بِلا عُنْوانْ

تقاطُع طرق

صحى وهو مرتاع على صوت الثلاث منبهات الي ضابطها لانه عارف انه بتفوته الرحلة لو يعتمد على منبه الجوال بس.. نقز من السرير بسرعة ودخل دورة المياه يغسل وجهه على السريع ويتوضا عشان يصلي الفجر الي فات وقتها..

تجهز بوقت قياسي وركب اوبر الي طلبه من اول ما صحى وعطاه اسم المطار بعدين طلع كم شي من شنطة يده الصغيرة بيرقع التفقيع الي بوجهه..
وصلت السيارة للمطار ونزل مسرع يسحب شنطته وراه ونسى يدفع الحساب، دخل للمطار و مباشرة راح لقاعة العاملين وسايق الاوبر كان يلحقه ويصرخ عليه يدفع الحساب...
نزل شنطته تحت الماسح ورتب بدلته قبل ينتبه للسكيورتي الي ينادونه يقولون له عن المسكين الي يلاحق فيه، ضرب راسه بقوة وراح له يعطيه الفلوس وهو يتعذر، مر من الماسح وعلى طول راح على صف فريق الضيافة ومساعد الطيار الي قاعدين يرتبون مواقعهم قبل يركبون الطائرة، زفر براحة لما قالوا له ان شفته بالليل يعني يمديه ينام شوي.

صعدوا على متن الطائرة وكل شي كان مرتب وهو قاعد على مقعده شاف من النافذة حراس صاحب الطائرة جاو وانتشروا في الساحة يجهزون طريق له؛ سند راسه على ورا قبل يتنهد بقوة ويغمض عيونه..
...........................................

قام على صراخ زميله وهو يناديه وواضح الوضع مايسمح انه ينام حتى دقيقة بعد، لاحظ الشمس ما راحت للحين صباح بس الواضح ان صار في نقص في الطاقم.. سمع تعليمات المضيفة الي قاعدة تشرح له اشياء هو مو قادر يفهمها بس فهم ان الموضوع مب بس ان فيه نقص.. شكله شي اكبر

وقف من على مقعده وانتبه للطاقم كله معتفس والوضع صاير حوسة ما يدري شالسالفة مو قادر يفهم للحين عقله الباطن نايم.. قرب منه واحد من الطاقم كان سعودي مثله: يلا بسرعة جهز نفسك بيسوون هبوط اضطراري بعد عشر دقايق.

عقد حواجبه ويحس راسه يدور الطائرة مو قاعدة تطير كويس: شصار بسم الله

ناظر له بعصبية: مارين صار لها ساعة تشرح لك! في محاولة اغتيال لصاحب الطائرة هكروا نظام الطيران حق الطائرة والطيار مو قادر يتواصل مع دائرة الدعم

وسع عيونه وقلبه قام يدق بخوف وبشكل مو طبيعي.. بدا جسمه يعرق ولون وجهه قام يقلب، الي واقف قباله مسك كتوفه وناظر بعيونه يكلمه بهدوء بس بسرعة لان مافي وقت: ادري ان عندك حالات هلع حاولت اكلم الحرس حقينه وشرحت لهم كيف بيصير وضعك.. بيخلونك تقفز معه من الطائرة لان مو قادر الطيار يثبتها على الارض.. بتقفزون من الطائرة اول ماتقرب من الارض

عيونه دمعت وصوته قام يرجف بس تكلم بصوت واطي: مم..مابي ء.. اقفز ببقعد معكم

تنهد وهو يلبسه سترة حماية: احنا بعد بنقفز على البحر اقول لك الطيار مو قادر يتحكم باي شي.. تنزل على ارض مسطحة ولا بالبحر وتنهار علينا