عدي شهرين بسرعه البرق وبقت حبيبه ف الشهر التالت وصُهيب خف تماما ورجع زي الاول وبقي كويس والاحوال اتحسنت وصُهيب قرر انه يدور علي اللي خلي جوري كدا واتوعدله بقوه
الخامسه صباحاً
حبيبه:صُهيب...صيبو
صُهيب بنوم:نعم ي حبيبه
حبيبه:قوم
صُهيب:حبيبه عندي شغل الصبح سبيني انام
حبيبه:لا حاجه ضروريه اوي يلا
صُهيب:اجليها ل بكرا ي حبيبه مش هيجرا حاجه عاوز انام
حبيبه:لا قوم عشان لو مقومتش وحصل حاجه متجيش تحط اللوم عليا انا يلا
قام صُهيب بضيق وبصلها بغيظ وهي ضحكت علي شكلوا وباست خدو بلطف
صُهيب:خير مصحياني من احلاها نومه ليه..وكمان الساعه خمسه الصبح ي قادره
حبيبه:مهو بصراحه انا مليش ذنب
صُهيب:اومال مين امي
حبيبه:متبقاش رخم بقي ي صيبو
صُهيب:قولي عاوزه اي
حبيبه:بصراحه ومن غير عصبيه
صُهيب بنفاذ صبر:هااااا
حبيبه:شوفت انت هتتعصب اهو
صُهيب:حبيبه اخلصي
حبيبه:بصراحه انا عاوزه اكل حواوشي
صُهيب بصدمه:نعم!!!! تاكلي ايه معلش
حبيبه ببراءه:حواوشي
صُهيب بعدم استيعاب:حبيبه انتي مدركه انتي بتقولي اي...مصحياني عشان عاوزه حواوشي...نامي ي حبيبه نامي
حبيبه بضيق:ونا مالي مهو دا الوحم
صُهيب:وحم الساعه خمسه الصبح يعني سايب اليوم كلوا وجاي دلوقتي ونا عندي بعد كام ساعه اجتماع مهم
حبيبه:اعمل اي طيب مانا شامه ريحتوا ونفسي فيه اوي
صُهيب:لما ابقي اصحي حاضر
صُهيب رجع ينام تاني وحبيبه اتعصبت وضربته بغضب
حبيبه:قوم بقي هاتهولي متعصبنيش
صُهيب:نامي ي حبيبه عشان مقومش انكد عليكي
حبيبه:براحتك انا هروح اطلبوا من ماما ولا الحوجه ليك
خرجت بعصبيه وهو كمل نوم راحت وخبطت علي مامتها لحد ما صحيت
دلال بنوم:ايوه ادخل
دخلت حبيبه وهي مدمعه واترمت ف حضنها بزعل
دلال بخضه:مالك ي بنتي في اي كفالله الشر مالك
حبيبه ببكاء:انا عاوزه اتطلق ي ماما انا بكرهوا
دلال بقلق:ليه بس ي بنتي حصل اي لكل دا
حبيبه بدموع:انا صاحيه علي ريحة حواوشي وبصحيه عشان يجيبهولي قعد يقولي نامي ومش عارفه اي عشان منكدش عليكي
دلال:طيب اهدي ي بنتي مش كدا اهدي ونا هكلموا
صُهيب:قومتي ليه وصحيتي ماما
حبيبه بغضب:ملكش دعوه بيا
دلال:بس اهدي عشان اللي ف بطنك دا اهدي
حبيبه:يا ماما يلا انا بتوحم هو في اي
صُهيب:دي بتدلع ي ماما يعني في وحم بيجي الساعه خمسه الصبح
حبيبه:ايوه في
صُهيب:لا مفيش
حبيبه بحده:ليه وانت كنت حامل قبل كدا ونا معرفش
دلال مقدرتش تمسك نفسها من الضحك وقعدت تضحك
دلال بضحك:يلهوي لو عيالي صاحيين كانوا قطعوا فروتك
صُهيب:اتلمي ي حبيبه
حبيبه بعصبيه:اخلص هتهولي افرض حصلوا حاجه
صُهيب بحده:وطي صوتك ي حبيبه
حبيبه:يلهوااااااي عليا وعلي سنين امي...هتجبهولي ولا لا
صُهيب بحده:هتزفت خلاص اسكتي
حبيبه:اااهه ضغطي علي
دلال بضحك:يلهوي عليكوا بجد فظاع
حبيبه:دا يجيب شلل بقولوا بتوحم والطفل هيحصلوا حاجه وهو عادي كأنه مش ابنوا
صُهيب:خلاص نازل متتكلميش كتير
صُهيب مشي عشان يجيبهولها وهي قعدت مع مامتها
دلال:براحه عليه شويه يا حبيبه
حبيبه:يا ماما استفزني بقولوا بتوحم ي صُهيب جيت معاه بالحنيه مفيش لدرجه اني بتحايل عليه
دلال:معلش ي حبيبتي مهو بردوا مضغوط ورجع ينزل شغلوا تاني غصب عنوا لما يجيي صالحيه
حبيبه:ولله ي ماما غصب انا بتعصب وبدايق من اقل حاجه مش ب ايدي ولله
دلال:معلش بردوا هو راجل واكيد هتبقي وحشه اوي لما مراتوا تزعق فيه كل شويه مش كدا ولا اي
حبيبه:عندك حق
دلال:اول م يرجع تصالحيه فاهمه عشان مجبكيش من ودانك دي هخليكي تعيطي
حبيبه بضحك:حاضر هصالحه وقدامك كمان
دلال:ماشي اما نشوف
أنت تقرأ
أحببت مريض
Roman d'amourقصه حب ابتدت من اول نظره بس ميعرفوش هل هتدوم والحقيقه المستخبيه هتبان بدري ولا هيكون فات الأوان دا اللي هنعرفوا في روايتنا
