••قصة بالدارجة المغربية بطابع رياضي درامي••
🀄تأليف: ليلي ديلاشاو🀄
•قصة عنوانها باللغة الروسية و كايعني الذئب؛ المتميز بالدهاء و بالتخطيط العالي للهجمات، و تسبر أغوار عالم رياضة من أكثر الرياضات إثارة للجدل!
•قصة...
و هي في خَضم حوارها الداخلي بانتليها منافستها داخلة مع شخصين من الواضح أن واحد فيهم هو مدربها، شابة صهباء فالعشرينيات متوسطة الطول لابسة هودي بيضاء محيداها فاش قربات للقفص باش تظهر الصدرية الرياضية السوداء و عضلات بطنها و درعانها المشدودة المغطية بوشوم عشوائية.
حيدات إيلودي الهودي الرمادية و سروالها بعدما حيدات حذاءها الرياضي وبقات بصدريتها الرياضية الزرقاء و شورط أسود قصير لاصق على أفخادها الممشوقة، حطاتهم فوق أحد المقاعد و تقابلات باستقامة مع رسلان اللي خدا قارورة الڤازلين من أحد المسؤولين و بدا كيطبقو على أنحاء وجهها بعناية... نطق وهو كيمسد الڤازلين على وجهها مركز على عظام فكيها؛ أعلى حاجبيها و حدا ودنيها باش يخلي الجلد أكثر مرونة و أقل عرضة للتمزق بسبب اللكمات..
رسلان: ⊰ Brains over brawns, and guts over fear ⊱
إيلودي[ بعزم ] : ⊰ Yes, sir ! ⊱
شاف فعينيها بتركيز قبل مايمد ليها واقي الفم (mouthpiece) فاش طلب منهم الحكم يسرعو.
هاد الرياضة ماكتعتامدش غير على القدرة البدنية بوحدها و إنما حتى على القدرة العالية على التفكير وسط القفص و اتخاذ القرارات الحاسمة المتعلقة بالتوقيت و المسافة بين المقاتل و خصمو، و هي أكيد من المقاتلين اللي فاهمين هاد المسألة و مستغلينها مزيان!
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اندفعات بجموح وبترقّب لوسط القفص بمجرد ماعلن الحكم على بداية النِزال المكون من ثلاث جولات.. بقا واقف في الجانب الخارجي لشباك القفص، بؤبؤ عينيه كايتحرك مع كل حركة كادير؛ واثق فقدراتها و عارف باللي ماهي إلا مسألة إينا جولة و بإينا طريقة غاتسالي النزال.
متبع أولى اللكمات الصادرة عن الصهباء و حركات الرأس الدفاعية ديال الشقراء اللي قابلوهم و اللي ماخلاوش ليها فرصة للتسديد..
فجأةّ !
وجهت الصهباء لكمة جانبية عنيفة لفكّ إيلودي تلقات بعدها ركلة لاذعة لأضلعها و الجهة المحادية لكبدها، ركلة مورا ركلة لنفس البلاصة و بنفس السرعة كانوا كفيلين يخليو ثقة إيلودي فنفسها تتزاد و توازن الأخرى يختل والأهم... كفيل باش يخلي تدفق الإندورفين يتزاد كثر !
