المُجندة

حلقة 25 والأخيرة

أقبل رجعتك بس عندي كومه شروط
أولهن تردلي سنين محسوبه
وثانيهن شبابي الهدر بين أوراق
وسهر ذيـچ الليالي المالهن حوبه
وثالثهن دموعي الصبّن بفرگـاك
على كل دمعه أفصلك فصل منهوبه
ورابعهن تروح تسكّت الشّمات
وتگلّهم حيل أحبّه وأبقه محبوبه

✍️زينب الحوراء علي
_____________

الوضع بالعراق بدا يتأزم الدواعش كدرو سيطرون على اكثر مناطق وكان هدفهم بغداد وفعلاً وصلو اطراف بغداد وهما يرددون "قادمون يا بغداد"  وتهجرت العوائل من مناطقهم الي كدر يطلع سالم والي ما كدر راح الى سبيل ربه او صار منهم وبيهم 
ولهناك ارتفع صوت من مرقد الامام الحسين (عليه السلام) بخطبة الجمعة بصوت المرجعية العليا

"حي على جهاد" وتعالى هذا صوت بالجوامع وحسينيات وصار جهاد وبدت الناس تتوافد للجهاد الناس معدها شي تخسرا، وجهاد حق على كل مسلم،

الارهاب على ابواب اما ننقتل او نسبى،  وأجة الوقت الي صافت القلوب بين شيعي وسني ومسيحي وتكاتفو  ايد وحدة على داعش الي كان يرمز بالاسلام وهما الله ورسولة بريء منهم الشباب بدت

تتوافد على اماكن تسجيل وصار كلام شباب بالشوارع
_ها ماسمعت كلام مرجعيه
_اي بلي سمعت وهاي رايح اسجل

_بس انت وحيد امك وابوك شعندك رايح
_شكد واحد ايريد ايعيش بالنهاية يموت عاد شحلات الموت وانت شهيد

انفزعت العالم والكل يتسابق على تسجيل،
الامهات قلوبهن خلصن وهنن يمنعن ابناءهن بس دم العراقي غيور يفور وما يتحمل الهزيمة لو الانتصار او الاستشهاد، 

وهنا اطلق عليهم اسم الحشد الشعبي وبدا الحشد الشعبي الغفير يتوجه للمناطق المسلوبة من قبل داعش الي راح راح من ولدنا،  البصرة اصبحت شبه فارغة والي ماراح بقى يجمع تبرعات من بينهم ليث وبسام

ياخذون تبرعات للموصل وعلى ما يرجعون قلبنه خلصان، بسام بقى يراجع حتى يرجع دوامة لأن الوحدة مالتهم كلهم استشهدو ومعتبري شهيد

وبين ما تتماطل الحكومة على رجوعة قرر يخدم بلدة وسجل بالحشد

ب 2014 هاي السنة الي مرت يمكن كانت اقسى سنة على عراقيين،  وبقينا على هذا الحال وكل يوم نسمع صوت طلق
_هاا شصاير
_فلان جابو شهيد
وتشيعة تكون زفت عرسان والأمهات بين صرخة ولهلهولة وبين فرحة والحزن،  الفرحة لأن ابنها نال شهادة،  والحزن لأن فراقة صعب

شوارع البصرة انترست صور شهداء والي يستشهد اخو،  اخوانة يفور دمهم ويرحون بمكانة بحجت نقتل عدو اخونة وناخذ بثارة

هاي سنة بعد ما تخرجت بقيت انتضر التعيين وميزانية ماكو وتعيينات ماكو، خلصنا السنة
واحنة فاقدين خيرة الشباب..

الى أن
كدرو سيطرون الحشد ويه الجيش وتحرير مناطق كل يوم نسمع تحرر الجانب الأيسر والأيمن والحويجة وغيرها... وما كدرو ينالون أرضنا وشوي شوي بدينا نوصل لأنتصار...

وبيوم اجاني خبر طالع اسمي بلتعينات هاي فرحت عمري وبديت احقق حلمي كملت اوراقي ولبست ثوب الأبيض واني فرحانة وأخيراً تحقق حلمي والكل يناديني دكتورة هدى يفرحتي بهذا الأنجاز

واني أحقق هدفي وبديت دوام مستشفى حكومية، وتعبت على وظيفتي الكل جان فرحان بأنجازي ومهارتي بالدوام، وحمدلله بديت أطور نفسي وأفتح عيادة اليَ، ونشهرت وصرت من ضمن الدكاترة

المتميزين بقيت اشوف نفسي وأسمي دكتورة هدى خوش دكتورة، بديت اهتم بدوامي اداوم عيادة وحكومي، وزداد تعبي،

بسام:_مر على زواجنا 10 سنوات وهاي فترة كلها ما فكرت أنجب طفل هدى مانعة عني اطفال وأكول أصبر على ما تخلص وخلصت ونفس شي، بقيت اضوج واني اشوف جهال أخوي حتى ليث صار عنده طفل واني أكبر واحد، ردت من اموت طفل يحمل أسمي،

الي صار بأخر سنوات بدت خلافات يومية بينا ماكو أي تفاهم، كل همها خلص اني دكتورة والي أسمي ومكانتي بين تغير المفاجىء على هدى وبيوم طلعت منها كلمة الي هزت كل كياني وهي اكرهك بسام، وبقت تقارن بيني وبينها بأن هي دكتورة ناجحة والها أسمها واني خلك مواطن عسكري، ومن عدها طلبت طلاق، بديت اراجع ذاكرتي، جان الحب عاميني يمكن هدى عمرها ما حبتني حبت الطمع والمادة وتحقيق هدفها، وبقت مصرة على طلاق، طلكتها ورجعت وحيد، وعدت نفسي ما أفكر بأي بنت بعد ما راحت هدى الحال سبيلها

ناديتها عصفورتي فكانت تتلاشى
بين أغصان قلبي حتى رتوت
أرتوت حباً بين أضلعي فكادت تطير
خرجت من قفصي محلقة الى عالمها بعيد
تركتني وحيداً مكسوراً حتى بات الحزن يقتلني
عصفورتي الآن تحلق في جناحيها
وأنا اصبحتُ اقع مكسور الجناحين

ولهنا تخلص قصة المجندة، العبرة من القصة الحب ميجي بالغصب ما كان فقط غلط هدى لا الأثنين غلطانين هدى كان حلمها تكون دكتورة وبسام هو الي تعلق بيها وهو الي طمعها، كان أريد راحتها ويكسب حبها لكن نال غير الفراق والحزن، هدى انسانة طموحة كدرت أن تحتوي بسام لصالحها وساعدها وبالاخير تركته بعد ما أمنت مستقبلها وشافت نفسها فوك وهو تحت، الطمع وحب المادة والغرور سيطر عليها، عمر بسام حالياً 45 ولحد الان رافض فكرة أي بنت بحياته بعد هدى، مو فقط حبه الي منعى لا بل الثقة انزاحت لهذا يعتبر كل بنت استغلالية، دعائنا اله أن ينير قلب بسام ويهدي عسى ولعل يلتفت للبنية اخرى ويكون اختياره صح،

انشاء الله ستمتعو بالقراءة وهواي عبر مرت علينه وتعلمنه من أخطاءهم وحتى لا نقع بنفس اخطاء الابطال مرات الحب غير كافي...

وبالاخير اقول لكم شكراً لكل المتفاعلين وعظم الله اجوركم بأستشهاد سبط الرسول الله الحسين ابن علي عليه السلام جعلنا واياكم من محبين وثابتين على نهجه.

المقطع هدية من احد متابعات الانستغرام...
ان شاءلله كنت خفيفة الظل
#قراءة ممتعة
وبالاخير اقول مثل كل مرة لا تنسون ضغطون على نجيمه ⭐
#احبكم 😍
_انتضروني في رواية جديدة؟

الى لقاء...