مترأس طاولة الفطور الخشبية الطويلة اللي شاغلة مساحة من البهو الفسيح ديال الدار—منشغل بالحديث عن شؤون الخدمة مع ريم اللي جالسة على يمينو، منهمك تارةً بتقطيع 'پان كايك الرّيكوتا' اللي في صحنو واللي مشكلين طابق الوجبة الصباحية الفاخر وتارة أخرى بالارتشاف من القهوة اللي ريحتها مالية المكان... على يسارو السيدة لينا اللي مرة مرة كاتشاركهم الحديث بتدخل من تدخلاتها ومرات كثيرة كاتطلب منهم يخليو كلام الخدمة لبلاصة الخدمة.
سمع خطواتها السريعة نازلة من الدروج اللي متوسطين البهو و لاياش عاطي بظهرو، ألقت التحية الصباحية بصوت بالكاد كايتسمع بلا ماتقلل من سرعة خطواتها وهي متاجهة ناحية الباب، حتى سمعات صوتو المرتفع اللي حتّم عليها توقف بلاصتها...
آدم: ⊰ اليوم غاتبداي تدريبك بالشركة، بمجرد ماتسالي حصصك الجامعية توجهي ليها مباشرة... وممنوع أي تأخر كيفما كان نوعو! ⊱
وقفات لوهلة كارزة على فكها بعصبية، في الوقت اللي نطقات فيه السيدة لينا فاش انتبهت لوجودها...
أوما لينا: ⊰ فين خارجة هاكدا بلا فطور؟ ⊱
ماجاوباتش على سؤال الجدة حيث أصلا ماسمعاتوش بسبب أفكارها المشوشة فاش تفكرات الانشغالات اللي عندها هاد العشية، قادات كول المعطف الأسود اللي لابسة وكملات طريقها خارجة بسرعة جيهة الگاراج فين هزات دراجتها الهوائية الكهريائية السوداء من نوع ال Rambo وانطلقات بعُجالة.
•••
طلاّب من جنسيات مختلفة كايعبرو المدخل الرئيسي للمبنى الشامخ ذو الطابع المعماري الأوروبي الكلاسيكي لجامعة اللوكسمبورغ، في حين أغلبهم باقي كايجوب ممراتها من بينهم هي اللي كاتمشى بسرعة وسط أحد أروقتها الخاوية متاجهة ناحية الدروج اللولبية اللي غير وصلات ليهم حبساتها يد موضوعة قدامها فجأة، هزات عيونها فصاحب اليد وماقدراتش تتعرف عليه ولا تميزو، ولكن الابتسامة اللعوبة اللي بدات كاتتشكل على وجهو الوسيم كفيلة توضح لإينا صنف كاينتمي، زادت وساعت ابتاسمتو الجانبية وهو كايتفحص شكلها وملابسها اللي كايتشاركو فحاجة وحدة وهي مقاسهم الكبير على مقاس صاحبتهم، قبل ماينطق...
...: ⊰ تعياي ماتخشي راسك فهاد الحوايج ولكن كاتبقى جاذبيتك مضادّة للمقاسات الكبيرة! ⊱
شافت فيه بنفور وقبل ماتقدر ترد على هاد الانتهاك الواضح لحرياتها الشخصية، سبقها بقوله...
...: ⊰ أكيد غاتكوني كاتساءلي شكون أنا، أنا 'داستِن' وأنا أكبر معجبيك ⊱
زاد قرب منها ونطق بعجرفة واضحة...
داستن: ⊰ أشنو بانليك في موعد معايا؟ هاد الليلة، غدا، ولا أي وقت مناسبك، غير ماتحاوليش ترفضي حيث ماغنقبل حتى جواب من غير 'اه' ⊱
أنت تقرأ
🎴قصة BORZ | بالدارجة المغربية🎴
Action••قصة بالدارجة المغربية بطابع رياضي درامي•• 🀄تأليف: ليلي ديلاشاو🀄 •قصة عنوانها باللغة الروسية و كايعني الذئب؛ المتميز بالدهاء و بالتخطيط العالي للهجمات، و تسبر أغوار عالم رياضة من أكثر الرياضات إثارة للجدل! •قصة...
