أحببت مريض

Part 2

نزل صُهيب بخوف ليكون حصلها حاجه وبصلها واتصدم
صُهيب بصدمه:انتي؟؟؟
حبيبه بخوف:اا انا اسفه ما خدتش بالي ولله
صُهيب بانتباه:هاا لا لا ول يهمك بس انتي كويسه
حبيبه:اه الحمد لله
صُهيب:طيب رايحه فين انا ممكن اوصلك
حبيبه:لا لا مفيش  داعي انا رايحه ل صحبتي هنا شكرا
صُهيب بعدما فهم رفضها:العفو اسف مره تانيه
اومأت حبيبه بابتسامه خفيفه ومشيت وصُهيب فضل باصصلها بابتسامه وانتبه لنفسه وفاق وقال:مالك ي صُهيب انت من امتي كدا فوق بس هي ليه لما بتظهر قدامي بحس ب قلبي كانه هيطلع من مكانه انا مش فاهم في اي
اتنهد وركب العربيه تاني ومشي حبيبه راحت ل روان صحبتها وقعدت معاها
(ملحوظه كل الكلام دا ف البلد لان عمر كان مصر يجوز صُهيب ويزن من هناك ودايما خايف ع صُهيب وعايز يجوزو بسرعه ويطمن عليه عندهم قصر هناك كمان)
روان:مالك ي حبيبه في اي انتي متلجه كدا ليه
حبيبه بتوتر:مفيش حاجه انا كويسه
روان:عليا انا بردوا قوليلي بس مالك في اي حصل
حبيبه حكتلها كل حاجه من اول ما الشابين عاكسوها لحد ما شكرت صُهيب ومشيت واللي حصل معاها وهي رايحالها
روان بانبهار:بتهزاااااااااااري واو بجد دا طلع جامد اهو وStrong man اوي الله انا حبيته اوي
حبيبه بضيق:حبك برص لمي نفسك ي بت انتي
روان بخبث:اي ي بيبه مالك انتي غيرانه
حبيبه بتوتر:ل لا هغير ليه يعني بس انتي مخطوبه ف لمي نفسك
روان:ماشي ي ستي انا اسفه وهحترم نفسي اهو
حبيبه:ناس مبتجيش الا بالعين الحمرا

صُهيب راح مكان هادي وفضل قاعد سرحان وبيفتكر جزء من اللي حصل من 3 شهور
Flash back
صُهيب كان قاعد مع عيلته وبيهزر معاهم ف جو عائلي جميل قام واتمشي بعيد عنهم شويه حس بتعب وداخ ودماغه وجعتوا جدا لدرجه انه كان ماسك راسه وبيضغط عليها بعنف لعل الوجع دا يروح بس متحملش واغمي عليه
يزن شافه وقام جري عليه فضل يحاول يفوق فيه لكن مكانش بيستجيب
يزن بصراخ:صُهيب...صُهيب فوق عشان خاطري....ي حرااااااس انتووو ي بهااااايم
الحرس جم وخدوه وراحوا ع المستشفي والدكاتره كلها كانت عند صُهيب بعد ما عرفوا هويته وعملو كل التحاليل والاشعه لانهم كانوا شاكين ف حاجات كتير بعد مده خلصوا وخرج الدكتور بتعب
يزن بلهفه:هااا ي دكتور صُهيب مالوا هو كويس مش كدا
الدكتور بحزن:للاسف ي سياده الرائد الاستاذ صُهيب مش كويس خالص
يزن بهدوء ودموع محبوسه مش سامحلها تنزل لدرجه ان عيونه احمرت واصبحت كالدماء:في اي ي دكتور بلاش لف كتير
الدكتور:البشمهندس صُهيب عملناله تحاليل واشعه كتير وفحوصات لاننا كنا شاكين ف حاجات ومحتاجين نتأكد منها البشمهندس صُهيب عنده مشكله كبيره ف القلب دا عنده تقريبا يجي من شهرين وكان عامل حادثه تقريبا من فتره لما جه اخر مره هنا وعرفنا ان الحادثه دي كانت بفعل فاعل ساعتها نتجت عنه انه يحدث فقدان ذاكره مؤقت غير انه عندو انفصام ف الشخصية وكمان فيروس سي انت عارف مدي المعاناه اللي هو فيها دي صعبه قد ايه ف لازم يتقبل الموضوع عشان يبدء ف العلاج ب اسرع وقت
يزن كان مصدوم جدا من كلام الدكتور ودخل ل صُهيب
وقال بحزن:حمدلله ع سلامتك ي صُهيب
صُهيب بتعب:انا فين وايه اللي حصل انا مش فاكر حاجه
يزن حكاله ع كل حاجه ما عدا انه مصاب بفيرس سي خوفا عليه صُهيب مكنش مصدق وفجأه ابتدي يصرخ بغضب ويكسر اي حاجه تقابله يزن عرف ان دي الشخصيه التانيه اللي دايما بتسيطر ع صُهيب ومن زمان
الدكاتره جم وحاولوا يهدوه لحد ما قدرو يمسكوه بعد مده وادولوا حقنه مهدءه ونام تاني
Back