بِلا عُنْوانْ

تشابُك

غمض عيونه بتوتر قاعد يراجع قراره ويحس انه يبي يسكر يفشل الموقف..
تنفس بهدوء وهو يذكر نفسه ان عادي بالنهاية هو محامي مثله مثل غيره بيطلب منه مساعدة ويدفع له بعدين، عض شفته بقوة يوم سمع صوت الطرف الثاني: السلام عليكم

رايان فكر ان مو هذا صوته الي يذكره من ذيك المرة بس رد: وعليكم السلام.....
رص اسنانه بقوة قاعد يفكر ايش يقول مب عارف يرتب كلمتين على بعض

رد برسمية: نعم اخوي تفضل؟

رد بتوتر: ءا-انا رايان

سكت شوي ينتظره يكمل كلامه بس ما جا رد لذا تكلم وواضح مستعجل: تفضل يا سيد رايان وش بغيت

رايان صفق نفسه بفشيلة: هذا رقم المحامي الوليد صح؟

أومأ وهو يعبي الاوراق قدامه: اي نعم معك سكرتير المحامي الوليد بن يوسف، لو عندك قضية و محتاج محامي يمثلك اتصل على رقم استقبال الشركة تقدر تبحث عنه بقوقل هذا الرقم لمواعيد السيد فقط

رايان فتح فمه بيتكلم بس سمع صوت الرنة.. قفل المكالمة بوجهه!

نزل راسه متفشل ورجع الجوال للضابط قبل ما يرجع لهم، غيام تمسك فيه: تكفه قل انه بيساعدنا

رذاذ نقز بوجهه: كم يبيله على ما يوصل؟ وكم بياخذ ترى انا مالي شغل مراح ادفع هتان و غيام الاغنياء فينا بيدفعون

هتان تكلم بتوتر: مو مهمة الفلوس ندفع لو مليون بس اهلي لاااا يدرون

غيام أومأ بخوف: كل شي ولا ان الموضوع يوصل لطويل العمر

رايان غطا وجهه بكفينه:رد علي السكرتير وقال اذا ابي محامي يمثلني اتصل على رقم استقبال الشركة وقفل بوجهي

رذاذ وسع عيونه وضحك شوي: بموت فشلة وانت محتزم به

هتان صرخ بصوت مكتوم: شلووووننن يعني؟ بيدقون على اهالينا وبننفضح؟ ياويلي يا فشلتي بين عيال عمامي و عمامي والله لا يتغدون ويتعشون على سيرتي

رذاذ تنهد بقوة: تراك اوفر انت عادي بعد واحد بسن مراهقة مافيها شي اذا وقفتك الشرطة مرة والا مرتين

ايلاف الي كان ساكت وهمه اكبر منهم كلهم تكلم بقهر والدمعة بعينه: يا غبي ذي قضية تهريب مخدرات و تعاطي ومشتبهين ان الشاليه حق دعارة يعني مو اي لعنة ندفع كفالة ونطلع اصلا يبيلنا واحد شاطر

هتان مشع شعره وقعد يندب حظه الي خلاه يقابل رذاذ ويعلق فيه ولاشي يجي من طريق ريان خير.. كان حاسه قلبه ان بيصير شي بس مو لهالدرجة!
مايدري شيسوي يحس راسه بينفجر من التفكير