المُجندة

الحلقة (16)

سلام عليكم يحلوين 🖐

تذكروني لا 😅 طبعاً بطلب من احد متابعات انستغرام راح ارجع للنشر في واتباد اريد منكم ساعدوني من خلال تفاعلكم ويايه لا تقصرون فديتكم نكمل المُجندة حتى نبدي بالرواية جديدة
يلا همتكم وياي
وهسة اخليكم مع بارت الجديد
#قراءة ممتعة....

#المُجندة
✍️زينب الحوراء علي
_لنتخاصم ما شئنا وشاء الخصام.. فأنت من إهدن وأنا من بشرّي.. ويبدو لي أن المسألة إرثية.. أنت أقرب الناس إلى روحي.. وأنت أقرب الناس إلى قلبي.. ونحن لم نتخاصم قط بروحينا أو بقلبينا.. لم نتخاصم بغير الفكر والفكر شيء مكتسب..
_________________________________
اليوم اخر يوم دوام انتضرا يجي وتعدا هذا اليوم وبسام ماكو، امه بدت تقلق علي، ومكابلة اخبار

وكاعدة، الا أن سمعت صوتها وهي تصرخ نزلت واني مرعوبة وهي صيح يمه بسام وليدي راح.....

بقيت صافنة اباوع بالوجوه احد كلي شنو صاير، عمتي تبجي وام اموري حاطة ايدها على خدها ،ابو امير وليث ما موجودين، تقربت يم الاخبار اسمع
....................

شكو!!!!!

المذيع جان كلامة عن انتحاري مستهدف زوار جان وقت استشهاد الامام الكاظم( عليه السلام) ويحجي عن عدد اصابات بالاف، بالحقيقة نقهرت عليهم، وترحمتلهم بس عمتي ليش هيج مخبوصة!!!!!!
تفاجئت بقيت صافنة

_عمة شبيج شنو صاير فززتيني، وانتي تبجين على انفجار الله هداج عمه اول مرا اصير انفجار، اشو كاضين حياتنه يوميه انفجار  بمكان مو جديدة

ام بسام:_ولج رجلج وين اكيد هسه وياهم،،  
يمه رجلج ماكو زيارة فوتها وخصوصاً هو بغداد، روحي للغرفة جيبي موبايلج خلي اتصل عليه ولج ركضي،

_صفنت بوجها يعني موبايلي عدها وهي ضامته،محجيت شي، رحت لغرفتها دورت عليه لكيته رجعت كالت اتصلي

بقيت اتصل ماكو مغلق جهاز ، سمعت هيج عمتي وهي انهارت بالبجي، وتكول يمه وليدي، كلبي حاس بي شي، وكلب الام ما يخطى

ام اموري:_يا عمة كافي اهدي هسه انتي شسمعتي هو انفجار بكل مكان، وربج انشاء الله رجعه سالم بسرعة فاولتي عليه،،

هدى:_بقت ام اموري تهدي بالحجية، وهي ما بطلت بجي واني التزمت الصمت حاطة الجهاز وأتصل عليه فوك 50 مرا وماكو اي رد، معقولة مات اوووف ياربي، خطية الحجية انضر لحالها ورجعلها ابنها سالم

بقيت اندعي بلكت يوصلنه خبر عن بسام،،

نرجع للبطل بسام 😌....

بسام:_مر على زواجنا أشهر أخذت حب حياتي وماكو اسعد مني وبيوم وبالسنة 2005 خلصت من الدوام جان بوقتها زيارة الامام موسى الكاظم( عليه السلام) والناس تمشي مشاية زوار من جميع محافظات

والمواكب بكل مكان وارتفع صوت الحاج ملا باسم الكربلائي مالي المكان بقصيدته _هذا غريب منين _والمكان متغطي بالسواد، بقيت امشي وياهم وردد الكلمات لطمية، حتى ازور وبعدها ارجع للبيت

وفجئة شفت الناس تركض احتاريت شسوي وبقى تدافع واحد طيح، وفوكه كم نفر، الناس بدت تختنك
صرخت بصوت هاي شجاي اصير على كيفكم هدوو، واحد صاح الحك انفجاري راح يفجر حزام ناسف ،

كالها وهو يركض، بقيت واكف بمكاني معرف شنو جاي اصير، غمضت عيوني تشاهدت، اشهد أن لا اله الا الله ،، بعدها الناس تتراكض تحاصرو من تدافع بقو يركضون للجسر صار المأمن الوحيد الهم،

الروح عزيزة ومن الخوف بس تريد تشرد ماكو غير يشمرون روحهم بالماي، قسم من تدافع طاحت وقسم من خوف شمرت روحها، معرف شسوي اركض وياهم لو ابقى بقيت مصدوم ورجلي معاد وسعني بس من كثر التدافع يتغير مكاني،

كدرت اوكف بمكان متكتف اباوع على الناس، المنضر المرعب وناس تصارخ جثث بالكاع متعرفهم ميتين لو لا، من بين هل مناضر استلطفني بنت

صرخت وطاحت من كد تدافع معرف شلون اجتلي القوة وركضت صوبها اخذتها حتى مصير بين رجلين، بقيت اصحي بيها ماكو متصحى حطيت أذني اسمع نبضات كلبها اي حمدلله بعدها عايشه شلتها بنية

بعمر 5 سنوات بقيت اركض للمفارز الطبية، الى أن هدأ الوضع وبقن الاسعافات يدخلن بقيت لازم لبنية مفارز من خبصة بقو ميلحكون، صعدت بيها اسعاف خليتها ونقلت كم شخص لأسعاف بقيت اصحي بيها ماكو وصلنه للمستشفى عالجوها الى أن صحت وهي مرعوبه مكالت غير اريد ماما....

الي صار بهاي الحادثة بعد ما كان الوضع يسوده الطائفة، بوقت الزيارة انتشرت شائعة بين زائرين بأن شخص يرتدي حزام ناسف ومن كثر الانفجارات مارين بيها، سيطر الخوف على الناس وتم استغلال من قبل النفوس الضعيفة ناس ماتت من تدافع وناس ماتت غركانة، وهاي واقعة نستذكرها بكل زيارة للأمام موسى الكاظم واقعة _جسر الائمة _الي راح ضحيتها الاف الناس وما ننسى البطل عثمان بدورا نقذ هواي زوار حتى اصبح رمز للناس الي خلقت الطائفية بالعراق، الله سخر عثمان حتى تتوحد الناس ويرجع تآخي بينهم وما يفرقون بين سنة وشيعة وكان احد رموز تصافي القلوب بين الأعظمية والكاظمية نقذ هواي زوار الى ان استشهد...
الرحمة والمغفرة الى جميع الشهداء ...

يتبع..

لا تنسون ضغطو على نجيمه ⭐وشاركوها مع اصدقاءكم ♥💋

لا تنسون ارائكم برواية
#احبكم