📍 شركة Luvaweiss للعقار
قهقهات رجالية رخيمة كايتسمعو وسط قاعة الاجتماعات، عدّل ربطة عنقه وهو كايقول للسيد الأنيق ذو الملامح الصارمة اللي مقابل معاه رفقة أشخاص خرين مفرقين على المقاعد المحيطة بالطاولة الزجاجية مزينة بمُجسم فضي اللون محطوط في الوسط...
آدم: ⊰ كون هاني آ ميستر مولَر، حنا عارفين أهمية هاد الصفقة وهاد الشراكة ⊱
تابع كلامو بجدية أكثر...
آدم: ⊰ دار 'الفيللاهارموني' أكثر دار أوپّيرا معروفة ماشي غير في اللوكسمبورغ وإنما في أوروبا كلها، و خططكم في توسيع نطاقها مهمّة غايكون من دواعي سرورنا نتكلفو بيها وكون على يقين أنها غاتتم على أحسن وجه! ⊱
بعد مدة سالا الاجتماع، انصرفوا بقية الحضور بقا غير المحامي اللي كان جالس على يسارو واللي باشر بالكلام فاش قال...
المحامي:⊰ دوينا مع المالك ديال الأراضي وكلشي داز بشكل مرضي للطرفين، ولكن... ⊱
مد ليه ملف رمادي مكون من مجموعة أوراق فاش سمعو كاينطق بتساؤل...
آدم: ⊰ ولكن؟ ⊱
رجع تقاد بلاصتو كايشوف فيه كايتصفح الملف قارن حجبانه، قبل مايقول...
المحامي: ⊰ كاينين منازل في واحد الجزء من البقعة اللي كان مرهون، و تم إيجارهم لسنوات وبشكل غير قانوني و... ⊱
قاطعو بصرامة و عينيه في الأوراق اللي باقي كايعاين بدقة...
آدم: ⊰ رسل طلب إخلاء فوري إيلا اقتضى الحال! راك شفتي مدى أهمية الصفقة اللي تم إبرامها اليوم، مايمكنش نسمح لحتى حاجة تعطلنا أو تمنعنا نبداو في تنفيذ المشروع في الوقت المرغوب! ممنوع تضيعو الوقت! ⊱
رد عليه بنبرة مُطمئِنة...
المحامي: ⊰ اه تم إرسالو لأربع منازل فديك المنطقة و لكن مايمكنش يكون فوري ا ميستر أوبرويس، فيه مهلة شهرين حسب النص القانوني ⊱
آدم: ⊰ هاد الوضعية أصلا غير قانونية كيف ذكرتي، إذن ماغاديش يصعاب عليك تتعامل معها بشكل غير قانوني [حط الأوراق فوق مكتبو رامق المحامي بصرامة] أولاّ لا؟ ⊱
•••
سد الباب الخشبي ديال الدار بعدما دخلو وطلب منها تسناه في البهو الصغير علاما جاب داكشي اللي محتاج من غرفته، بدات كاتمشى وكاتستكشف البهو الضيق المؤتث بشكل بسيط؛ متوسطينو كنبات بنية اللون واضح عليها أنها تستعملات لمدة طويلة، وسطهم طاولة خشبية قصيرة فوقها أزهار من نوع البيگونيا(Begonia) موضوعين في مزهرية زجاجية شفافة حداهم كتاب بغلاف مزخرف من الواضح أنه كتاب ديني، استنشقت ريحة الدفء باش متشبّع هاد المكان.
أنت تقرأ
🎴قصة BORZ | بالدارجة المغربية🎴
Action••قصة بالدارجة المغربية بطابع رياضي درامي•• 🀄تأليف: ليلي ديلاشاو🀄 •قصة عنوانها باللغة الروسية و كايعني الذئب؛ المتميز بالدهاء و بالتخطيط العالي للهجمات، و تسبر أغوار عالم رياضة من أكثر الرياضات إثارة للجدل! •قصة...
