الباب اتفتح وهو اتصدم وجه عشان يقفل الباب صُهيب منعوا بسهوله وضربوا بالبوكس ف وشوا وقعوا علي الأرض
صُهيب:وحشتني اوي ي صحبي عاش من شافك
حسن بصدمه:صُهيب؟؟؟
صُهيب:ايوه صُهيب...صُهيب اللي ضحكت عليه واتعديت علي اهل بيته
حسن بخبث:اااهه قصدك علي جوري...اصلها حلوه اوي
ضربه صُهيب بقوه وغضب وحسن اتوجع بصوت عالي وهو مش قادر
صُهيب بغضب:سيرتها متجيش علي لسانك الوسخ دا تاني..اهل بيتي كلهم خط احمر انت سااااااامع
احمد:انت بقي اللي امه داعيه عليه
حسن:انت مين انت كمان
احمد:ملكش دعوه بس عاوزك تتشاهد علي روحك
احمد مسكه وفضل يضرب فيه بعنف وغضب وحسن بيتوجع بصوت عالي وصُهيب فرحان فيه احمد خلص ضرب فيه وخلي وشوا كلوا دم صُهيب مسكوا من ياقه التيشرت وسحبوا وراه علي بره ربطوا كويس وحطوا ف شنطه العربيه ورجعوا القصر تاني
في القصر كانت حبيبه وجوري قاعدين قلقانين ومتوترين
حبيبه بخوف:انا خايفه اوي ي جوري
جوري:مش اكتر مني ي حبيبه...انا مش مطمنه
حبيبه:خايفه علي صُهيب اوي...لسه تعبان ومش عوزاه يعمل اي مجهود لحد ما يخف خالص
جوري:انا خايفه من احمد اكيد مش هيسكت انا عرفاه
كارما:متقلقوش ان شاء الله خير
طبطبت دلال علي حبيبه بمواساه عشان تطمنها
دلال:اهدي كل حاجه هتكون كويسه وزي الفل متخافيش
حبيبه:ازاي بس ي ماما انتي مشوفتيش منظر صُهيب بقي عامل ازاي انا خايفه عليه اوي
دلال:اللي مكتوبلوا هيحصل ي حبيبه متخافيش وخليها علي الله
حبيبه:ونعم بالله
مرت ربع ساعه وسمعوا صوت عربيه صُهيب بره صُهيب نزل وراح فتح شنطه العربيه ونزل حسن ومسكه من ياقه التيشرت ودخلوا علي جوه ورماه قدامهم علي الأرض وهو بيتوجع
صُهيب بحده:مش دا الكلب اللي اغتصبك
جوري بصتلوا بغضب ودموع وراحت ضربتوا بالقلم وفضلت تضرب فيه بدموع وغضب وكُره احمد راح وخدها بعيد لأن عياطها زاد فجأه فضل يهدي فيها بأي طريقه وجميله كانت واقفه مش مصدقه ان دا اللي دمر حياه بنتها كانت هتضربوا بس صُهيب منعها وطلب انه يدوق العذاب الوان خدوه الحرس ووصي صُهيب عليه ومشيوا
صُهيب:اهدي ي عمتي انا جبتلك حق جوري اهو وهيتعذب لسه
جميله ببكاء:مش مصدقه انه كان قدامي ي صُهيب مش مصدقه
احمد:انا ربيته بس دا لسه ولا حاجه..ناري لسه مبردتش ي صُهيب
صُهيب:عارف ي احمد ومش هلومك بس سيب الحكومه تجبلك حقك احسن...بلاش تعمل حاجه تبعدك عن جوري العمر كلو..هي محتجالك دلوقتي وبالذات انها خلاص علي وشك الولاده ف ركز معاها وبس والباقي سيبوا عليا انا هتصرف
دلال:اسمع كلام صُهيب ي احمد..صُهيب معاه حق
صُهيب سابهم وخرج الجنينه وحبيبه لمحته وراحت وراه لقته ساند علي عربيته وسرحان راحت وقفت قدامه وهو مصدق انها بقت قداموا اترمي ف حضنها زي العيل الصغير حاسس انه شايل كل حاجه لوحدوا...عليه ضغط كبير محدش حاسس بيه غيرو..حبيبه فضلت تهديه وتطبطب عليه بحنان لحد ما خرج من حضنها وهو بيبصلها بضياع
حبيبه:احسن حاجه ان كل حاجه بتيجي ورا بعضها...عشان ترتاح بعد كدا وميبقاش عليك ضغط وتعب تاني...احسن حاجه انت عملتها..كنت خايفه عليك جدا...كنت خايفه يحصلك حاجه كنت قاعده مرعوبه..بس الحمد لله انك كويس..اني اشوفك قدامي علي طول دي عندي بالدنيا كلها بجد
باس راسها بحب وحضنها بسعاده لانها الوحيده اللي بتقدر تخرجه من حزنه وهمه هي الوحيده اللي حاسه بمعاناته وضعفه هي اللي مهونه عليه تعب سنين كتير
واخيرا ربنا عوضه تعب سنين بحبيبه اللي عوضتوا عن حاجات كتير اوي فحياتوا
شدد صُهيب ف حضنوا ليها وهو بيقول:ربنا يخليكي ليا ي ام زين
حبيبه بضحك:ايدا بقي انت كدا ضحكت عليا مقولتليش حابه تسمي الطفل ايه ي حبيبه
صُهيب:لا انا قررت اني هسميه زين...اسم زين مش عاجبك
حبيبه بحب:لا عاجبني طالما صُهيب حبيبي هو اللي مختاره
أنت تقرأ
أحببت مريض
Romanceقصه حب ابتدت من اول نظره بس ميعرفوش هل هتدوم والحقيقه المستخبيه هتبان بدري ولا هيكون فات الأوان دا اللي هنعرفوا في روايتنا
