أحببت مريض

حلقه خاصه❤️

كانت حبيبه بالغرفه تضع الملابس بالخزانه وهى شارده بينما كان زين يركض وهو يضحك بطفوله ويصرخ وخلفه عامر يحاول إمساكه دلف الى غرفه والدته وأختبأ خلفها وهو يلهث ويقول بطفوله:خليه يسبنى يا مامى انا عاوز أكسب

نظرت لهُ حبيبه بأبتسامه وقالت:طب ممكن تقعد وتهدى شويه عشان بقالك كتير بتجرى وكدا غلط

زين بحزن طفولى:يا مامى عاوز ألعب عشان خاطرى سبينى

حبيبه:وانا مقولتلكش حاجه انا بقولك أهدى شويه وأرجع ألعب

زين بأعتراض وغضب طفولى:لا مليش دعوه هلعب

حبيبه:خلاص يا عامر أمسكه وخليه يخسر

صرخ زين وهو يقول:لا يا مامى عشان خاطرى عاوز أكسب

حبيبه:خلاص لو عاوز تكسب ومخلهوش يمسكك أقعد أرتاح شويه

زين بأبتسامه:وعد

أبتسمت حبيبه وقبلته بحب وقالت:وعد

زين بأبتسامه سعيده:ماشى موافق

نظرت حبيبه لعامر وقالت:خدوا بريك شويه وأنزلوا أقعدوا تحت وبعد كدا ألعبوا زى ما أنتوا عاوزين أتفقنا يا حلوين

عامر بأبتسامه:حاضر يا خالتو

فى ذلك الوقت دلف صُهيب وكان يحمل الچاكت الخاص به على ذراعه رأه زين وركض إليه بسعاده فوضع صُهيب الچاكت على يد الأريكه وحمله بسعاده فقال زين بسعاده:وحشتنى أوى يا بابى

قبله صُهيب بحب وقال بأبتسامه:وانتَ أكتر يا قلب بابى بتنهج كدا ليه

زين بطفوله:أصل انا وعامر كنا بنلعب وبنجرى

أبتسم صُهيب وأنزله وقبل عامر وقال:تلعبوا براحه عشان متتعوروش وبلاش جرى كتير أتفقنا

أبتسما وقالا معاً:أتفقنا

صُهيب بأبتسامه:يلا روحوا

خرجا ركضاً وقال وهو ينظر لهما:بردوا مبنسمعش الكلام

أمأ رأسه بقله حيله ودلف وأغلق الباب خلفه وتوجه لحبيبه المنهمكه بترتيب ثيابه وهو يقول:أقولهم متجروش بردوا بيجروا كأنى متكلمتش

أبتسمت حبيبه وقالت:هما كدا بردوا قولتلوا بطل جرى زعل وفاكرنى بقوله متلعبش وأفضل قاعد مكانك

وقف خلفها وضمها بهدوء وقبل خدها بلطف وقال:وحشتينى

أبتسمت وقالت:يا راجل لحقت أوحشك الكام ساعه دول

صُهيب بأبتسامه:انتِ على طول بتوحشينى يا بيبه

أبتسمت أكثر وقالت:وانتَ كمان...عملت ايه النهارده؟

أستند بذقنه على كتفها وزفر قائلاً:مفيش خلصت الشغل اللى المفروض يخلص ومعملتش حاجه تانيه