Unicode
ပန်းဦးမေသည် သူမ၏မူပိုင်နေရာအဖြစ်သတ်မှတ်ထားသောခြံထဲကဒန်းပေါ်တွင် စာထိုင်ဖတ်နေ၏။ ဝင်းဝင်းလတ်၏ အချစ်၏နောက်ဆက်တွဲစာမျက်နှာများစာအုပ်သည် သူတို့လို ဆရာဝန်လောင်းလျာများနှင့် အပ်စပ်သည်ဟုလည်း ဆိုလို့ရသည်။
ဘေးမှာချထားတဲ့ ရေဒီယိုကနေထုတ်လွှင့်နေသည့် ကိုမှိုး၏ မကြင်နာသူသို့ သီချင်းကလည်း သူကြားရုံမျှ လွင့်ပျံ့နေသေးသည်။
ထိုစဉ် သူ့အနီးသို့ ခပ်သင်းသင်းရနံ့က နေရာယူလာသည်။ ပန်းဦးမေ မော့ကြည့်လိုက်တော့ အပြင်သွားဖို့ရန်ပြင်ဆင်ထားသည့် ခင်စံပယ်ညိုကိုတွေ့ရသည်။ရုပ်ရှင်မင်းသမီးနှယ် ပြင်ဆင်ထားသော ခင်စံပယ်ညိုက ကျောင်းကခင်စံပယ်ညိုပုံစံနှင့်တော့ကွဲပြားသည်။
ကျောင်းမှာဆိုလျှင် ခါးရှည်အင်္ကျီနဲ့ ခြေသလုံးအလယ်လောက် ထဘီကိုသာဝတ်တတ်ပြီး ဆံပင်ရှည်များကိုဖြန့်ချထားတတ်တာမို့ ယဉ်သကို အလှမယ်သဖွယ်။
ယခုမူတော့ ဂျင်းဘောင်းဘီပွပွကို ဘိလပ်စတိုင်ဟန်ပန်ဖြင့်။
"ရုပ်ရှင်သွားရိုက်မို့လား"
ပန်းဦးမေ ခနဲ့ဟန်မေးလိုက်ပေမဲ့ခင်စံပယ်ညိုက ထိုအရေးကို သိပ်အာရုံမရှိလှပေ။
"ကိုနွေ နင့်ကို ဆက်သွယ်သေးလား"
"နင်လည်း အိမ်မှာရှိနေတာပဲဟယ်။ဖုန်းလည်းမလာဘူး။ ငါလည်းအပြင်မှမထွက်တာ ဘယ်လိုလုပ်အဆက်အသွယ်ရမှာလဲ။ ပြီးရင် နွေဦးမောင်ဆိုတဲ့ကောင်က အဲ့လိုပဲ ပျောက်ပျောက် သွားနေကျလေ။ နင့်အာရုံတွေကို ကိုဥဿ စီမှာပဲ ထားစမ်းပါဟယ်။"
"အဲ့တာနင့်အပူမပါပါဘူး။ ကိုယ့်ရုပ်ကိုယ်လည်း ပြန်ကြည့်ဦး။ မိန်းကလေးဖြစ်ပြီး နေပုံက။"
ပန်းဦးမေသည် သူပြောမှ ကိုယ့်ကိုယ် ပြန်ငုံ့ကြည့်လိုက်မိသည်။ အိမ်နေထဘီနှင့် အပေါ်ကတီရှပ်။ ဘာများမှားနေလို့လဲ။
"သမီးသွားမယ်လေ"
"လာပြီမေမေ။"
ကားပေါ်ကနေ ဒေါ်ရတနာက လှမ်းခေါ်တာကြောင့် ခင်စံပယ်ညိုသည်လည်း ပန်းဦးမေ၏ ချေပ သံကိုမစောင့်ပါဘဲ သွက်လက်စွာပြေးထွက်သွားလေသည်။
YOU ARE READING
အဓိပတိလမ်းမထက်က မောင့်ခြေရာ{အဓိပတိလမ္းမထက္ကေမာင့္ေျခရာ}
Romanceကျွန်တော်လေ...သည်အဓိပတိလမ်းမကြီးကို သိပ်သဘောကျတယ်။အထူးသဖြင့် မောင့်ခြေဖမိုးလေးနဲ့တွဲမြင်ရတာကို ပိုသဘောကျတယ်။ စောနရီ... {ကၽြန္ေတာ္ေလ...သည္အဓိပတိလမ္းမႀကီးကို သိပ္သေဘာက်တယ္။အထူးသျဖင့္ ေမာင့္ေျခဖမိုးေလးနဲ႔တဲြျမင္ရတာကို ပိုသေဘာက်တယ္။ ေစာနရီ...} Start-30...
