✍️زينب الحوراء علي
#المُجندة
منـو مثـلي سـهـرلك لـيل .. منحام
حمه جسمي ودعاه اجفاك.. منحام
احوم عليك شـبه الـطـير… منحام
على افـراخـه وهـنه بحلگـ حـيـه
______________________
بسام:_انتي متعرفين شخص اذا حب متحلى بعيونه
غيرها، عمري ما فكرت أحب وأنحب، كل هذا عمر
مفكرت بيوم ارتبط وأزوج حالي حال الشباب الي
بعمري، امي كل ما تفتح وياي زواج جان ردي لا،
خطية هم رادت تفرح بيه، الأ أن عجزو اهلي محد
بيهم فتح الموضوع بس من شفتج دخلتي لكلبي
جنت قافلة وها مفتاح صار بيدج، أي وكعت بحبج
هدى بدون ما احس وأبقى انتضر منج جواب ما
أضغط عليج لا بلعكس، شوكت ما يرف كلبج عليه
وتحسين بيه ذيج ساعة لكل حادث حديث
_هدى:_يعني شنو تريد تتقدملي؟
_اي ليش لا ترا نهاية كل حب زواج والله قدم بي خير
هدى:_على فكرة ترا هواي مقتنع راح احبك وباقي تفكر بزواج
_الحمدالله على كل حال اذا كاتبلي الزواج أزوج..
................
نهيت اتصال منه رجعت الموبايل حطيته يم راس
بابا، ورجعت لفراشي باوعت خواتي نايمات طبعاً
اني جبيرة بلبيت من بين اخواتي وعندي أخ واحد
بعدة صغير، و كلنا بغرفة وحدة جامعتنه احنه
خمس بنات واخوي سادسنه بابا يطلع من الصبح
للشغل عندة عربانه بأيام الشتا وبرد نسويله كدر
لبلبي ويطلع يبيع بيها هذا وضعنه وعايشين
الحمدلله على رغم من اشوفه تعبان ضهرة منحني
من دفع العربانه
ما مقصرن ويانه ميريد منه غير نكمل دراسة لهذا
السبب جان طموحي اكون بأعلى مراتب حتى اكدر
اعين اهلي وطلعهم من الفقر اللي عشنا طول
الحياتنا، بقيت بين فترة وفترة أخابر بسام وكل مرة
ينزل اشوفه يم المدرسة يشوفني من بعيد وكل ما
اتصل عليه احذرة لا يجي يم المدرسة بس هو
ايكول أكحل عيني بشوفتج ولا تخافين ما أخلي
احد يشوفني طريقة كلامة خلتني أمن بي واحجي
ويا معرف شنو أريد منه بس مجرد ما احس نفسي
وحيدة التجأ اله احجي وياا بس بدون مشاعر،
مستواي نزل الى أسوء بحيث ستسلمت من هاي
سنة ما اكدر اطلع المعدل الي اتمنى حيل تضايقت
وكرهت نفسي مكدرت احقق طموحي بقيت يومين مرحت للدوام وبليل اتصلت على بسام...
من اول كلمات كال
بسام:_اشبيج زعلانة ومتضايقة معجبني صوتج منو مزعل عصفورتي
_هو كال هيج لو هيج جروحي
بديت اسولفله عن طموحي اكون دكتورة لكن هسه
مستواي نازل ودرجاتي ضعيفة مكدرت اطلع معدل
بس فاجئني بأقتراحة طلب مني زواج وعدني اترك
هاي سنة وسنة لخ يدخلني بأحسن مدرسة وبعدها
احسن جامعة فرحت بكلامة ومجان كدامي غير أن
اقتنع من طلب بسام، مرديت خبر، اله بعد أسبوع من تفكير اتصلت عليه من اول رنة
جاوب...
بسام:_هلا وكل هلا بعصفورتي
هدى:_هلا بيك بسام
_اسبوع كامل يل ضالمة بعد ما ايست يلا اتصلتي
_عذرني بسام ما لكيت وقت مناسب حتى اتصل عليك
_أنشاء الله خير
_بالنسبة للموضوع....
_اي احجيها يمعودة شقررتي
_موافقة
_لا صدك جاي احلم كرصيني حتى اصدك
_هو أنت يمي وأكرصك
_اي هم صدك
_خبل مو صاحي
_رحمه الله والديج بس معقولة راح صيرين مرتي
_اهاا يعني من اصير مرتك اكدر اسبك حتى
_عمي سبيني وسبي اهلي
_لا مو هلدرجة اني ما اجاوز معندي هذا اسلوب
_اي كلامج ترف مثلج
_اول مرة اشوف كلام ترف
_اووو من كد فرحة ضليت معرف احجي
_ههههه
_هسة اكيد موافقة
_اي موافقة
_جاا كولي باجر يمج
_يمعود شسالفة هيج مستعجل
_اكيد شنتضر
_معرف مو باجر زين اهلي شكلهم منين تعرفني
_عادي تدبر نسيتي اداوم بغداد واصدقائي وصوني عليج ودلوني بيتكم
_تمام
_وأخيراً راح صيرين مرتي فد يومين تلكيني يمج بس على ما ادبر اموري وانطي خبر للأهل
_اوك تمام يلا اروح
_الله وياج
خلصت المكالمة واني معرف سويته صح او خطأ
بس كل الي واكف بعيني تعب بابا معرف شلون
اجازي ولازم اسعى حتى اكدر اوصل طموحي
واكون احسن دكتورة وأرفع راس ابوي..
يتبع....
يا ترى هل كان قرار بسام صح ام خطأ؟
تعليقاتكم الحلوا والنجمة اضغطوها حتى تصعد القصة، وووواحبكم هواي
#كاتبه الجنوب 😘
أنت تقرأ
المُجندة
Mystery / Thrillerعندما يجتمع الواقع مع خيال لبجسد لنا المُحندة تتحدث الرواية عن شاب ثلاثيني يرفض فكرة الزواج مراراً وتكراراً ليجد نفسه يقع في حب مجندته لطالما كانت في احلامه لَـگِنْ وفي الوقت ماا يحدث مالم يكن في الحسبان ... رواية مختلفة ولأول مرة اقف بجانب الرجل ...
