Unicode
မဂ္ဂသည် လွန်းနောင်အားမော့ကြည့်ကာ မည်သည့်စကားမျှမဆို။
လွန်းနောင်သည် လွယ်အိတ်ထဲကနေ ၁၀၀တန်တစ်ရွက်ကိုထုတ်လိုက်ပြီး ခုံပေါ်ရှိ လက်ဖက်ရည်ခွက်ဖြင့်ဖိထားလိုက်သည်။
"ဟိုတစ်နေ့က ခင်ဗျားရှင်းထားတဲ့ဖိုးနဲ့ ဒီနေ့စားတဲ့ဟာတွေအတွက်"
"ငါဝယ်ကျွေးမယ်လို့ပြောထားတယ်လေ"
"အကြွေးတင်ရတာမကြိုက်ဘူး။ နွေဦးမောင် ငါနဲ့ library ခဏလိုက်ခဲ့ပါလား၊စာတမ်းအတွက်အကူညီတောင်းစရာရှိလို့"
"အေး လိုက်ခဲ့မယ်လေ။"
သို့နှင့် နွေဦးမောင်လည်း ထလိုက်လာရသည်။
လွန်းနောင်က သေးသေးတင်မခံနိုင်သောလူစားမှန်း နွေဦးမောင်ကော ဇေရဲပါလက်ခံထားသည်။
မဂ္ဂကတော့ သေးသေးတင်မခံနိုင်သည့်လူကိုမှ လုံးကြီးတင်ပြီးဆန်ခတ်ချင်သည့်ကောင်။ထို့ကြောင့် သူတို့နှစ်ယောက်သည် ဘယ်တော့မှမတည့်။
ကန်တင်းကနေ ထွက်လာပြီးစာသင်ဆောင်အကွေ့နားအရောက်တွင် ခင်စံပယ်ညိုနှင့်တိုးလေသည်။ခင်စံပယ်ညိုက သိပ္ပံဆောင်ကမို့ သည်လိုနေရာမှာတွေ့တာအဆန်းတကျယ်တော့မဟုတ်ပေ။သူမဘေးတွင်သူငယ်ချင်းတစ်ယောက်လည်းအတူပါသည်။
"ကိုနွေ။ကန်တင်းကိုလာတာလား။"
နှုတ်ဆက်သူကလည်းနှုတ်ဆက်လာပြီမို့ နွေဦးမောင်လည်းခဏရပ်ကာ စကားပြန်ပြောရတော့သည်။
"ဟုတ်တယ် ခင်။ခင်ရော စားပြီးပြီလား။"
"အခုမှသွားစားမို့။ခင်တောင် ဦးချစ်ဆိုင်သွားမလားစဉ်းစားနေတာ။ ကိုနွေ့ကိုပြောစရာရှိလို့။"
"ဘာကိစ္စလဲ ခင်"
ခင်စံပယ်ညိုသည် နွေဦးမောင်ဘေးရှိ လွန်းနောင်အား အထက်အောက်စုန်ဆန်ပြီး တစ်ချက်လှမ်းကြည့်သည်။ ပြီးနောက် နှုတ်ဆက်ဟန်မလိုသောအပိုလူတစ်ယောက်နှယ် လျစ်လျူရှုလိုက်ကာ နွေဦးမောင်အားစကားဆက်သည်။
နွေဦးမောင်ကတော့ မိန်းမတွေအားနားမလည်သည်ဖြစ်ရာ တုံဏှိဘာဝေ။
"ညနေကျရင် မေမေက အိမ်ပြောင်းမှာတဲ့။ အဲ့တာ လိုတဲ့ပစ္စည်းတွေကို ခင့်ကိုမှာနေတာ။ ညနေသွားပို့ရမှာ။ပစ္စည်းတွေကများတော့လေ ကိုနွေ ခင့်ကိုလိုက်ပို့လို့ရလား။"
YOU ARE READING
အဓိပတိလမ်းမထက်က မောင့်ခြေရာ{အဓိပတိလမ္းမထက္ကေမာင့္ေျခရာ}
Romanceကျွန်တော်လေ...သည်အဓိပတိလမ်းမကြီးကို သိပ်သဘောကျတယ်။အထူးသဖြင့် မောင့်ခြေဖမိုးလေးနဲ့တွဲမြင်ရတာကို ပိုသဘောကျတယ်။ စောနရီ... {ကၽြန္ေတာ္ေလ...သည္အဓိပတိလမ္းမႀကီးကို သိပ္သေဘာက်တယ္။အထူးသျဖင့္ ေမာင့္ေျခဖမိုးေလးနဲ႔တဲြျမင္ရတာကို ပိုသေဘာက်တယ္။ ေစာနရီ...} Start-30...
