⌛بعد ستة أشهر⌛
حياتها ولات كاتلخص فارتيادها للجامعة و لشركة Luvaweiss بشكل آلي رتيب، وجلّ الوقت المتبقي كاتدوزو حبيسة غرفتها المظلمة.
جالسة في الكافيتيريا ديال الجامعة، ساهية في الوجبة النّباتية اللي محطوطة قدامها واللي من الواضح أنها رجعت باردة بلا حتى ماتقاس لقمة منها.
تحرك بؤبؤ عينيها لليمين لاشعورياً بلاماتحرك راسها فاش حسات بشي حد وقف في نفس الاتجاه و سمعت بعدها صوت رجولي هادئ ماقدراتش تميز ديالمن مخاطبها...
... : ⊰ كثر من ست شهور ونتي خارج القفص، ماموالفاش ليك [كمل بنبرة مرحة] مُعجبِيك بداو كايتوحشوك ⊱
خرّج يده اليمنية من جيب سرواله الأسود و حكّ بيها جبينه بارتباك فاش ماتلقى منها حتى جواب، قبل مايدوزها على شعره و يكمل كلامه...
... : ⊰ سمعت أشنو وقع، كانتأسف! ⊱
تفحص ملامح وجهها الجانبية ولكن ماقدر يلمح حتى ردة فعل ظاهرية، وماتلقّى حتى رد لثاني مرة.
تنهد ونطق وعيونه باقين كايتفحصو ملامحها الجامدة...
...: ⊰ مشاهاداتي ليك لسنوات خلاوني متأكد من حاجة وحدة، وهي أن القتال ولى جزء منك... جزء من ماهيتك وهويتك، كانتمنى ماتخليش حاجة بحال هادي واخا تكون بهاد المأساوية تأثر عليك وعلى مسيرتك. نتي تخلقتي باش تكوني حرة، تكوني داخل داك القفص ماشي خارجه ⊱
استرسل باللغة الإنجليزية بنبرة طاغية عليها لكنة ألمانية...
... : ⊰ you're far from being a palooka! ⊱
《أنتِ بعيدة كل البعد عن كونك مقاتلة فاشلة 》
عينيها مركزين في نقطة وحدة وملامحها ماعاطيين حتى علامة واضحة عن طبيعة رد فعلها على أي حاجة سمعاتها منه لحد الساعة، ولا حتى واش سمعاتها أصلاً.
استأنف كلامه...
... : ⊰ غنكون صدعتك بكلامي اللي بحال والو يجيك ماعندو أهمية ومتفهم هادشي، اللي بغيت نقول هو... ⊱
جبد بطاقة بيضاء متوسطة الأبعاد بحوافّ ذهبية، تحنى بشوية حطها قدامها ببطء وهو كايقدم إجابات لأي تساؤل محتمل...
... : ⊰ دَوْري ال Grand Prix لفنون القتال واللي غادي يتنظم فوحدة من أهم المنصات الرياضية في الولايات المتحدة الأمريكية بشراكة مع منظمات قتال كثيرة... راك عارفة اشنو كاتعني المشاركة والفوز فيه، فرصة ماكتعوضش لشخص بحالك و نتمنى تستغليها ⊱
سحب يده بعدما حطها ونقر على الطاولة بسبابته وبإصبعه الأوسط باش ينقص من حدة الطاقة المربِكة اللي كتحوم بيهم قبل مايرجع يوقف باستقامة...
أنت تقرأ
🎴قصة BORZ | بالدارجة المغربية🎴
Action••قصة بالدارجة المغربية بطابع رياضي درامي•• 🀄تأليف: ليلي ديلاشاو🀄 •قصة عنوانها باللغة الروسية و كايعني الذئب؛ المتميز بالدهاء و بالتخطيط العالي للهجمات، و تسبر أغوار عالم رياضة من أكثر الرياضات إثارة للجدل! •قصة...
