المُجندة

تنويه مهم

سلام عليكم حبايب قلبي..

بعد اكتمال المُجندة بعد ما سليت وعليت بيها مثل ميكولون ولحد گول شنو معناها انتم افتهموها من يمكم،

اي نرجع موضوعنة اليوم حابة اعرف عن نفسي

يا ترى منو اني 😌

اخلي افتخر بنفسي شوي واحجيلكم نبذة عني وانتم الي شوفون عاد علقو والله مليت وانا اكول تفاعلو لهذا بطلت اكول هاي كلمة 🙄 بس تدرون مرات احس جاي أنشر للحيطان عاد خلي اعرف انتم تقرون حتلو سمايل او اضغط على نجيمه هاي 👈⭐مراح تخسرن امهات عيون 👀

خلي ابدي هذا بارت تعريفي الي ميعرفوني خلي اكول منو اني 🙋‍♀️ وتباً للتواضع..

من 2019 وبالتحديد شهر 1 نشرت اول رواية وهي نذرت حبي له البطلة صديقتي وشكد صبرت وياي وتماطل ومجنت ناوية ابلش بالقصص بعد ما كتبت وعرضتها عليها وبدت شجعني وتنك عليه سويلج حساب والله انتي كدها وفعلاً بديت أنشر وشفت نفسي بهل مجال وحبيت اكمل مشواري لكن ردتها توصل لهواي ناس بقيت احلم اكون كاتبة بمستوى عالي حالي حال بقية الكاتبات الى أن تعبت وانا افكر بهذا تفكير، وعرفت اذا ابقى افكر مراح الكى جمهور ضخم لهذا بقيت على بساطتي حتى لو كان قارئ شخص واحد، وتركت الواتباد والتجأت برنامج

أنستغرام، بديت تبادل (نشر حسابات) وكلت بس اوصل 1000 متابع راح ابدي بنشر رواية وفعلاً بأيام قصيرة كدرت اوصل هذا عدد وبديت بنشر رواية وما ذنبي يا أبي رواية حقيقية وشفت اقبال جمهور وبدت توصلني تاكات من متابعين وأخذت صدى واسع فرحت بهذا أنجاز يمكن اكثر قصة ما تعبت بيها
وناس حبتها بعدها نشرتها على واتباد وكالعادة قليل مشاهدات ومقارنةً بالأنستغرام وفترة قصيرة نشرت، ستوري جنت حابة اكتب رواية مصلاوية او عسكرية

ونعرضت عليه المُجندة ترددت هواي وعرضتها على اكثر من صديقة وبأصرار ناقل الرواية وظلم الي تعرضله بسام من قبل هدى وافقت على كتابة الرواية قصة حقيقية لكن ما تخلو من احداث خيالية وبديت اكتب وكتبت اول بارت ورسلته للناقل الرواية وشفت تشجيع وتحفيز منه وانا اكتبها بعد ما جنت رافضتها وبأصرار ابطال تمت كتابتها بعد معانات واكثر رواية عانيت بيها لأن هنا عرفت بحملي وكنت في بداية حمل وزاردت صعوبة عليه بس كدرت اكملها ونالت اعجاب الكل بس حلقة الأخيرة الي كانت صدمة للمتابع الي صار عليه هجوم لكن هي، قصة حقيقية ما يصير اضيف وأغير بمجرى احداث،

لو تلاحظون قصر الرواية الي الكل بالواتباد ايكول قصيرة ما احب الحجي فاضي واكو اشياء ماكو داعي نكتبها فأتركها لذلك أخذ الاشياء الي تفيد قارئ، لكن حالياً راح أبدي برواية جُمِّلْت أخلاقها تختلف كل اختلاف عن باقي رواياتي لأنها مطولة وبارت يوصل 3000 كلمة لأن عائلة كاملة والكثير من ابطال تختلف اختلاف تام
اما عن حياتي الشخصية،
وياكم زينب من البصرة هيج انعرفت بس مو الي بجنسية لا الحقيقي موجود اذا تنتبهون على الفوك 🙄 بس احب اسم زينب وتعلمت عليه عمري 24 ام لطفلين ، بعد ما اعرف شنو تحبون تعرفون اسئلوني واجاوبكم يلا حبايب
بيببااااي 🖐

نلتقي في رواية جُمًلت أخلاقها..
احبكم 😍