المُجندة

حلقة 4

#المُجندة

✍️ زينب الحوراء علي

⠀⠀⠀⠀

⠀
⠀⠀➝‌‎̚͢⁽🚶🏻⁾༣ᴵᴿᴬᵟ
‏« ‏لربما لم يكن حبي لكہ عظيمـاً ، ولكن كان صادقاً ،
🖤‏ֆ

____________________
نرجس:_ارفع قبعة لكلامج يا دكتورتناا، بس لأسف اني معندي طموح أريد بس اخلص دراسة وارتاح

هدى:_اي أبقي هيج بس أذكرج يجي يوم وشوفيني بلبدلة البيضة وينكتب أسمي وكدامة حرف دال
قاطعتنه ضحى

ضحى:_عوفج منها هداوي هاي كل همها تضحك وتحشش على الناس اني من جنت صغيرة كاعدين نلعب داير مداير بابا وماما وفجئه سمعنا صوت الشرطة أخذو بابا بقينة مرعوبين يعني متصورون شلون طفل ويشوف تهجم على بيت وماما تبجي واحنه منعرف شنو ذنب سوا بابا ونعرف بابا شكد فقير اخذو بقى فترة بالسجن وأحنه لا ليل نام ولا نهار حاضنتنه ماما وتبجي..هو بابا مظلوم ما مسوي شي وطلعو ورا كم شهر ومنها قررت اكون محامية حتى ادافع عن شكو واحد مظلوم

أزل:_اما اني اصير اعلامية حتى اوصل كل مصايبجن للاعلام 🌚

نرجس:_اممم يلا امشن وكافي،راح يبدي درس.

بسام:_رجعت للوحدة مالتي تلكاني صديقي وبقينا نتناقش عن دوام وأمور العراق كل واحد منا لزم واجبة رحت للاداريات مكان شغلي وبقيت اكمل واجباتي

اما بالنسبة هاي طالبة مجاي تروح من بالي معرف ليش احسها غيرر عن بنات حتى طريقة كلامها تختلف ولا مرة انجذبت لبنية هيج هاي اول مرة أخذت كل تفكيري ف قررت اتقرب منها..

انتضرتها تتصل ماكو عنيدة وراسها يابس تحديت نفسي عليها لازم اخليها تخضعلي بأي طريقة وبيوم خلصت دوام نازل اهلي طبعاً ميصير ارجع لازم اشوفها رجلي ودتني على طريق المدرسة وكفت بعيد عن المدرسة انتضرتها شفتها من بعيد كمت اروح واجي بس حتى تشوفني مردت اتقرب عليها حتى لا اسويلها احراج واحرج نفسي وياها
بقيت رايح جاي الى أن رفعت راسها وشافتني اي وأخيراًسويت حركة صغيرة بيدي بمعنى خابريني حتى أذكرها هزت راسها وكملت الطريق رجعه بيتي واتمنى تراسلني بعدما خذيت اشارة صغيرة منها واطمئنيت وأبتسامتي مرسومة على وجهي هاي لبنية خلتني اوكع بحبها برغم محاجي وياها بس معرف شعوري من ناحيتها شنو مجرد اشوفها ارتاح واحلم بيها حتى احلام يقضة وانا بالشغل والبيت تفكيري كله شاغلته ناديت ربي يجمعني بيها وبقيت اليوم كله احلم متصلة جهازي مفاركته كله وياي أخاف تتصل وما اشوف المكالمة الا أن بليل اتصل علية رقم غريب رديت علي.. ⠀
⠀
⠀‎

هل شعرت يوماً بأن هنالك غيمة ظهرت على كتفك لمجرد رؤيتك لشخص وبأنك تريد من الوقت ان يتوقف بتلك اللحظة؟.
_____________________________

بسام:_الو

هدى:_مرحبا
بسام:_مراحب بس منو وياي

هدى:_امممم اني هدى ضربتك وردت فصل ياريت ادكولي شنو فصل