المُجندة

البارت 19

#المُجندة
✍️ زينب الحوراء علي

_عيناكِ الخضر غابات الأرز من بلادي حيث الجمال
على الغصون مخلد...
___________________
هدى:_ حياتي مستقرة ويه بسام عايشتها مثل اي زوجة، دلال بسام الي مينوصف، خصوصاً من يرجع الدوام لهفته الي واشتياقة بكل حب على رغم حبيته بس ما أبادله بنفس الحب الي اشوفة بعيونه، ما اكرها بس احس حبه زيادة او مبالغ بيها، قررت اداوم بعد ما كمل اوراقي وبديت أحضر للدوام  ...

بسام:_وينها عصفورتي
هدى:_رفعت ايدي موجودة
بسام:_حضري نفسج نطلع
هدى:_وين
بسام:_اووو هسه طلعين لو لا
هدى:_اي بس لحضة وأخلص
بسام:_يلا استعجلي وها دربالج تحطين زرق ورق بخلقتج
هدى:_🤷‍♀️

خليت وغيرت ملابسي، على سريع ونزلت صعدنه بالسيارة، شغل اغاني ومشى واني كل بالي، وين ما خذني وهو طول طريق مندمج بالغنية وطريق ابد ما سئلته وين ما خذني الى أن طبك سيارته، باوعت
_يلا نزلي اشتري كلشي تردينه يوم الراتب كله عصفورتي

حيل فرحت وهو لازمني من ايدي وكلشي أشر عليه يشتري اشتريت ملابس المدرسة وكل مستلزمات من دفاتر واقلام مخليت شي رجعت محملة، تشكرت منه واني كلش فرحانة...

يوم ثاني كعدت من صبح حضرت الاكل وكعدت بسام اكلنه على سريع وبدلت ورحت للدوام وصلني للمدرسة ونزل وياي خلاني يم باب الادارة ودخل يم مديرة معرف شنو حجه وياها وطلع هو مبتسم ويا وحدة طلعت سلمت علي وكالت تفضلي اخذج شعبتج

بسام:_يلا حبيبتي روحي وياها دليج ودربالج على نفسج
هزيت راسي بنعم
راح هو وشمرلي بوسات بالهوا
ابتسمت على تصرفه وبهاي لحضة حسيت بيها كأني طفلة اول مرا ادخل مدرسة وما اكدر اترك اهلي، رحت وياها دخلتني للصف هواي بي بنات وكأن العدد مكتمل، سلمت عليهم وكلها تباوعلي واني خوف كاتلني، اول مرة ادخل على صف مو صفي ناس ما أعرفهم خجلت وهما يباوعولي، كعدتني بصف بنية، وراحت تقربن مني بنات وبدن بالأسئلة
عن اسمي، ومنين جايه، وحدة منهن انتبهت على حلقة كالت شكلج مخطوبة او مزوجة جاوبتها مزوجة بقن يسولفن ويضحكن الى أن اجت استاذة
كل وحدة راحت لمكانها، وبدو توزيع الكتب ...

خلصنة اليوم على الخير انطونه واجبات، بقيت انتضر بسام بنات كلها راحت واني بعدني كلش ضجت من تأخيره اباوع المدرسة فرقت اووف وين راح، ل هناك يلا بين اجه بسام وهو يتعذر ناسي الوقت، صح ضجت بس سكتت تعبانه مابية احجي بالسيارة بقى يسأل عن شلون الوضع

_جاوبته بسام اوصل للبيت ارتاح واحجيلك
وصلنه للبيت غيرت ملابسي ونزلنه على الغدا لكيت ام اموري محضرة كلشي بس، حطيت وياها، حضرنه الغدا وبدو سوالف يسئلوني ورد عليهم بس راسي احسه راح ينفجر من زمان تاركه ومنا كعدت الصبح مشبعانه نوم ومنا دراسة وضجيج طلاب تعبت حيل، شافتني ام اموري كالت وجهج اصفر عوفي سفرة اني اكمل شكرت منها وصعدت لغرفتي نمت كعدت للعصر وبديت احضر واجباتي...