#المُجندة
✍️زينب الحوراء علي
__________________
بعد سقوط بغداد وانا رايح دوامي اباوع على خراب بغداد بعد مجانت جنة اثار دمار وتخريب بكل مكان امشي وتحسر ليش هيج عاصمة بعد ما جانت الخضار بكل مكان هسه حيطانها مدمرة بيوت خرابه قسم جاي يرممون بيوتهم وصوت العمال طالع وكأن جاي تنعاد الحياة بيها برغم من خراب يبقى هوا بغداد بي طعم خاص،
وانا امشي شفت غزال اي غزال ويمشي من بين الناس طولها ومشيتها،وبياضها الصارخ من بعيد اجت عيني عليها من بين مجموعة بنات شنو هل غزال بغداد اليوم يتمشى اويلي....
_مرحبا اعرفكم عن نفسي
أني دفتر محنة اليقرة بيه يدوخ
أني شايل حنان يكفي دور ايتام
أني متاني الكبر يحضني حتى ارتاح
أني شايل كلب للطعنة يفتح باب
أني بظهري سهم يذبح جبل حمرين
أني ويه الحزن عشرة معاميل
أني شايل خلك حتى أنتضر المات
أني بكلشي أختلف حتى بضحكتي هموم
أني بكلبي سوالف تذبح السجين
أني ضميت الحزن بيه الجروح تنام.....
وهسه صار وقت تعرفون منو أني....
مرحبا للمرة الثانية
_أنا بسام من البصرة متجند لخدمة وطني ( رجل عسكري) أحب واجبي گ حب أمي احتضنه بكل حب واحترام ساحة المعركة هي أفضل أولوياتي وأود أن اعيش حياتي بخدمة الوطن حتى أخذ يتملكني فضول لتكون فتاة احلامي وشريكة حياتي دكتورة لأن احساسي هي مجندة كالجندي تعمل لخدمة الوطن مثلي تماماً ...بقيت ابحث عن تلك الشريكة لأكمل نصف ديني ....
_گلبي ما كان يرف أي بنية بس اني حالي حال الشباب هواي صادقت بنات بس ما حبيت وبصدفة جنت توني مخلص واجبي نازل مجاز دوامي بغداد
ورايح اهلي بالبصرة وشفتها غزال وتمشي بزي المدرسة وياها صديقاتها سحرتني بجمالها
_____________
_فحاولت بكل طريقة ألفت نضرها بس هي مندمجة وتسولف ويه صديقاتها وبقيت وراها الى أن وصلنا للمدرسة دخلت للمدرسة ☹️
رحت للكراج وكل فكري يمها اووف شهل الجمال يسطر سطر ، بوقتها اول مرة يرف كلبي على بنية وصعدت بالسيارة وكل تفكيري بيها اما ابتسامتها مفاركت بالي
حتى محسيت على طريق الى أن وصلت للبصرة
تلكتني امي واختي صغيرة خلي اعرفكم على عائلتي
_امي الله يحفضها والدي متوفي خواتي اثنين مزوجات ..واختي صغيرة عمرها 9سنوات هاي بزر الكعدة 😜 اما اخواني واحد مزوج وثاني بعدة يدرس طالب ..
اخوي مزوج اصغر مَنِي 🙄اي لٱ تستغربون لأن انا
ما اقبل أزوج بعدني ما لكيت لبنية مناسبة هذا ايكون ردي بالنسبة لكل واحد يسئلني
الكاتبة /او كول دكتورة المناسبة 🌚
بسام / ههههه اي ليش لٱ
عمري 30 سنة او أحب شغلي ما احب أورط نفسي بزواج دوامي بغداد وانا بالبصرة من اروح اشتاقلها ومريد أفكر بيها بين قوسين مريدها تعاني وياي😁 كافي أمي ولهفتي عليها من أجي اشوفها شلون تستقبلني اما أختي الصغيرة كل ما أجي لازم علاكة حلويات وياي تفرح بيها تنتضرني بس اليوم نَّسيِّتّ العلاكة واجت فتحتلي الباب وعينها على ايدي
أنت تقرأ
المُجندة
غموض / إثارةعندما يجتمع الواقع مع خيال لبجسد لنا المُحندة تتحدث الرواية عن شاب ثلاثيني يرفض فكرة الزواج مراراً وتكراراً ليجد نفسه يقع في حب مجندته لطالما كانت في احلامه لَـگِنْ وفي الوقت ماا يحدث مالم يكن في الحسبان ... رواية مختلفة ولأول مرة اقف بجانب الرجل ...
