#المُجندة
✍️زينب الحوراء علي
تعلمت كيف أشعر أنك معي حتى ولو لم تكن معي تعلمت كيف أتجاوز المسافات والمساحات التي تفصلنا تعلمت كيف يصبح زماننا واحد رغم أوقاتنا المختلفة تعلمت كيف يصبح مكاننا واحد رغم اماكننا المختلفة أنت من مــــلك عقــلي وقلــبي وكل ذاتــي أنت حــبي وعــمري وكل إبتســــاماتي أنت الزمـــن الماضــــي والــــحاضر والآتـــي وانت، وانت وانت كل دنيتي، أنت كل العالم.ااااحبك.
_______________________
أخذ ايدي لبسني حلقة همس بأذني وأخيراً ربطتج وصرتي مرتي رفعت وجهي صارت عيني بعينه اول
مرة اكون قريبه علي بحيث كمية لمعان بعيونه وهو يحجي عيونه فاضحته بكمية السعادة ال بيها انتبه
علي شلون مركزة بعيونه ندسني بمعنى شكو وو خجلت منه ودنكت وبكلبي اكول يا فلشتي وهو
مبتسم من تصرفي رجع لبسني ساعة وهو يهمس بأذني
_خرب شهل ايد حلوا
ورا لبسني سوار هو يباوعلي مبتسم وامه واخته محاوطينه وصلنه ل كلادة وهنا يا فشلة الفشلة دنكت راسي هو كال
_شلون راح البسج
فتحت زنجيل اخته واخذها منها حطها بركبتي واني ميته خجل بقى يحاول يسدها طول يلا رهمت
_اوووف وأخيراً أنجزت مهمه
_جا شعبالك هذا هو زواج يخوي
_والله انتن نسوان مصيبة مصيبتج
_بعدك ما شفت شي
هما يحجون بصوت ناصي واني بس اوزع ابتسامات
اي بعد عروس غير اكعد عاقله 😌 التفت الي وكال
_انشاء الله عجبوج والله قدرني اسعدج اكثر
وهنا بدت كولات والهوسة مالت نسوان صاحت علي اخته بمعنى يلا كافي روح يردوك الولد تنرفز بسام ضحكت علي وراحت كام وسلم علي وكال
_الله وياج عصفورتي
طلع بسام بقيت اباوع للنسوان وهما يهوسون واحنه صافنين عليهم اما اختي صغيرة طفر وياهم بقيت اضحك عليها،
ورا شوي صاحو عليهم حتى يرحون ورجعن سلمن علينا وبقت الحجية أخر وحدة تسولف ويه امي
ام بسام:_خية انتي جهزي بنيتنه لأن منطول العرس قريب وبسام ماخذ ايجازة وبهاي اجازة راح نعرسة انشاء الله
ام هدى:_ انشاء الله خيه بعد هي صارت بتكم
وبوست امي وباستني وباركتلي وكالت ماما انتضري اتصال مني...
حجيت بكلبي استاذ بسام كلش مستعجل باوعت على حلقة يعني خلص هاي هي راح ازوج راح اودع اهلي واعيش غير حياة راح اترك كل شي وراي
أنت تقرأ
المُجندة
Mystery / Thrillerعندما يجتمع الواقع مع خيال لبجسد لنا المُحندة تتحدث الرواية عن شاب ثلاثيني يرفض فكرة الزواج مراراً وتكراراً ليجد نفسه يقع في حب مجندته لطالما كانت في احلامه لَـگِنْ وفي الوقت ماا يحدث مالم يكن في الحسبان ... رواية مختلفة ولأول مرة اقف بجانب الرجل ...
