يزن:صُهيب...صُهيب قوم لو سمحت...صُهيب صحصح عشان خاطري ونبي فوووووق..ماما تمارا حاولي تفوقيه معايا
حبيبه كانت نايمه وصحيت لما سمعت صوت يزن وتمارا وحست بانقباض قلبها قامت بتعب وخرجت لقت صهيب واقع ع الأرض فاقد للوعي ويزن وتمارا بيفوقوا فيه راحت بتعب وقالت
حبيبه:هو في اي صُهيب ماله
انتبه ليها يزن وبص لتمارا بتحذير وهي فهمت وقالت
تمارا:هو تعبان بس شويه ي حبيبه وداخ واغمي عليه
حبيبه بشك:بجد
يزن بتوتر:اا..اهه
حبيبه راحت وقعدت ع الأرض ومسكت راس صُهيب وحطتها ع رجليها وبتحاول تفوقوا وبتضربه بخفه ع خده
حبيبه:صُهيب....صُهيب حبيبي فوق انا حبيبه قوم ي صُهيب يلا...هاتوا مايه
يزن جاب مايه وجه وادهالها وهو هيموت من الخوف ع اخوه
حبيبه بتفوق ف صُهيب وبترش عليه مايه صُهيب ابتدي يفوق واول ما فتح عيونه الكل اتنهد براحه ما عدا حبيبه اللي شكها كان بيزيد وبياكدلها ان في حاجه مستخبيه ومحدش عاوز يقولهالها اول حاجه صُهيب شافها حبيبه اللي ابتسمت بحب وراحه لما فاق وبترتب شعره اللي نازل ع عيونوا حبيبه ساعدته يقوم ويزن كمان واستنوا لحد م فاق تماما ويزن قعد جنبه وقال بمرح
يزن:ينفع كدا تخضني الخضه المنيله دي ي اخي دي المره ال 500 قطعتلي الخلف
الكل ضحك وقال صُهيب بتعب:معلش ي يزن حقك عليا
يزن:انت عبيط ي ابني انت اخويا الكبير اوعي تقول كدا تاني ابدا
تمارا:سلامتك ي ابني كدا تخضني عليك الخضه دي
صُهيب:الله يسلمك ي ماما معلش تعبت شويه
حبيبه:تعبت من اي؟؟؟هو في حاجه خلتك تعبان بالشكل دا
الكل اتوتر صُهيب رد بتوتر:ل لا انا ممكن يكون مكلتش ف اغمي عليا
يزن بهمس:خد علاجك يلا وكل ي صُهيب قبل م تاخده...ماما تمارا ممكن تعملي اكل ل صُهيب عشان يأكل
تمارا بتفهم:عيوني
يزن:هروح اشوف حاجه كدا ف القصر واجيلك بسرعه
صُهيب بتعب:ماشي
مشي يزن وتمارا دخلت تعمل الاكل ل صُهيب وصُهيب قام يتمشي بره ف الجنينه وحبيبه قامت وراه وراحتلوا
حبيبه:صُهيب ممكن اسألك سؤال
صُهيب:طبعا ي حبيبه قولي انتي بتستاذني
حبيبه:هو ايه اللي خلاك تتعب بالشكل دا
صُهيب سكت ومردش عليها مما خلي شكها يكبر وقالت
حبيبه:صُهيب انا بكلمك علي فكره
صُهيب بتنهيده كلها حزن:مش وقتوا ي حبيبه
حبيبه بانفعال ودموع:ليه مش وقتوا ي صُهيب اومال وقتوا امتي الكل عارف الا انا عامله زي الأطرش ف الزفه
صُهيب بتعب:لا مش كلو ي حبيبه....صدقيني مش كلوا هقولك بس مش دلوقتي ف الوقت المناسب أوكيه
حبيبه بدموع:وعد
صُهيب بابتسامه وحب وهو بيمسح دموعها:وعد ي قمر
...................................
ف المدينه
أمان:الووو
يزن:اي ي عم فينك مختفي ليه
أمان:انا بردوا اللي مختفي ول انت واخوك اللي زي مبيقولوا فص ملح وداب
يزن اتنهد بتعب وقال:امان انت شغال ف الشركة
أمان باستغراب:اه بس ليه
يزن:كنت عاوزك تيجي هنا البلد صُهيب ابتدي يتعب اكتر واكتشفنا حاجه تانيه
أمان بخوف:في اي ي يزن انا خوفت
يزن:............
....................................
أنت تقرأ
أحببت مريض
Romanceقصه حب ابتدت من اول نظره بس ميعرفوش هل هتدوم والحقيقه المستخبيه هتبان بدري ولا هيكون فات الأوان دا اللي هنعرفوا في روايتنا
