••قصة بالدارجة المغربية بطابع رياضي درامي••
🀄تأليف: ليلي ديلاشاو🀄
•قصة عنوانها باللغة الروسية و كايعني الذئب؛ المتميز بالدهاء و بالتخطيط العالي للهجمات، و تسبر أغوار عالم رياضة من أكثر الرياضات إثارة للجدل!
•قصة...
سايگة بسرعة كاتسابق الرياح الربيعية الخفيفة اللي بدات كاترحب بالظلام اللي بدا كايخيم على الأرجاء، مركزة مع الطريق في صمت و النظرة الوحيدة اللي عاد تبادلات معاه قبل دقائق قليلة واللي دامت أجزاء من الثانية كانت كفيلة تحيي شحال من ذكرى و تخلي شحال من حاجة تباذر للذهن ديالها...
غمضات عينيها بقوة فاش لسعها صداع حاد خلى الرؤية ديالها تضبب لثوانٍ، الشيء اللي خلى السيارة تنحرف على مسارها نوعاً ما ولكن من حسن الحظ أن هاد الطريق شبه خاوية وقليل فين كايدوز منها شي حد.
بعدما وصلات، ركنات السيارة وسدات بابها ووقفات لوهلة كتشوف بتفحّص فالمنزل رغم قلة الإضاءة، منزل صغير غالب عليه طــابع الكوطاج كــور (Cottagecore)، تقدمات بخُطى بطــيئة جيهة الشرفة الفسيحة و الخاوية اللي حدا الباب و هي كاتستنشق الهواء النقي اللي مالئ هاد المكان.
دخلات و سدات الباب البني اللون ببُطء بلا ماتشعل الضوء مكــتفية بضوء القـمر اللي زاد وضاح فاش جرّات الستارة من على النــافذة و فتحاتها...
غمضات عينيها على إثر إحساسها بالنسيم الليلي اللطيف المتسلل عبر النافذة لثوانٍ قبل ماتوجه ناحية كيس الملاكَمة المغبّر والمهترئ اللي معلق على بُعد أشبار قليلة من موضعها؛ حطات راحة يدها كتحسسو مسنّدة جبهتها عليه و متنهدة بعمق، طالقة العنان لصباعها كايتحسسوه كيفما طلقاتو لذاكرتها...
▓▓ ࿇ بــدايـة الفـــلاش بــــاك ࿇ ▓▓
واقفة كاتسناه قدام نادي من الأندية الرياضية الصغيرة فمدينة اللوكسمبورغ—فين كيلقّن دروس الصّامبو الروسي بدوام جُزئي، مدخلة يدّيها فجيوب المعطف الأسود اللي لايحة على هودي بنيّة و beanie سوداء مغطية شعرها الأشقر القصير...
لمحاتو مغادر النادي وجاي قاصدها راسم ابتسامة باهثة على وجهو علاياش باين التعب، اكتفاو بإيماءة كإلقاء للتحية... انتبهات للقميص اللي لابس و المعطف اللي هاز فيدو وقالت باهتمام...
حط حقيبتو في الأرض و بدا كايدخّل يديه في أكمام المعطف الأسود وهو كايقول... رسلان: ⊰ واخا أ ماما [ هزّ الحقيبة] ماغنعاودش ⊱
ضرباتو بكوعها فجنبو كردّ على هاد السماجة وهما ماشيين مكملين حديثهم و طريقهم جيهة سيارتو المركونة حدا إحدى الأرصفة القريبة.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بعدما ركبو فبلايصهم؛ قال وهو كيقاد حزام السلامة وكيستاعد باش ينطالق...
رسلان: ⊰ كيف غادية أمورك بالجامعة؟ ⊱
حركات كتافها بلامبالاة، جاوبات وهي مكمشة نيفها المنمّش بإنزعاج...
إيلودي: ⊰ مزيان... ماكايبقاش ليا الوقت للتداريب كيف قبل و دابا دازو شهرين على ثالث قِتال ليا، راه... ⊱
قاطعها بعصبية رامقها بنظرة صارمة قبل كايعاود يشوف فالطريق قدامو... رسلان: ⊰ آش هاد الهضرة كانسمع؟! كيفاش ماكايبقاش وقت للتداريب؟ شحاال من مرة خاص نعاودها ليك؟ الجامعة أهم من هاد الزمر كااامل آ إيلودي! ⊱
نطقات باحتجاج على كلامو...
إيلودي: ⊰ نتا عارف باللي ماشي رافضة أمر الجامعة، رافضة تدخلو فگاع الأمور اللي كاتخصني مؤخراً ورافضة محاولاتو يردني بحالها: البنت المثالية المطيعة و... ⊱ حبسات كلامها مدورة راسها جيهة النافذة حيث براسها ماعارفاش باش كتحس حِيال الموضوع كاملو... خدا نفس عميق خلاه في محاولة للسيطرة على أعصابو وقال بهدووء... رسلان: ⊰ وأشنو؟ ⊱ زفرات بضيق و عدم ارتياح وهي باقا كاتشوف فزجاج النافذة مكتفية بالصمت... شافيها ثاني و دار رادّ البال مع الطريق... رسلان: ⊰ ماعاجباكش فكرة تفرض عليك شي حاجة مورا ماظنيتي باللي ولات عندك كامل حرية التصرف؟ على الأقل باباك مامنعكش تقاتلي بشكل قاطع، علاش فنظرك؟ ⊱ إيلودي: ⊰ حيث عند بالو هادي غير مرحلة وغادوز ⊱
خدا مهلة للتفكير في الكلام اللي ناوي يقول واللي انتهى به المطاف بقولو بتردد...
رسلان: ⊰ و ايلا كان عندو الحق؟ ⊱
دارت عندو باستياء مقطبة حجبانها...
إيلودي: ⊰ Stop playing the devil's advocate ⊱
كمل كلامه... رسلان: ⊰ من واحد الناحية نقدر نتفهمو، حتى واحد مايبغي ولادو يديرو داكشي اللي كانديرو ويتعذبو كيف كانتعذبو، خاصك تشوفي النحيب والحالة فاش كاتخلي الأم ديالي كل مرة كانكون خارج لشي نِزال... كاتدعي و تعنق و تبكي بحالا ماغاتعاودش تشوفني مرة أخرى! نعياو مانصبغو ونزيّنو الحقائق آ إيلودي ولكن كايبقاو حقائق... في الأخير حنا غير أشخاص كايآذيو أشخاص خرين بشكل مُقنّن كطريقة باش ينفّسو على الأحاسيس المختلفة اللي فدواخلهم، وأكيد باش يحققو الحوايج اللي باغيين حيث مالاقيين ليهم طريق أخرى من غير هادي ⊱
ماتقدرش تنكر باللي كلامو كايحمل شيء من الصواب، ولكن عقبات عليه باستياء... إيلودي: ⊰ مامتيقاش باللي كاتجي منو! هو ماشي بحال ماماك... شخص بحالو ماكيهموهش ناس خرين واخا يكونو ولادو ⊱
رسلان[بهدوء]: ⊰ ماكندافع على حد... باغيك غير تستوعبي—هادا لامكنتيش أصلا مستوعبة هدشي لدابا— باللي القِتال ماشي لعبة، هاد العالم حتى واحد ماكيدخل ليه وكايبقى فيه وهو عاجبو الحال، أغلب الناس اللي مكملين فيه مضطرين وصافي...[تلفّت شاف فيها بتأكيد] نتي ماشي مضطرة تكملي فيه ا إيلودي ⊱ إيلودي: ⊰ شحال من مرة خاصني نسمع هاد الهضرة؟ ااه ماشي مضطرة! أنا باغا نقاتل حتى لنهار نموت... أو على الأقل حتى لنهار اللي يموت شغف القتال اللي فيا، علاش صعيب على الواحد يتيق و يتقبّل هادشي؟ ⊱
حطات رأسها على الزجاج كتأمل منظر غروب الشمس الشاعري و الأغصان الجرداء ديال الأشجار اللي فجنب الطريق المؤدية لدارهم— على الإيقاعات الهادئة لمقطوعة موسيقية شيشانية منبعثة من جهاز راديو السيارة.
_____🎴______
انطباعاتكم؟
_____________🚩توضيح: عبارة Playing the devil's advocate كاتعني حرفيا "أداء دور محامي الشيطان"، بمعنى إيلا كان شي حد كايلعب دور محامي الشيطان فشي نقاش فهذا كايعني باللي كايقول شي هضرة هو براسو ماكيآمنش بيها و لكن قالها غير باش يحتدم النقاش.
