🎴قصة BORZ | بالدارجة المغربية🎴

•• جزء 12 ••

خدات نفس عميق ووجهات ليه سؤال بعدما ساد الصمت والسكون لفترة طويلة...

إيلودي: ⊰ جاوبوك مازال بخصوصك؟ ⊱
رسلان : ⊰ ااه هاد الصباح، خاصني غير نمشي نوقع عقد المباراة الجاية، باقي ليها شهرين.. ⊱

سكت لمدة و استرسل...

رسلان: ⊰ و بخصوصك، عادةً كيخص على الأقل خمسة ديال المباريات في المنظمات المحلية قبل ما تقدري توقعي عقد مع منظمات دولية كبار، ولكن بفضل طبيعة أداءاتك قدرت نقنعهم؛ واخا حتى حاجة مامضمونة كاين احتمال تحصلي على عقد مع منظمة International Combat League غير مورا القِتال الرابع اللي غادي... ⊱

تلاحت عليه على غفلة مقاطعاه و معنقاه من الجنب...
إيلودي: ⊰ نتا أحسن Sensei في العالم! ⊱

محاولاتو فأنه يحبس هاد العناق اللي غير مرغوب فيه ويبعدها عليه خلا كلاكسون سيارة تابعاهم يتسمع بسبب انحراف السيارة على الطريق، قال بانزعاج بعدما بانتليه كاتضحك بالجهد على ردة فعلو المتوقعة...

رسلان: ⊰ واش بااغا تقتلينا ! زگاي! ااش هاد قلة العقل ا إيلودي ⊱

نطق بعدما دار مافجهدو باش يتفادى عناقها المشوش وتأكد باللي تقادات بلاصتها...

رسلان: ⊰ غدا جي قبل الوقت خاصك تخدمي على تقنيات الصامبو والتجو جيتسو؛ مابغيتش اللي وقع آخر مرة يتعاود! إيلا ماكنتيش غاتقدري تسلكي راسك حتى في أرضية القفص فاراه تسديد اللكمات والركلات بوحدهم ونتي واقفة ماكاافيش! وبالنسبة لشخص هدفو يولي بطل، غايخصك كثر من أنك 'تسلّكي' راسك... غايخصك تخلي خصمك يحس باللي ماشي فمستواك سواءاً كنتو واقفين أو لا كنتو على الأرضية! ⊱

إيلودي: ⊰ صاافي فهمت كاتحبطني بحال هاكدا[ كملات بتذمر ] و أصلاً داك النهار ماكان بإمكانها تدير والو واخا طيحاتني للأرض ⊱

تنهد ونطق بعد مدة...

رسلان: ⊰ غير ماكانش عندها الوقت الكافي، من حسن حظك سالات الجولة قبل ما تسيفط مؤخرتك للبُعد الخامس ⊱

إيلودي [قلبات عينيها بتذمر ] : ⊰ نسيتي الدقائق اللي خدا مني تغيير تقاسيم وجهها و ركزتي غير على عشرة الثواني اللي دوزتهم على الأرضية؟ ⊱

رسلان : ⊰ ثانية وحدة تقدر تغير مسار المقابلة و تكلفك كلشي، يلاه نزلي ⊱

تمشات بخطوات ثابتة ناحية الممر المُبلّط المؤدي للباب الخارجي ديال الدار، ألقت نظرة جانبية بالزربة ورجعات كملات طريقها فاش سمعات صوت باب سيارة أخرى في الجهة المعاكسة كايتسد و صوت كعب عالي الوحيد اللي كايتسمع في الأرجاء بدا كايقرب منها...

نطقات صاحبة الكعب العالي وهي تابعاها، كايفصلوهم غير أشبار قليلة...
ريم: ⊰ ماكنش فخباري باللي ختي الصغيرة ولاّ عندها حبيب كايوصلها حتال باب الدار ⊱