Unicode
Song recommended- အဓိပတိလမ်းကခြေရာများ (ထူးအိမ်သင်)
တဂျုန်းဂျုန်း မြည်နေသောစက်သံသည် အိမ်အတွင်းပဲ့တင်ထပ်နေ၏။
"အဲ့လောက်ပဲ ချုပ်ပါတော့ဆို... ကျောင်းသွားတက်မှာပါ။ ရုပ်ရှင်သွားရိုက်မှာလည်းမဟုတ်ဘဲနဲ့။ အင်္ကျီတွေအများကြီးဘာလုပ်မှာလဲ။"
စောနရီ နှုတ်ခမ်းကိုရှေ့ပို့ကာ ဆိုတော့ ဒေါ်ချောကြည်ကရယ်သည်။
"ကျောင်းသားဆိုတာ ကျောင်းသားနဲ့တူမှပေါ့။ ကောင်မလေးတွေကို ချစ်ကြိုက်စကားဆိုရင် နုံ့ချာချာနဲ့ဆို ဘယ်ကောင်မလေးကလက်ခံမလဲ?"
"ဟာအမိုးကလည်း သား မိန်းမ မယူဘူး။ အမိုးနဲ့ပဲနေမှာ။"
"ပြောထားဦးပေါ့ရှင်။ ချစ်သူရသွားမှ ဒီအမေကိုပစ်မသွားနဲ့"
အမိုးရော သူပါရယ်လိုက်မိသည်။ ထိုစဉ်မှာပဲ အိမ်ရှေ့က ခေါ်သံကိုကြားရလေသည်။
"နရီ...နရီ..."
ထိုအသံသည် မောင့်အသံ...
သူနေရာမှထကာ ခြံထဲသို့ဆင်းကြည့်မိသည်။ခြံပြင်မှာ ဘယ်သူမှမရှိချေ။ သူကြောင်နစွာဖြင့် အိမ်ထဲသို့ပြန်ကြည့်မိလိုက်သည်၊ သုသာန်တစပြင်လို ခြောက်ကပ်နေသည့်အိမ်သည် တိတ်ဆိတ်လို့နေသည်။ စက်ခုံပေါ်ထိုင်နေသည့်အမိုးလည်းမရှိတော့ပေ။သူထိတ်လန့်သွားရသည်။
"အမိုး... အမိုး... အမိုးဘယ်သွားနေတာလဲ။ မောင်! မောင်ရော ဘယ်မှာလဲ။"
အရာအားလုံးကချာချာလည်နေသည်။ တိတ်ဆိတ်နေသည့်အိမ်ကြီးသည် သူ့ကိုခြောက်လှန့်နေသည်။
ကြောက်ရွံ့မှုများစွာနဲ့ သူငိုချမိပြန်သည်။
"စောနရီ... စောနရီ"
ထပ်ခေါ်ပြန်ပြီ။ဘယ်သူကသူ့ကိုခေါ်နေတာလဲ။
ရုတ်တရက် မွန်းကျပ်လာသည့်ခံစားချက်များနှင့်အတူ မျက်လုံးကိုဆတ်ခနဲဖွင့်လိုက်မိသည်။
မျက်စိရှေ့မှာရှိနေသောသူက အတန်းဖော်လည်းဖြစ်၊ အခန်းဖော်လည်း ဖြစ်သည့် EC။
အိပ်မက်မက်နေတာပဲ။ အိပ်မက်မက်နေမှန်း သိလိုက်ရသည့်တိုင် သူ့နှလုံးသည်းပွတ်ဆီမှ တုန်ယင်မှုတွေကပျောက်မသွား။
YOU ARE READING
အဓိပတိလမ်းမထက်က မောင့်ခြေရာ{အဓိပတိလမ္းမထက္ကေမာင့္ေျခရာ}
Romanceကျွန်တော်လေ...သည်အဓိပတိလမ်းမကြီးကို သိပ်သဘောကျတယ်။အထူးသဖြင့် မောင့်ခြေဖမိုးလေးနဲ့တွဲမြင်ရတာကို ပိုသဘောကျတယ်။ စောနရီ... {ကၽြန္ေတာ္ေလ...သည္အဓိပတိလမ္းမႀကီးကို သိပ္သေဘာက်တယ္။အထူးသျဖင့္ ေမာင့္ေျခဖမိုးေလးနဲ႔တဲြျမင္ရတာကို ပိုသေဘာက်တယ္။ ေစာနရီ...} Start-30...
