Unicode
Song recommended- Happier by Olivia Rodrigo
ဆေးရုံညပိုင်းအချိန်၌ ဧည့်တွေ့များ မရှိတော့ပေမဲ့ လူနာသစ်များ၊ Round လှည့်နေသောဆရာဝန်များ ကြောင့် ပုံမှန်အတိုင်းစည်ကားနေသည်။
အသင်းသည်လည်း ဆေးရုံခန်းထဲတွင် အိပ်ငိုက်နေသည်။ အစ်ကိုလေးနှင့်ဘွားမေက ဘယ်သွားလဲ မသိချေ။ ကလေးက သက်သာလာပြီမို့ တော်သေးသည်။ မဟုတ်လျှင် သူလည်းညမအိပ်ရ။ အစ်ကိုလေးရဲ့ ချောင်ကျသွားသည့်မျက်နှာကိုကြည့်ရတာလည်းစိတ်မကောင်း။
ဒေါက်ဒေါက်...
တံခါးခေါက်သံကြောင့် အသင်း၏မျက်လုံးများကဆတ်ခနဲ...
ဆရာဝန်လာသည်အထင်နှင့်တံခါးပြေးဖွင့်လေသည်။ သို့သော်ငြားတံခါးအပြင်ဘက်ရှိလူနှစ်ယောက်သည် သူထင်ထားသလိုဆရာဝန်မဟုတ်ချေ။ အရပ်ရှည်ပြီးခန့်ညားသည့်ယောက်ျားတစ်ယောက်နှင့် သေးသွယ်ကာ ပြေပြစ်လှပသည့်အမျိုးသမီး တစ်ဦးပင်။
"ဘယ်သူတွေလဲမသိဘူးရှင့်"
"အစ်မက ပန်းဦးမေ... နွေဦးမောင်ရဲ့ညီမပါ.."
အစ်ကိုလေးပြောဖူးသည်ကို အသင်းကြားဖူးတာကြောင့် ပြူးပြူးပျာပျာဖြစ်သွားရသည်။
"အာ ဟုတ်ဟုတ်ဝင်ပါရှင့်။ အစ်ကိုလေးကတော့မရှိဘူး။ ဘွားမေနဲ့အပြင်သွားတယ်။"
"သူတို့မရှိတဲ့ချိန် တမင်လာတာ"
ပန်းဦးမေသည် စိတ်ဝင်တစားဖြင့် ကလေးရှိရာသို့သွားရင်း ခပ်ပေါ့ပေါ့ပင်ဖြေလိုက်သည်။
ဥဿဦး သူ့ဆီရောက်လာကတည်းက သူလည်း ရူးမတတ်ဖြစ်သွားရတာပင်။ ဥဿကလည်း တစ်ဦးတည်းမလာချင်သည်မို့ ပန်းဦးကိုအဖော်ညှိလာသည့်သဘောသာ။
စောနရီ၏မျက်နှာကို မြင်ယောင်မိတိုင်း နွေဦးမောင်အားထိပ်တို်က်တွေ့ကာ တစ်ခုခုလုပ်ပစ်လိုက်ချင်သည်။ သို့သော်လည်း သည်ကလေးကိစ္စကို ပို၍ပင်သူစိတ်ဝင်စားနေမိသည်။ သူသာတစ်ယောက်တည်းလာလျှင် အခန်းထဲဝင်ခွင့်ရဖို့က မသေချာ။ မိန်းမသားတစ်ဦးပါတော့ လွယ်လွယ်ကူကူပင် ။
"မဖြစ်နိုင်တာ..."
ပန်းဦးမေသည် ကလေးကို ကြည့်ရင်း အယောင်ယောင်အမှားမှားဆိုလိုက်သည်။ နွေဦးမောင် နရီ့ကို သဘောကျကြောင်း ပြောပြဖူးခဲ့သည်က သည်ကလေးတောင်မမွေးလောက်ခင်ကတည်းကပင်။
သူမြင်နေရသည့်ကလေးက နှစ်နှစ်တောင်ပြည့်သေးပုံမပေါ်။
YOU ARE READING
အဓိပတိလမ်းမထက်က မောင့်ခြေရာ{အဓိပတိလမ္းမထက္ကေမာင့္ေျခရာ}
Romanceကျွန်တော်လေ...သည်အဓိပတိလမ်းမကြီးကို သိပ်သဘောကျတယ်။အထူးသဖြင့် မောင့်ခြေဖမိုးလေးနဲ့တွဲမြင်ရတာကို ပိုသဘောကျတယ်။ စောနရီ... {ကၽြန္ေတာ္ေလ...သည္အဓိပတိလမ္းမႀကီးကို သိပ္သေဘာက်တယ္။အထူးသျဖင့္ ေမာင့္ေျခဖမိုးေလးနဲ႔တဲြျမင္ရတာကို ပိုသေဘာက်တယ္။ ေစာနရီ...} Start-30...
