بِلا عُنْوانْ

تعريف

الجد عبدالله
جدهم الثالث، عنده ثلاث اولاد و ثلاث بنات من ضمنهم احمد الي هو جد هتان -ابو ابوه ابراهيم- و هزاع و صقر والبقية و الثاني اسمه محمد جد هتان -ابو امه اميرة- و يصير جد نافع ابو ابوه

احمد: متزوج ثلاثة الاولى ام فهد -ابو هزاع- جابت منه ولدين و بنت الي هي ام وائل-دلال- و للحين على ذمته، الثانية هي ام ابو هيام -نواف- و ابو البراء -صالح- و ابو عاصم -سالم- و عندها اثنين غيرهم و للحين على ذمة احمد، الاخيرة -ريانة- ام ابراهيم و إدريس و بكرها ابو صقر و رواف - عبدالله- تطلقت من احمد من عشر سنين او اكثر.

محمد: يعيش في القصيم و متزوج وحدة جابت له اربع بنات -اكبر وحدة هالة بعدها وحدة اسمها مها و بعدين نوره و اميرة اصغر وحدة- و ثلاث اولاد اكبرهم ابو نافع

فهد: بكل اختصار داشر، بخيل حتى على نفسه، ماعمره فلح بشي و لما كان شباب محد يبيه من العوايل الي يناسبونهم لذا لجأ لام هزاع الي عيلتها اقل من مستواهم بالف مرة و دائما معيشها ذليلة.. حتى اهله ما يعدونها شي و لا يعطونها وجه، جاته فترة تزوج كورية و جاب منها ايلاف بس بعدين انفصلوا و رمى ايلاف على ام هزاع

نواف: ثاني واحد من عيال احمد، شخصيته إن مع باختصار، عنده ثلاث بنات و بعدهم هيام و بعده اصغر واحد عبدالهادي عمره ١٢ سنة

دلال: طيبة على نياتها عكس اخوانها الاثنين و اقرب وحدة لعيال اخوانها كلهم و ابوها يحبها اكثر وحدة من بين خواتها، زوجها مات على الحد كان جندي لما كانت حامل بوائل و ماتزوجت بعده و ما عندها الا هو وبنتين وولدين كلهم اكبر من وائل

صالح: عنده خمس اولاد و لا ربي رزقه ببنات، البراء قبل الاخير.. كل اخوانه متزوجين و ببيوتهم الا هو و اخوه الي اصغر منه، شخصيته سيئة جدا حقود و ما يحب الخير لاحد و دايما يستحقر الناس و يشوف نفسه فوقهم

سالم: ابو عاصم، فرفوش و جلسته ما تنمل و اقرب واحد لابراهيم و ادريس الي هم اخر العنقود و طيب ما يزعل احد، عنده ولدين و بنتين

ابراهيم ٤٩ سنة: ابو هتان، زوجته أميرة تصير بنت عمه.. المفضل عند ابوه.
عنده ست بنات، اكبرهم ريم متزوجة واحد قطري و عندها بنتين صغار و تعيش بقطر، بعدها منال و بعد منال في ثنتين توائم -جود و وجد- متزوجين اخوان و يعيشون بالقصيم معهم و بس جود جابت ولد و وجد للحين ما حملت وبعدهم نهال و بعدها لمى، هتان اخر العنقود

إدريس ٤٩ سنة: توأم ابراهيم، كان نسخة ابراهيم طيب و على نياته بس كل ماكبر صارت شخصيتة تختلف عن ابراهيم الين ما صارت شخصياتهم تقريبا عكس بعض.. ابوه حاول يزوجه اكثر من مرة و رفض و قال انه يبي يكوّن نفسه و لما جاه تعيين منصب محترم في شركة كبيرة في اميريكا راح يشتغل هناك و تعرف على رانيا و تزوجها غصب عن ابوه