بِلا عُنْوانْ

بداية رسمية

صحى من النوم فزعان وشهق بخوف، اكثر شي مرعب ممكن يتحلم فيه هو يوم ذاك الزفت سوا الي سواه فيه.. صح بالعادة يتحلم بذاك الموقف بس اذا نام بعد تعب مثل هالمرة كان يغط في سبات عميق.. مايدري ليه مو كاتب له ربي يتهنى بهالنومة؛ حتى محادثة ابوه مع نهال سمعها وصحته من النوم بسبب نومه الخفيف ..

مسح على وجهه بكفينه وهو يتأفف قبل يقوم من سريره و يتكلم بنعاس شديد وكسل: Alexa , what time is it now
-اليكسا، كم الساعة الحين-
اليكسا -نظام التحكم الالكتروني الي بغرفته-: it is 1:35 pm now you slept for seven hours and twenty minutes
-انها 1:35 مساء الان لقد نمت لمدة سبع ساعات و عشرين دقيقة-

هتان قلب عيونه وهو يدخل دورة المياه: كثير علي بعد ثلاث ايام خالية من النوم

بعد ما تروش و عطر نفسه ونشف شعره الاسود الناعم والكثيف نزل عند امه: good after noon

امه ابتسمت باتساع بشوفة حبيب قلبها: تعال يا روح الماما ابوسك مشتااااققة لك يا نظر عيني هالدراسة ذي ما سوت فيك خير معاد نشوفك

هتان باس راسها وجلس بحضنها -الا شوي- وهي شدت بحضنها له، انتبه للبسها: توك جاية من الجم؟

امه أومأت، ومسحت على راسه: حبيبي خواتك طالعين مع صاحباتهم لمطعم و انا طلبت لي سلطة عشان الدايت سو اذا تبي غدا بقول للخدم يسوون لك، والا اذا خاطرك بمطعم اقول للسواق يجيب لك

هتان هز راسه بالنفي وقام من حضن امه: ماني مشتهي توي صحيت، بروح البس واروح لهم المجلس

امه ابتسمت له: اوكي حبيبي بس لاتلبس ثوب تراهم كلهم طبوا بالمسبح وصارت الدعوة ميانة، وبعد شفت سناب البراء لابسين بدل

هتان لف عليها بعد ما اخذ قارورة ماء من الثلاجة الصغيرة في الصالة: شتاء ويسبحون؟ غريبين

امه ضحكت: اكيد فكرة ابوك هالمهبول ، لاتنسى الكهف اقراها الحين والا بالسيارة وانت رايح يا قلبي

هتان طق راسه بيده يوم استوعب ان اليوم جمعة، نسى.

في غرفته اتصل على نافع وحطه سبيكر قبل مايدخل غرفة الملابس الي بجناحه كانت عبارة عن خزانة مليانة ملابس بس كبيرة وكلها بيضة مبينة واسعة ومريحة للنظر: هلا حبيبي هتان

هتان شرب موية من القارورة وهو يناظر الملابس قدامه: فندي والا قوتشي؟

نافع فكر شوي قبل يتكلم : الجو بارد مرة البس الوان دافية

رفع حاجب قبل يزم شفايفه: يعني فندي

ابتسم: كل شي عليك يخبل يا عيوني