المُجندة

حلقة 22

#المُجندة
✍️زينب الحوراء علي

_أنت لا تعرف معنى أن تكون
شخص يتجاوز كل ما حوله وهو
صامت يتجاوز بكل هدوء
تعتقد عندما تراه أنه لم يتغير يوماً
____________
بقينة ننتضر وكل شوي حجية اصيح ولكم اتصلو عليهم، لازمة جهاز وكل شوي أتصل على ليث بالبداية رد وبعدهم ما واصلين، بعدها تأخرو مرجعو وأتصل ما يرد، بقينة ننتضر والحجية تفور، كلها بقلق

لساعات يلا بينو، كلنا طفرنة لما الباب اندك فات ليث
وكال سوو طريق ل محمد يدخل، رحبت بي الحجية

_يمة تعال هو أنت غريب

دخل محمد
_سلام عليكم شلونج حجية

_ردينة كلنا وعليكم السلام

_هلا بيك يمة ولكم بشرو كلبي طاك على وليدي
بقى محمد وليث واحد يباوع لثاني
گلبي حاطته بشيشه وجوهم ما تبشر بخير

رد محمد

_والله يا حجية ما ادري شنو أكلج بسام مثل فص ملح وذاب، مخلينة مكان ما دورنا، حجية ادعي ربج
وأنشاء الله يطلع سالم، والله كلوبنا كلها وياا، واذا اضطر الأمر اروح الأنبار ،

الحجية بقت تضرب على وجها يمه بسام وين صفا بيك الدهر، هيج تروح وتعوفني، التفتت على محمد كالت اله

_يمة محمد ارجع بيتك سالم وانشاء الله ربي يلتفت النا ونعرف مكانة، هو أنت هم أبني ياا نفس معزة بسام ولكم ربيتو سوا شلون افرقكم لا ترجع وادكول اروح الأنبار مريد نخسرك كافي خسارتنه بواحد، يمة كلك زود وأخو خيته الله شاهد ما قصرت، الله يحفضك لشبابك وخليك جهالك

محمد:_لا يمه بسام اخوي والي صيبه صيبني الله شاهد ما قصر وياي طول العمر سوا وكبرنة سوا
وشبينه هسه ترديني اعوفة لا والله، لازم نلكى
منضل هيج مكتفين واحد يباوع لثاني اطمئني حجية انشاء الله ايام، ونسمع اخبارة،

الحجية:_الله كريم الكاتبة الله صير
ترخصت الحجية وصاحت عليه

الحجية:_هدى وينج

هدى:_موجودة

الحجية:_جيبيلي دواي

رحت ركضت على دوا اباوع وجها شلون ذابل والعيون مورمة، حقها ما الومها أبنها هذا، انطيتها
العلاج وديتها الغرفتها غطيتها ونامت وهي دموعها تجري، اوووف تنهدت دعيت ربي يرجعة سالم لخاطر امه، طلعت غرفتها واني امشي شفت محمد وليث يسولفون بصوت ناصي ، ليث مدنك وهذا واكف بصفى، حسيت اكو شي ما رتاحيت ليث اول ما دخل وجها ما يتفسر كل الي حجاه محمد اما هو
ما نطق أي كلمة...

✍️زينب الحوراء علي
________________
بقيت الوب اروح وأرجع بالي كل شوي اتخيل صاير شي لازم اعرف شنو صاير، محمد ما قبل يبقى خلى وراح، ليث دخل الغرفته كال تعبان لحد كعدني،

مريد اكل، اني وام اموري وحدة مكابلة ثانية منعرف شنو انسوي حتى الأكل نسوي محد ياكل، دخلت هي يم رجلها وجهالها، سارونه اخته الي متعلقة بسام اول ما يجي هي الي تستقبله علاقتها كلش قوية بي بحيث حتى بليل افز الكاها تبجي متقبل تنام، أخذتها يمي للغرفة بديت احجيلها قصة،

بقت تسمعني الا أن نامت، وأجه الليل باقية بس اني حسيت بلوحدة بعد بسام، بسام وينك ارجعنه الكل محتاجك، بقيت اكلب بجهازي واحجي ويه الصور، وأتذكرا معقولة تترك عصفورتك مو أنت وعدتني ما تتركني، وانت ابو وعود وما يوم خالفت وعد،

زين ليش هسة شنو صار وهيج تركتني بهل سرعة بسام مو لخاطري لخاطر امك، بقيت احاجي وكأنما يمي،دمعت عيني واني احاجي الصور الا أن نمت،

كعدت الصبح باوعت على سارونه بعدها غاطة بالنوم، نزلت جوا باوعت على غرفة عمتي هم بعدها نايمة بقت تاخذ علاجات وهذا علاج وياا منوم لهيج نخليها نايمة حتى ترتاح، شوي ونزل ليث حاجيته اسويلك شي تاكله مقبل باوعت الوجها وهو يتشرد مني صحت علي

هدى:_ليث باوعلي الله عليك كولي صاير ويه بسام اني مو الحجية الي اقنع بكلامكم أمس ومتأكدة صاير شي، احلفك بعزيز كلبك كلي صاير

ليث:_لا ماكو شي ليش، شكين بكلامنه

هدى:_الله عليك كول وخلصني والله ما ضال بينا حيل
ليث:_جاي اكلج ماكو شي

هدى:_زين هذا رحتولة صديقة لكيتو وشكال
سكت وتنهد وكال

ليث:_صديقة اول ما رحنة ما لكيناا سئلنه اهله وكالو مستشهد الوحدة مالتهم مستهدفينها وما خذينهم واصلتلهم جثته بدون راس الله لا ينطيهم وكدرو يتعرفون علي.

سمعت هيج وكلبي راح يعني بسام هم ويا

ليث:_انشاء الله نلكى لأن لحد الان ما وصلنه شي هدى ادعي ربج يرجعه النا سالم.

هدى:_انشاء الله

تركت ليث ورحت لغرفتي واني اتخيله وينه وين راح الأرض انشكت وبلعته تنهدت اووف شوكت تخلص هاي ايام،

الي صار الكل يدور على بسام وماكو صار شهر عمامه اجو وكالو لازم انسوي فاتحة، هو الي طيح بيد هذول أنجاس يطلع سالم، الحجية مقبلت بس هما اصرو صارت الفاتحة وناس طابة طالعة ولبسنه أسود والحجية تحجي علينه ولكم ما ميت ما ميت عساكم كلكم متو، گلبي گلب والدة ما يخطي ادري بوليدي راجع،

الناس بقت تعزينه وهي فاقدة مرة تبجي،ومرة تلطم
ومرة تحجي عليهم أنذال موتو أبني،  الى أن تخربطت وكعت والكل التم عليها، أخذوها للمستشفى صابتها جلطة، ثلتيام من قهر والبجي
خلصت فاتحة بسام واحنه على أمل يرجع، 
الحجية طلعوها من مستشفى  بس حالتها للأسوء، بس تون وحلكها ما بطل وهي تون بسام وليدي هيج تعبت أمك ارجع، ادري بيك عايش ما ميت، ارجع

هدى: خالة كافي ان شاءلله  يرجع
الحجية: ولكم حتلو جثته جيبوها عاد حتلو نزورة بگبرة ولا هيج تايه بدون ذجر

هدى: شهل حجي عمة كولي يا الله  توا ادكولين ما ميت هسه ادورين...  اعوذ بالله ادعيله انتي أمه ودعاء الأم مستجاب

الحجية: اخخخخخ يمه وليدي خذو مني ما يخافون الله  ...

يتبع...

قصتنه شارفت على انتهاء، انتم يامن تقرؤن فد تصويت وتعليق حلو مثلكم،  حتى انزللكم حلقة باجر
اذا شفت تفاعل على الحلقة
احبكم، تصبحون على ما تتمنون