بِلا عُنْوانْ

تطوّر

الاحد - 1:43PM
نزل للاستقبال و بيده اوراق و معفوس من كم الأشياء الي اليوم البراء قال له يسويها بالبيت، المفروض انه الآن تحت التدريب بس البراء يبيه يتعود على كمية الضغط الي ممكن يواجهها.. رفع جواله لاذنه يسمع الرنة و ينتظر هزاع يرد بس جاه صوته: هلا ابوي

ايلاف قلبه خفق بقوة من عمق صوته و لأنه ما كان متوقعه، تأتأ بتوتر: و-وين هزاع

عزام بعد الجوال عن اذنه شكّ انه ماخذ جوال هزاع معه بالغلط، ضحك شوي و هو يرجع يرد: حبيبي غلطان، متصل علي بدل هزاع

ايلاف رمش بعدم تصديق بعدين بعد الجوال يشوف وانتبه للاسم.. صدق متصل على عزام!! احمر وجهه و اذانه بشكل مو طبيعي و من التوتر سكر بوجهه و هو يتنفس، صاير يفكر فيه كثير و الي زايد الطين بلّه ان تعامل عزام معه كل يوم يزيد حلاوة عن اليوم الي قبله، كل يوم يتحمس يبدا يومه عشان بس يشوفه و يسمع منه الالقاب الي يناديه بها على الطاير مو مهتم ما يدري بقلب ايلاف الرهيف مع كل كلمة منه قاعد يميل له اكثر، اغلب الاحيان يكون يومه مليان بافكاره السلبية و موضوع ابوه الي للان ما خلص بس عزام يصير الجزء الوحيد الحلو فيه لذا ما يلوم نفسه اذا حبّه.

عزام رجع اتصل عليه، ناظر جواله بتوتر قبل يرد عليه بصوته الواطي : خ- خلاص كنت ابي هزاع يشوف لي احد يرجعني البيت

عزام ناظر بالي جالس قباله و تنهد: افا و ما تطلب مني؟ بجي لك الحين اخذك

ايلاف تفاجأ منه لأنه من بدا دوام ما عاد يوديه او يجيبه من العمل لاختلاف اوقاتهم: للا لا مو لازم!

عزام وقف عن مكانه يدور مفتاح السيارة: انتظرني انا بالطريق

سكر منه و حط يده على كتفه: الله يعطيك العافية يا رواف فكّيت ازمة، كمل بس الي على المكتب الحين.. قال لك حسن؟ بتنزل لك علاوة اخر الشهر ان شاء الله على شغلك فوق اوقات الدوام الرسمي، بس انتبه لا تاخذ و لا ملف منهم برا مكتبي و اقفله وراك اذا بتطلع

رواف اومأ له و يفكر بالمكالمة، خسارة لا يكون مرتبط!
دقيقة يقصد هزاع هزاع ما غيره؟ شكل مافي الا انه يسأل هزاع اذا كان مرتبط او لا..
بس اكيد هزاع الغثيث بيفشله بيقول له مالك دخل.
من اليوم قاعد يحاول يفتح محادثة معه او يلفت انتباهه باي شي بس الجو بينهم مكهرب.

——————————————————————

‏7:33PM
اخذ جواله من الشاحن بعد ما خلص مذاكرته و قعد يفتح الإشعارات يشوف شصاير بالدنيا، اعتذر من عادل و فايز الي راسلين له اذا يبي يطلع معهم و قاطعه اتصال من غيام، رد عليه: هلا