البارت 23
#المُجندة
✍️زينب الحوراء علي
_القلب بعواطفه المتشبعة يماثل الأرزة بأغصانها المتفرقة.. فإذا ما فقدت شجرة الأرز غصناً قوياً.. تتألم ولكنّها لا تموت.. بل تحول قواها الحيوية إلى الغصن المجاور.. لينمو ويتعالى ويملأ بفروعه مكان الغصن المقطوع..
______________________________
بسام:_ اول ما صحت وهي مرعوبة كالت اريد ماما.. تنهدت واخذت نفس الحمدلله وشكر الك ياربي من صحت رجعت اباوعلها بعيونها دمعة سئلتني وين
ماما عمو لا تخافين امج راح زور امام هسه شوي وتجي بقيت اقنع بيها الى أن أمنت بيه خليتها تنام مقبلت رحت اشوف دكتور حتى أطمئن عليها، فحصها كال مابيها شي بس متعرضة صدمة خليها ترتاح،
بقيت وياها كم ساعة حتى ترتاح، ياربي هسه وين الكا اهلها رفعت ايدي ياربي ساعدني، كون اهلها طلعون عايشين اكيد هسه مخبوصين عليها كعدت يمها ارتاح بعد هذا موقف، ما احس لا ايد ولا رجل
وهسه طلعتلي هاي لبنية بقيت كم ساعة يمها بالردهة، الى أن بقت تبجي ما تحملت دموعها وهي تسئلني وين ماما، اخذتها وطلعت بعدها الناس مخبوصة وتنقل بلجرحى، رحت يم سيطرات شفت واحد منهم عرفته جان ويانه بلوحدة، سلمت علي وسولفتله على صارلي، ما كال باطل،
_خلي لبنية يمنا واحنه نصيح بأسمها بالسيطرات انشاء الله يجون اهلها لا تهتم صدك جذب ارجع اهلك بالبصرة وانت مطمئن
بسام:_باوعت عليها شلون اتركها كلبي ما طاوعني اعوفها واروح وهي لازمه ايدي تباوعلي وكأن كاعدة تستنجد بيه، والله حملها امانه يمي،
شمدريني هذول بسيطرة طلعون زينين ويوصلوها اهلها، بقيت استجوبها متعرف غير اسمها ونطقت بأسم ابوها كام يصيحون بأسمها بقيت كم ساعة يمهم،
ترخصت منهم حتى ازور، اخذت لبنية من ايدها، دخلت بكل مكان تفتيش وازدحام، عجيب امرها هاي الناس بعد هاي حادثه والناس بعدها تتوافد أزور،
بس المسؤليين عن خدمة ميخلون احد يبقى اكثر الكل يزور ويطلع،سلمت جنطتي بالأمانات، وتوجهت للمرقد، كدرت اوصل للضريح ردت الزم شباك،
مكدرت اوصله من زدحام وخفت على طفله سلمت من بعيد ورحت توضيت اصلي كم ركعة زيارة، كعدت لبنية على صفحه يمي وبديت اصلي وادعي
_يا موسى الكاظم اني بحضرتك ومثل مشوف حالي وحال هاي لبنية معروف عنك ابو طلبة حشى لله ما تقصر الي ينخاك يا امامي اريدك ترجعها اهلها وارجع اهلي التفتلي مولاي بقيت اردد يا غياثه المستغيثين اغثني، دخيلك يا موسى الكاظم،
اباوع للطفلة وارجع للدعاء حسيت شي وراي التفتت
احد خدام الحضرة لازم ايدا مثل عصا وبيها ريش،
_يلا زاير تحرك اذا كملت صلى كمت اخذت طفله وبقيت افتر بالصحن الشريف، دخلت الغرفة المنادات خليتهم اصيحون بأسم الطفله وبقيت انتضر
أنت تقرأ
المُجندة
Mistério / Suspenseعندما يجتمع الواقع مع خيال لبجسد لنا المُحندة تتحدث الرواية عن شاب ثلاثيني يرفض فكرة الزواج مراراً وتكراراً ليجد نفسه يقع في حب مجندته لطالما كانت في احلامه لَـگِنْ وفي الوقت ماا يحدث مالم يكن في الحسبان ... رواية مختلفة ولأول مرة اقف بجانب الرجل ...
