Unicode
"တက္ကသိုလ် ကို ဓားသွေးကျောက်လို့မြင်ပါတယ်။ ကျောင်းသားတွေကတော့ဓားပေါ့...သွေးရင်ထက်မယ်။မသွေးပဲထားရင်တုံးသွားမယ်။သံဂျေးကိုက်သွားမယ်"
"တက္ကသိုလ်ဆိုတာ တချို့လူတွေ မရောက်နိုင်တဲ့နေရာပေါ့...ကံ၊ဉာဏ်၊ဝီရိယ၊ငွေ။ အဲ့တာတွေရှိဖို့လိုတယ်"
"အသဲကွဲနယ်မြေ..ဟဲဟဲ"
"ချစ်ခြင်းမေတ္တာတွေနဲ့ပြည့်နှက်နေတဲ့နေရာလို့ထင်ပါတယ်"
"ဒုတိယမိသားစုနဲ့ဆုံဖို့အခွင့်အရေးပေးတဲ့နေရာလို့ ကျွန်မမြင်ပါတယ်။"
"ကျွန်တော်သိပ်တော့မပြောတတ်ဘူး။ ဒါမဲ့ တက္ကသိုလ်ကိုရောက်တဲ့လူတွေက ကံကောင်းတဲ့လူတွေပါ…ဒါပေမဲ့ တက္ကသိုလ်မတက်ရတိုင်း မကောင်းတာမျိုးလည်းမဟုတ်ဘူးလို့ထင်တယ်။လူတိုင်းက သူ့ဘဝနဲ့သူဇာတ်မို့လေ.."
"သမီးစာထဲမှာဖတ်ဖူးတာက တက္ကသိုလ်ဆိုတာ ဥယျာဉ်တစ်ခုနဲ့တူတယ်တဲ့။အရောင်အသွေးစုံတဲ့ပန်းတွေပွင့်နေတာမျိုးပေါ့။"
ဆရာကျော်နှင့်တက္ကသိုလ်အကြောင်းကိုဆွေးနွေးကြရာ တစ်ယောက်တစ်ပေါက်ဖြေသံတွေက အတွေးအခေါ်မတူညီကြပုံကိုထင်ရှားစေသည်။
ဆရာကျော်က တစ်ချက်ပြုံးရင်း
"အိုခေ.. ဆရာလည်းဆရာဖတ်ဖူးတဲ့အတွေးတစ်ခုကိုမျှဝေမယ်"
"တက္ကသိုလ်ဆိုတာ ဗျူရိုကရေစီ်ယန္တရားအတွက် လူတွေကိုမွေးထုတ်ပေးရမဲ့နေရာမဟုတ်ဘူးတဲ့"
"တက္ကသိုလ်မှာ စာအုပ်ထဲကအကြောင်းအရာတွေချည်းမဟုတ်ဘဲနဲ့ လွတ်လပ်မှုဆိုတာဘာလဲဆိုတာသင်ယူရမယ်။ တာဝန်ယူမှုတာဝန်ခံမှုကိုသင်ယူရမယ်။မကြောက်တရားကိုသင်ယူရမယ်။တော်လှန်တဲ့စိတ်ကိုသင်ယူရမယ်။
လူလူချင်းဆက်ဆံရေးကိုသင်ယူရမယ်။အမှားအမှန်ခွဲခြားနိုင်မှုကိုသင်ယူရမယ် တဲ့"
"အဲ့တော့ မင်းတို့တွေ ဘယ်အချက်တွေသင်ယူပြီးဘယ်အချက်တွေကိုလက်တွေ့ကျင့်သုံးနေကြလဲ။"
"သင်ယူရုံနဲ့မပြီးဘူး။ လက်တွေ့မှာ ကောင်းကောင်းမွန်မွန် အသုံးချနိုင်ဖို့လည်းလိုတယ်"
YOU ARE READING
အဓိပတိလမ်းမထက်က မောင့်ခြေရာ{အဓိပတိလမ္းမထက္ကေမာင့္ေျခရာ}
Romanceကျွန်တော်လေ...သည်အဓိပတိလမ်းမကြီးကို သိပ်သဘောကျတယ်။အထူးသဖြင့် မောင့်ခြေဖမိုးလေးနဲ့တွဲမြင်ရတာကို ပိုသဘောကျတယ်။ စောနရီ... {ကၽြန္ေတာ္ေလ...သည္အဓိပတိလမ္းမႀကီးကို သိပ္သေဘာက်တယ္။အထူးသျဖင့္ ေမာင့္ေျခဖမိုးေလးနဲ႔တဲြျမင္ရတာကို ပိုသေဘာက်တယ္။ ေစာနရီ...} Start-30...
