزا هاي شسويتي شفته شلون عصبي لأن طخيت بي ولو سالفة ما متلزمه لهيج اعصاب اعتذرتله وما قبل اعتذاري انطاني رقمه علمود فصل كال اخذت منه رقم بس حتى اجاوز الموقف لأن مبين علي من الناس دور عشائر وفصول وهيج سوالف تحاشيت الموقف هم صراحة جسمة هيبه تخوف مو مال اطيل وياا اخذته ورحت للمدرسة همزين بأخر لحضة وبعدها دك جرس وامتحنت وسولفت صديقاتي على موقف صار بيه صديقاتي أزل، ضحى، نرجس

______________________

ضحى: _لج هذا والله موقف بلا لو ما خذج للسجن

هدى: _لٱ والله وشنو ذنبي لأن طخيت برئيس الوزراء؟؟؟؟؟؟؟

بلى سكتي

أزل: _لٱ ما اعتقد لأن مبين عليَ محترم وراد يخوفج لا أزيد ولا أقل  بعد لٱ تنسين انتِ طاخته

هدى: _اي وطخيتة شنو يعني مو لهدرجة لأن طخيت انسان يريد ياخذ فصل!!!!!!!

نرجس: _هلا هلا احتمال حب من اول طخة

وبقت نرجس تمثل شلون عود اني ماشية وهو طخ بية واني اركض وراها اني اعلمج لج هاي مرة درتي علية

وبقت نرجس كل شوي مذكرتني بالموقف لو تاخذ تحية واصيح حاضر سيدي ويا حضرت الضابط بعد نرجس شي سكتها  وبنات يضحكن طبعاً نرجس كشكولية مالتنه (تضحك وتحشش) دائماً تصنف وتقلد حيل لايكلهه دور ممثلة الكوميدية....

بقيت بين المدرسة والبيت اما هذا شاب بعد ما شفته ولا اتصلت الا أن بيوم رايحين للمدرسة شفتة جاي من بعيد ركزت عليه اي هو نفسة اوو بس لٱ يوكفني كدام بنات بعد شيفكني من لسان نرجس خلي امشي اسوي روحي ما اعرفة وصل يمنة وبكلبي اقرا ايات لأن شخصية وجسمة وزي عسكري ويوكفني  بالشارع هسة شيكولون ربي كون يتعدى وما يصيحلي بقيت مدنكة وامشي وكلبي صارت دكاته عالية وأقرا أدعية كون ما جاي عليَ هسة شنو بس أنتي بالشارع وأمشي واحجي بكلبي...

اشو هذا وصل يمي واشر بيدة تقربت منه بنات مستغربات اوووف شيريد وصلت يمه جان ايكول

بسام:_ههههههييي أنتِ اشو أخذتي رقم ما تصلتي