المُجندة

البارت 20

#المُجندة
✍️زينب الحوراء علي

_الحب هو تلك اللحظة التي يحس بها المرء بأنه انسلخ عن العالم ليعيش وحده مع الحبيب في عالم بني من كلمات وصنع من أحاسيس ورصع بالاضواء. -
______________________
هدى:_ شنو راسبة ليش ضايج احجي..
_اشوفها شلون برطمت وعيونها غوركن ما هان عليه اضم نتيجة بعد اكثر

بسام :_ هههه شوية تحطيم للمعنويات 😁 اكيد ناجحة عصفورتي وبمعدل الي تتمني.

أخذت النتيجة وكلبي احسه راح يوكف من الفرحة وجان صدمتي وفرحت عمري واني أقرا درجات وجان معدلي 99 ومن فرحتي كمزت على بسام وحضنته كدام الكل، هو سبب سعادتي من بعد الله سبحانة وتعالى،

والكل باركولي وكلهم فرحانين بيه وما أوصفلكم السعادة واني أخطي اول خطوة لتحقيق هدفي،

بسام عزمهم كلهم نطلع نتونس بهاي مناسبة وافقو على عزيمة، والعصر فرنة بالسيارة ونزلنة على شط تعشينه وكلش فرحانين، رجعنة والسعادة مالية الوجوه، طبعاً ليوثي ميقصر ضحكة البيت هو، ورا ايام بسام حقق وعدة، وأخذني بيت اهلي

جنت كلش مشتاقة الهم بعد معانات الطريق وصلنة بيتهم، متحمسة واني ادخل بغداد اه يا ريحة بغداد رجعتلج بعد هذا الغياب احس بأمان وراحة بمكان الي نولدت بي، وصلت اول ما دكيت الباب طلع بابا
حضنته وبقيت ابجي وهو يبجي وياي

_بابا والله مشتاقتلك
_توا ما نور بيت بنيتي

قاطعنة بسام شنو عمي تخلينة بالباب هاي بتك باقية وياك عاد اني خطاركم ترا اذا ما تستقبلوني أخذها واطلع

ضحكنة على بسام وسلم على بابا وحضنة ودخلو للدوانية واني رحت على ماما شافتني وبقت تبجي من زوجت لحد الأن ما شفتها جانت اول روحة اهلي،

شوقي الهم ما ينوصف، سلمت على خواتي الي بقن يطفرن ،ورجعت لحياتي بيت أهلي ولو خطار عدهم، وسوالف وضحك بسام بقى لليوم ثاني من صبح طلع لأن يوم ثاني عندة التحاق،

بقيت عدهم الى أن خلصت اجازة بسام ورجعت للبصرة طبعاً، ودعتهم واني ابجي ،وتركت بغداد ورجعت الحياتي بالبصرة، وصلت للبيت سلمت عليهم ما نسيتهم كل واحد وهديته وصلتله وكلهم فرحانين برجعتي خاصة الحجية، حيل احبها، وهي تمدحني، معتبرتني بتها وحمدلله حياتي حلوا وياهم ما أحس غريبة عنهم، صح عدهم تقاليد مرات تختلف عناا بس تعايشتها وياهم، وهما عائلتهم من نوع هادئين ميحبون ضوضاء والمشاكل يتخطونها، حياتهم حب وسلام، صح ماكو بيت مابي مشاكل وخصوصاً بناتهم مزوجات لكن يتخطون كل مشاكلهم، بحجيهم وتفاهمهم وثقافتهم،

#المُجندة
✍️ زينب الحوراء علي
________
هدى:_ما بقى شي ونبدي الدوام وبسام جاي يحضر اوراق الجامعة طبعاً نقبلت على جامعة الطب، اشوفة شلون مهتم أثبتلي حبه ما كان فقط حب، وياا اهتمام

اهتمامه بكل تفصيلة بحياتي هذا شي خلاني اكون اسعد وحدة، حتى صديقاتي واني اسولفلهن عن بسام اشوف كمية اعجاب بتصرفاته، وكل وحدة
تدعي ايكون فارس احلامها مثل بسام، حتى من اسولف بعصبيته الي مرات ما أتحملة، وحتى أنضرب
لكن عامي عيونهن تصرفاتة، وايكولن ضرب الحبيب مثل أكل الزبيب لهيج عفت هاي سالفة، وبقيت ما أحجي احد عن علاقتنه، ودائماً انفرد وحدي، بعيدة عن صديقات بيوم بعد ما طلع قبولي على جامعة
اخذني بسام كالعادة هاي مرا ملابس الجامعة، وأخذت كلشي يلزمني،

أول اليوم الي بالجامعة جنت كلش متحمسة وبعد وصايا من بسام،
بسام:_تعاي يمي هنا خلي احجي كم كلمة خليها براسج
هدى:_اجيت يمه تفضل شنو الي تريدة
بسام:_شوفي جامعة مو مثل مدرسة جامعة جبيرة ومتحررة الي أريدة تنتبهين كل كلمة متحجين ويه احد عباتج متنزعيها مدام انتم مختلط، مكياج ماكو،
طلعة خارج الجامعة وبدون ما أعرف هم ماكو، عينج على كتبج أياني وأياج اشوف واحد يمج لو حاجية ويه أحد، راح تشوفين بسام مو نفسة هذا كدامج...

هدى:_ اي اعرف راح تنكلب وحش
بسام:_عارفتني زين من أغار 😉
هدى:_اي تبقى تذبح وتصلخ
بسام؛_عفية 🤨

وبديت اول ايام ومحاضرات وحدة ورا ثانية وزادت
مسؤليه اكثر اذا جنت اطلع شوي هسه ماكو بقيت منفردة بنفسي حتى بالجامعة، قليل ما اختلط وية بنات، مبتعدة كل البعد، بس حتى ما تعرض الموقف وضايق بسام، بس وين اني حضي و اعرفة، لازم اصير شي

مرا واني امشي انصدمت بشخص وبقى يتعذر الي
كان طالب ويانة وأسمه تحسين هذا الكل يعرف عنه مو راحة، ودائماً شكاوي عليه ومتعرض ل هواي طالبات، انصدمت وياا وطشرن اوراق مني،
محجيت شي ودنكت اجمع بالاوراق وهو انحنه لمستواي

تحسين:_ يااا اسف والله ما ادري اعتذر خليج اني انطيج الاوراق
هدى:_لا شكراً حطيت ايدي على ورقة ما اشوف اله لزم ايدي وكال
تحسين:_هاي الأيد حلوا مو مال تعب اني اشيلهن 😉
ما أشوف اله واحد دفعة ونام فوكة وتلازمو باوعتله بسام ياا عزا رحتي بيها يا هدى وكلها التمو علي وفاككون بي وهذا بسام فاقد على الولد دممه، وهو
صيح
بسام:_نذل حقير اله اربيك ياكوا.. ابن ال.....سقط
ما مربيك اهلك هدوني خلي اربي، دخلو الطلاب واجه الحرس وأخذوهم اثنينهم
اما أني اجاج الموت كلبي يدك ايدي طكطكن من الخوف، البنات يمي هذا زوجج مو
_اي زوجي
_والله عاشت ايدا هذا سكط زين سوي بي 👌
وبقن يمدحن بسام وشلون كتلة اما اني انتضر الي محضرلي ورا هاي عركة،

يتبع...
لا تنسون نجمة شاركوها مع اصدقاءكم..
#احبكم 😍