••قصة بالدارجة المغربية بطابع رياضي درامي••
🀄تأليف: ليلي ديلاشاو🀄
•قصة عنوانها باللغة الروسية و كايعني الذئب؛ المتميز بالدهاء و بالتخطيط العالي للهجمات، و تسبر أغوار عالم رياضة من أكثر الرياضات إثارة للجدل!
•قصة...
حيد الsleep mask من على عينيه، تقاد فالجلسة حاط الكتاب اللي كان كايتظاهر بقراءتو قبل مايغفى فالجنب، شاف فجيهة الممر و عاود الشوفة فاش انتبه للفتاة الجالسة جنبو كايفصلهم غير مقعد خاوي واللي ماكنتش فهاد البلاصة فاش بدات الرحلة منشغلة بتسجيل فيديو ليها، حيد سماعات الأذن البيضاء باش يسمع كلامها اللي كان باللغة الألمانية...
استغل الوقت اللي دام فيه التسجيل باش يتأمل الشكل الجانبي لوجهها و تعابيرو اللي كتغير مع كل حاجة قالتها و يمعّن النظر فابتسامتها الفريدة، بشرتها السّمراء المرشوشة بنمش خفيف كاتزاد كثافته فوق أنفها، أذنها المُزدانَة بقرط ذهبي و شعرها البني المُنساب على جاكيط الdenim اللي لابسة... تسناها حتى حبسات التسجيل، قرّب منها بكل ثقة و نطق بتحذلُق...
.... [حنحن] :⊰ آنسة! I think it's you who put the germ in Germany, because your smile is contagious. ⊱
دارت عندو بالكامل و قربات حتى هي...
... [مطلعة حجبانها بابتسامة]: ⊰ بصح؟ حيث أنا ماشي ألمانية ⊱
زاد قلص المسافة اللي بين أوجههم ممعن النظر فعيونها البنية...
... : ⊰ إذن تجاهلي النصف الأول ديال ال pickup line و ركزي على النصف الثاني اللي باقي صالح... و صحيح! ⊱
غلباتها الضحكة و تلفتات للجهة الأخرى، بقى ساهي فضحكتها العفوية حتى قاطعو صوت مضيفة الطيران... بمجرد مسالات محادثته القصيرة مع المضيفة، عاود تلفت عندها، ماكانتش غافلة عن نظراتو المتفحصة والباحثة عن أي حاجة تقدر تمهد ليه الطريق للتعارف بيناتهم.. نطقات موفرة عليه عناء هاد البحث المضني..
... : ⊰ غير خلّي داك الدماغ يرتاح، أنا عُليّة ⊱
...: ⊰ لي كل الشرف ا علية، أنا آرون ⊱
آرون[حنحن]: ⊰ تقدري تعيطي ليا mystic آرون أ عُلية، حيث أنا حاسّ باللي مقدر لينا نتلاقاو و نتعارفو فوق السحاب لسبب من الأسباب ⊱
آرون: ⊰ فخبارك شخص واحد من بين خمسين واحد كا يلقى حب حياته في الطيارة؟ إحساس قوي نابع من خراطيش قلبي كايأكدلي باللي حنا معنيين بهادشي و باللي حنا ماتلاقيناش غير هاكداك ⊱
علية [هازة حاجبيها باستفسار] : ⊰ حنا؟ ⊱
آرون: ⊰ ااه حنا ! عندي إحساس باللي غا نكونو داك الكاپل الهادئ الزوين و المرِح اللي غايكون فهاد القصة! داك الكاپل اللي غايقراو عليه الناس في انتظار أحداث الشخصيات الرئيسية و عُقدهم اللامتناهية اللي خاص تحلّ ⊱ نغمة ضحكتها الرقيقة و المُطربة خلاتو يلعن عدم وجود زر الإعادة الريپلاي في العالم الواقعي، حبساتها بزز وهي كا تقول... علية: ⊰ أشمن قصة و أشمن شخصيات رئيسية؟ و الأهم، أشمن نوع ديال المهلوسات كاتتعاطى؟ ⊱
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دامت الرحلة ساعات إضافية و دامت معها محادثهم و كلامو اللي ماكايساليش؛ كاتصنت ليه مرة باهتمام، مرة بتفاجؤ و مرات كثيرة بندم على اللحظة اللي جلسات فيها حدى شخص ثرثار و نَزِق بحالو!
غادة بخطوات ثابتة على طول الممر المزدحم المؤدي لباب المطار، جارة حقيبتها الوردية المتوسطة الحجم... تابعها جار حقائبه و هاز التجاكيط السوداء ديالو فيدو كايلقي محاضرتو على كون طلبو فأنه هو اللي يتكلف بجر حقيبتها ماكنش بنية الإساءة أو التنقيص منها بأي شكل كان! بلا مايفلت فرصة يلّح باللي ضروري يتلاقاو مرة أخرى. طولات الشوفة فعيونه الزرقاء قبل ماتنطق...
نطقات و عينيها على الطريق المقابل لباب المطار كتحاول توقف سيارة أجرة..
علية[بمزاح]: ⊰ بلد اللوكسمبورغ كاملو فيه أقل من 700 ألف شخص، يعني كون هاني احتمال نعاودو نتلاقاو وارد ⊱
كملات هضرتها بابتسامتها المألوفة وطلبات من السائق يديماري مخلياه باقي باغي يقول شي حاجة من كلامو اللي ماكيساليش... طلات من زجاج النافذة و السيارة منطلقة بيها...
علية[بصوت عالي وهي كتبعد]: ⊰ وبلا ماتحاول توقف طاكسي وتطلب منو يتبعني، حنا ماشي في فيلم! ⊱
دوز صباعو على خصلات شعرو الأسود الكثيف اللي كتحركو الريح الخفيفة ديال بداية فصل الربيع، جبد تيليفونو اللي بدا كيصوني وهو كايتمتم بتذمر...
آرون : ⊰ قالت ليك 700 ألف شخص! الرقم الوحيد اللي اللي كان غيكون كافي هو رقم تيليفونها ⊱ بعدما جاوب على المكالمة جر حقائبو، وقّف سيارة أجرة مورّي للسائق العنوان اللي تسيفط ليه و غادر المكان.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
