••قصة بالدارجة المغربية بطابع رياضي درامي••
🀄تأليف: ليلي ديلاشاو🀄
•قصة عنوانها باللغة الروسية و كايعني الذئب؛ المتميز بالدهاء و بالتخطيط العالي للهجمات، و تسبر أغوار عالم رياضة من أكثر الرياضات إثارة للجدل!
•قصة...
⧉ Too many chains, I need another chest Playin' no games if it wasn't chess Cut from that cloth that you couldn't stretch Cut from that circle you couldn't test Heavily pressured and under stressed ⧉
حبسات من ترديد كلمات إحدى أغاني الراپ لنيپسي هاسّل بشغف فاش بدّلها بأغنية فلكلورية روسية، قلبات عينيها وبدات كاتمسح جبهتها المتصببة بالعرق و هي كاتقول بتذمر...
إيلودي: ⊰ مالك هاكدا مالك؟ زيادة على أنك كاتتشائم مرة مرة، ماعندكش ذوق في الموسيقى! ⊱
هز حجبانو باستنكار قبل ما يقول... رسلان:⊰ واش عرفتي سمية هاد الأغنية اللي خدّمت دابا؟ ⊱ إيلودي: ⊰ ااه عارفة، سميتها "عقاب لأي واحد نسا يجيب سماعات الأدن" ⊱
حرك رأسو بقلة حيلة وهو كايقرب لل treadmill فين خدامة بدون كَلل واللي موضوع في أحد أركان صالة التدريب بإحدى القاعات الرياضية بالعاصمة. تحنى مقرب منها و نطق بجدية...
رسلان: ⊰ السيمانة الجاية غانبداو التداريب ⊱ إيلودي: ⊰ كان من المفروض نبداوهم اليوم [بصوت غير مسموع] ولكن راسك قاصح، راه غير صبعي اللي مهرّس ماشي يدي ولا رجلي⊱
⏱بعد مرور 5 أسابيع... 📍ضـواحي مدينة اللوكسـمبورغ
بوابة مُحاطة بحارسَيْ أمن؛ قدامها صف طويل وغير منظم ديال الناس كيتهافتو على التذاكير البخسة المتبقية لحضور مباريات القِتال لهاد الليلة و اللي مابقاليهم غير ساعات ويبداو. في الرصيف المقابل واقفة سيارة زرقاء من الطراز القديم، حل الباب اللي فجيهتو ودار شافيها...
غتكون كتكذب إلى نكرات كمية الخوف اللي معتاصر قلبها فهاد اللحظة، ولكن غتكون فمنتهى الغباء إيلا خلاتو يأثر عليها وعلى أداءها اللي أسابيع وهي كتتدرب باش يكون فوق مستوى التطلّعات! إيلودي: ⊰ أشنو كيقولو عادةً في لقطات بحال هادو ؟ ااه 'I was born ready' ولاّ شي حاجة بحال هاكا ⊱ حرك رأسو لسخافتها المحببة ليه و بانت ابتسامة طفيفة على وجهو قبل ما يقول... رسلان : ⊰ أنا اللي حمق كانسول من نيتي ⊱
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
غادر السيارة و خرجات موراه ماشيين جيهة الباب الخلفي للمبنى ديال المنظمة المَحلّية للقتال-رغم شُهرتها المحدودة مقارنة مع منظمات عالمية أخرى فنفس المجال إلا أنها ملجأ و نقطة انطلاق ديال مسيرة عدد كبير من المواهب الصاعدة فهاد الرياضة غير الاعتيادية بهاد المنطقة من العالم.
أثناء عبورهم للممر المؤدي للغرفة فين غايتسناو مع باقي المُتبارين، قدرات تلمح القاعة اللي قربات تعمر بمئات المتفرجين و قدرات تلمح الأوكتاگون اللي غتكون وسطو في غضون ساعات قليلة.
دازو ساعتين وهما جالسين فال locker room المشتركة رُفقة المتبارين اللي باقي ما وصلات نوبتهم و اللي كل واحد فيهم مشغول بآخر الاستعدادات النفسية و الجسدية؛ كيتسمع غير صوت اللكمات والركلات اللي كتسدد لألواح الملاكمة الصغيرة المثبتة فأيادي المدربين في انتظار تسدّد لأي جزء من أجسام الخصوم. جالس على إحدى الكراسي الرمادية القابلة للطي المهترِئة ديال الغرفة، مشغول بلف شريط أبيض لاصق على معصميها-الشريط اللي لازم يدّار تحت القفازين باش يحمي العظام والمفاصل الصغيرة ديال يديها من الأذى فاش غاتوجّه الضربات.
تحنى مقرب منها...
رسلان [بحزم]: ⊰ طبّقي ال game plan، عارف باللي مرة مرة كايشدوك نوبات ال showboating ولكن ماتهبطيش يديك واخا مايكونوش هجَماتها دقيقة، تفاهمنا؟ ⊱
حركات رأسها بإيجاب وهي مركزة مع الطريقة الاحترافية باش كايلفّ الشريط الأبيض ... رسلان : ⊰ و ماتنسايش! أحسن طريقة للدّفاع ماشي هي الهجوم.. هي التصدي للهجوم عاد الهجوم ⊱ إيلودي: ⊰ مفهوم! ⊱ مدّ ليها القفازات الجلدية السوداء فاش سمعو صوت أحد الحراس كينادي بسميتها.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
غادرو الغرفة و تبعوه بخطوات مسرعة جهة قاعة العرض، كلما قربو ليها كلما تزاد صوت الجمهور الصاخب وكلما تسارعو معاه دقات قلبها. انساحب الحارس بمجرد ماوصلو لمدخل القاعة مخلييهم مكملين طريقهم لفين كاين القفص المُحاط بطاولات؛ وحدة فيهم جالسين فيها أعضاء لجنة التحكيم الثلاث. كتحس بنبضها بدا كيتسارع؛ هزات راسها فيه فاش شد فيدها اللي كترعد بوضوح، بادلها نظرات مُطَمئِنة بدّدت نسبة كبيرة من الارتباك اللي بدا كيتملّكها.
علاش غادي ترتابك؟ ماخصهاش ترتابك! هادي ماشي أول مرة غادي تشارك في قتال...
ولكن هذا ماشي كأي قتال، هادا أول نزال احترافي فمسيرتها و هادشي غير ماكيزيد يوثرها، الحاجة الوحيدة اللي عارفة مزيان هي أن يدها هي اللي خاصها ترفع من طرف الحكم في الأخير، حيث ببساطة ماكاينش خيار آخر!
