بِلا عُنْوانْ

ظِلّ الماضي

الجمعة - 9:40AM

هز برجله عالارض بملل وهو ينتظر غيام يخلص من الكاشير: يلاااااااا

مسك راسه بانزعاج ورفع صوته عليه: شفيك انت الحين؟ ترى قاعد اشتري لك

وسع عيونه وتكلم باستهزاء: دقيقة اتذكر... محد طلب مننككك!!

ابتسم للمحاسب بتكلف لما عطاه الكيس ولف يسحب ايلاف وراه برا المحل: يا حمار اسمعني اسمع كلامي والله لا اضبطك هذا واحد رهيب والله اذا صرتوا مع بعض بيدلعك دلع ينسيك عيال الكلب الي طحت فيهم

ايلاف قلب عيونه: الله ياخذ رذاذ الكلب الي كب كل عفشي عندك.. قلتلك مراح اجي معك ومابي ارتبط باحد عاجبتني الوحدة الي انا فيها

شدّ على يده بقوة ولف بعصبية: مب على كيفك مب على كيفك!!

ناظره بتفاجؤ: اجل على كيف مي..

نزل الايربودز من اذانه و هو يقرب منهم ، جاي معهم عشان يستغل وقت تسوقهم بانه يمشي بالمجمع لان ما سوى اليوم رياضة: وش شريتوا

غيام بسرعة تكلم: ايلاف بيروح معي بيت صديقي اليوم!

ايلاف لف يناظره بصدمة قبل لا يرجع يناظر هزاع: كذاب مر..

وسع عيونه بفرح: كويس خلاص خذه معك

ايلاف ضحك بصدمة منهم: لو سمحتوا ممكن تاخذون رايي بالموضوع؟

هزاع خزه: لا

تخصر وهو يناظرهم: لا والله؟ غصب هو؟

غيام وهزاع اومؤوا بمعنى اي وهو ضحك بقهر على حركتهم : مب على كيفكم مانيب رايح قلتها ومافي نقاش، بيت جدي و غصبتني اروح واقابل وجه ابوك مع انه امس طاردني وبلعتها لانهم اهلي بس في ذي مالك دخل

هزاع حرك صبعه بمعنى لا: بتروح لأن اليوم بيت عزام بيجون ضيوف مهمين مو حلوة تقعد بالقصر

ايلاف رفع حاجبه: بقعد في غرفتي مراح اطلع واصلا من امس مانمت عدل يعني مراح تسمعون لي صوت

هزاع رفع اكتافه: كيفك انت الي اخترت بس ياويلك ان اشوفك طالع من الغرفة والا تقول جوعان ابي اكل، ولا كأنك في البيت لا تفشلني مع الرجال

عض شفايفه بقهر قبل يهمس بصوت مسموع: يلعن ابو المذلة

غيام جا جنبه و دفّه شوي بكوعه ، يدري ان البيت كبير و اصلا الضيوف يجون في قسم منفصل عن القسم الاساسي الي موجودة فيه الغرف بس هزاع يبي يضغط عليه عشان يطلع من البيت : شفت؟ قلتلك تعال معي احسن لك .. يلا عاد حتى ملابس شريت لك اختار الي تبي منهم والبسه