••قصة بالدارجة المغربية بطابع رياضي درامي••
🀄تأليف: ليلي ديلاشاو🀄
•قصة عنوانها باللغة الروسية و كايعني الذئب؛ المتميز بالدهاء و بالتخطيط العالي للهجمات، و تسبر أغوار عالم رياضة من أكثر الرياضات إثارة للجدل!
•قصة...
الفنون القِتالية المختلطة (Mixed Martial Arts) كاتعتبر فئة من فئات الرياضات القتالية اللي ظهرات أول مرة في الألعاب الأولمبية القديمة في 648 قبل الميلاد، آنذاك كانت معروفة باسم ال Pankration-أي التدريب القتالي للجيوش اليونانية اللي كايتعتابر رياضة قتالية لليونان القديمة و اللي كان كايتميز بكونه منافسة وحشية دموية كاتجمع بين المصارعة و الملاكمة و قتال الشوارع، وحشية لدرجة أنها كاتوفر على قاعدتين فقط: ممنوع عض الخصم و ممنوع إيذاء أو فقأ عينيه، الشيء اللي كان مخليها تلقى إقبال كبير من الناس على عكس باقي الرياضات الأولمبية.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تم حظر الألعاب الأولمبية عام 393 ميلادي من طرف الإمبراطور الروماني ثيودوسيوس الأول، الشيء اللي وضع نهاية لشعبية الفنون القتالية المختلطة القديمة... حتال بداية القرن العشرين فاش عاود بان هاد النمط من القتال بالبرازيل خلال رياضة قتالية معروفة باسم <Vale tudo> أي <كل شيء مُباح>، اللي تشهرات بفضل الإخوة گرايسي- مؤسسِي مدرسة الجو جيتسو بمدينة ريو دي جانيرو؛ واللي عاودو جذبو إنتباه الرأي العام لهاد الرياضة من خلال إصدار 'تحدي گرايسي' الهادف لإقامة مباريات شبيهة بمباريات ال Pankration اليونانية و اللي ولات شائعة وتزادت شهرتها و لفتات انتباه الكثيرين لأول مرة في الأمريكيتين و بالخصوص في أمريكا الشمالية فين غاتشقّ الفنون القتالية المختلطة الحديثة طريقها نحو العالمية.
كاتتميز الفنون القتالية المختلطة الحديثة عن الملاكمة و ال kickboxing بكونها مزيج متكامل من فنون القتال التقليدية و غير التقليدية، الشيء اللي كيسمح لمتسابقين من مختلف الخلفيات يشاركو... كيميزها كذلك شكل القفازات المُستعملة واللي مختلفة على القفازات الكبيرة و المنفوخة ديال الملاكمة، ف قفازات الفنون القتالية المختلطة صغيرة ومفتوحة عند أطراف الأصابع لحماية اليد و المِعصم عند توجيه اللكمات وليس لحماية الخصم! ولكن في فترة التداريب كيتم استعمال القفازات التقليدية المنفوخة لتفادي تضرر أيادي المقاتلين خصوصا أن التداريب تقدر تدوم لأسابيع و أشهر.
على خلاف الملاكمة، القتال يمكن يتمّ كذلك على الأرض باستعمال تقنيات المصارعة wrestling، الصّامبو الروسي Sambo، ال تْجّو جّيتسو البرازيلي Brazillian Jiu Jiutsu،...
المتبارين فهاد الرياضة كيتسماو 'مُقاتلين' و كيتقسمو حسب أوزانهم، وبالتالي مايمكنش يتم قتال بين جوج مقاتلين من وزنين مختلفين ( إلا فحالات خاصة، ما كايتسمى ب catch weight ) و هاد الأوزان و القواعد الخاصة بيهم يقدرو يتبدلو على حسب كل منظمة قتال.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بالنسبة للذكور كاينين تسعة ديال الأوزان من بينهم الوزن الخفيف، الوزن الخفيف-الثقيل، الوزن المتوسط، وزن الديك، وزن الريشة،... و من بين الأوزان الخاصة بالإناث كاين : ▪︎وزن القشّة[ Strawweight ]: من 48 كيلوغرام إلى 52 كيلوغرام ▪︎وزن الذبابة[ Flyweight ] : من 52 كيلوغرام إلى 57 كيلوغرام ▪︎وزن الديك[ Bantamweight ] : من 57 كيلوغرام إلى 61 كيلوغرام ▪︎وزن الريشة[ Featherweight ]: من 61 كيلوغرام إلى 66 كيلوغرام
من الجدير بالذّكر أن كل وزن من هاد الأوزان، سواءاً للذكور أو الإناث، عندو بطل أو بطلة خاصين بيه و فيه كذلك مجموعة من المقاتلين مرتبين على حسب قدراتهم و أداءاتهم؛ هدفهم هو يحصلو على فرصة للقتال من أجل لقب البطولة.
النزال بين مقاتلين كيتم فالداخل ديال قفص خاص كيتميز بشكلو الهندسي الثماني الأضلع سميتو الأوكتاگون the octagon... كل نِزال يمكن يسالي يا إيما بضربة قاضية knockout، بمجموعة من الضربات القوية المتتالية اللي ماكتكون ليهم حتى استجابة من الخصم و كيتسماو TKO أي Technical Knockout، أو بإفقاد الوعي للخصم بطرق إخضاعية كالخنق Rear Naked Choke اللي كاتتم بثني الذراع تحت عنق الخصم إيلا كان عاطي بالظهر، و تقنية المِقصلة Guillotine فحالة كان المقاتل هو اللي مستلقي على ظهرو و منافسه فوق منو.
بعض المقاتلين كيفضلو يفقدو وعيهم بهاد الطرق الإخضاعية على أنهم يعلنو استسلامهم و انسحابهم، حيث هاد التقنيات كايستهدفو غير الأوردة الدموية المتمركزة فالعنق، و الإغماء ما عندو حتى ضرر على الصحة على المدى البعيد؛ على عكس الكسور و تلف الدماغ. ولكن كاينين طرق أخرى كاتستهدف المفاصل و العظام بحال تقنية Kimura اللي الهدف منها هو كسر ذراع الخصم فحالة ماعلنش استسلامه أو فحالة الحكم ماحبسش النزال فاللحظة المناسبة، والطريقة باش كيعلن بها المقاتل استسلامه و انسحابه هي بلمس أرضية القفص أو بلمس الخصم ديالو بكف يدو؛ و هو ماكيتسمى ب tapping out...
في بعض الحالات يقدر مايسالي القتال بحتى واحد من هاد السيناريوهات و هنا فين كيجي الدور ديال لجنة التحكيم اللي كاتنقط كل جولة باش في الأخير تحدد الفائز بناءاً على هاد التنقيط.
