••قصة بالدارجة المغربية بطابع رياضي درامي••
🀄تأليف: ليلي ديلاشاو🀄
•قصة عنوانها باللغة الروسية و كايعني الذئب؛ المتميز بالدهاء و بالتخطيط العالي للهجمات، و تسبر أغوار عالم رياضة من أكثر الرياضات إثارة للجدل!
•قصة...
جالسة بمهابة كاتبلع غصة تأخره، أو بالأحرى نسيانه للموعد بجرعات مسكوبة من قنينة Alizé ديال الخمر الفرنسي الفاخر اللي محطوطة قدامها، كأس تابع كأس خلى انتشاءها يتزاد و وعيها يضمحلّ. بدات كاتحسس الخاتم الماسي الأبيض اللي بخنصرها و عينيها مرة كايتفحصو باب المطعم الراقي مرة ساعتها اليدوية الأنيقة؛ لقاتها الحادية عشر مساءاً الشيء اللي زاد من تجهّم ملامح وجهها.
بعدما تسنات دقائق أخرى، هزت حقيبتها الجلدية السوداء و بدات كاتمشى بترنّح في اتجاه سيارتها رافضة أي عرض بخصوص توصيلها لوجهتها من طرف موظفي الإستقبال، همت بعبور الطريق وهي غافلة عن السيارة المسرعة اللي جاية في الإتجاه الآخر، حتى حسات باندفاع جسدها بقوة على أرضية الرصيف القريب لفين مركونة سيارتها على إثر اصطدامه بجسم آخر، جسم رجولي أضخم من ديالها. هزات عيونها الخضراء ببطء في صاحبه ذو العيون داكنة اللون و هبطاتهم لفستانها الترابي اللون اللي باين تحت معطفها الأسود المفتوح واللي تقطع من الجزء اللي واصل ركابيها، شافت للجزء الآخر منه اللي توسخ، عاودات طلعاتهم و قالت بعتاب وغضب...
ريم: ⊰ شفتي أشنو درتي؟! ⊱
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ناض من على الأرض كايسوس حوايجو، مد ليها يده اليسرية باش يعاونها توقف، فاش بقات يده معلقة في الهواء نطق بتنبيه...
...: ⊰ آنسة أوبرويس! ⊱
حاطة راحتي يديها على الأرض فاش ماقدراتش تنوض بسبب الدوخة اللي شداتها، قرنت حجبانها على إثر سماع كلامه ونطقت باستفسار...
ريم: ⊰ كاتعرفني؟ ⊱
بقى ماد يده و نطق بنبرة هادئة...
...: ⊰ أنا يورگن، يورگن وِيبَر—مسؤول تنفيذي للمبيعات في شركة Luvaweiss، [حرك يده الممدودة] ودابا إيلا سمحتي... ⊱
حبس كلامه كايشوف فيها كاتنظف الأرضية بمعطفها اللي بدوره تحول لونه للترابي، بعد عدة محاولات فاشلة ناضت بكل عناد وقفات بصعوبة ولكن بفخر حيث قدرات ترفض مساعدته ليها وهي كاتشوف يده اللي كانت ممدودة كايرجّعها في جيب سرواله. تقابلات معاه قالت بصوت عالٍ وحاد وعينيها الناعسين متبثين على الجزء العلوي لقميصه الترابي الملبوس بعشوائية فوق تريكو أسود...
