الدكتور:صُهيب عمر؟؟؟
حبيبه ببكاء:ايوه
الدكتور بص للممرضه بغضب شديد:انتي ازاي تقوليلهم ان صُهيب اتوفي انتي اتهبلتي
صدمه الجمت الكل قامت حبيبه وجوري سندتها وهي بتبص للدكتور بذهول وبتبص للممرضه بصدمه
حبيبه بأمل:قصدك اي ي دكتور...ان صُهيب عايش
الدكتور:طبعا صُهيب عايش وزي الفل والعمليه نجحت الحمد لله المريض التاني هو اللي اتوفي
اهل المريض انهاروا وقعدوا يعيطوا
يزن:لا حول ولا قوة إلا بالله ربنا يرحمه ويصبرهم
حبيبه وهي بصالهم:انا حاسه بيهم وبالنار اللي جواهم دلوقتي
كارما باندفاع:يعني انا ابني عايش ابني كويس ي دكتور
الدكتور:ابنك زي الفل ولله ي امي متقلقيش هنحطوا بس ف الرعايه المركزه لمده 24 ساعه نطمن عليه ويكون تحت الملاحظه وبعد كدا ننقلوا اوضه عاديه وتقدروا تشوفوه
حبيبه بفرحه:الحمد لله الحمد لله ي رب
عمر بغضب:الممرضه دي لازم تتعاقب وفورا
الدكتور:اكيد ي عمر بيه متقلقش حضرتك احنا هنتصرف معاها..اسبقيني ع المكتب فورا
اتنقل صُهيب للعنايه المركزه وحبيبه مفارقتش صُهيب ابدا وعنيها عليه ومش قادره تصدق انوا عايش ومعاها لسه
حبيبه بدموع:وحشتني أوي ي صُهيب ووحشني صوتك
يزن:الحمد لله ي حبيبه انو كويس متعرفيش انا كنت عامل ازاي وقتها
حبيبه بشرود:ولا انا ي يزن ولا انا فكره انو يروح مني دي صعبه أوي أوي..لمجرد اني افكر فيها بس قلبي بيوجعني...عارف لو كان حصلوا حاجه وقتها انا كنت مت وراه مكنتش هتحمل
يزن:متقوليش كدا...صُهيب الحمد لله عملها وهيرجع كويس واحسن من الأول الحمد لله ومش هيشتكي بسبب تعب قلبوا تاني ودي اهم حاجه
حبيبه:عندك حق فعلا الحمد لله...هخليه يهدي شويه من تعب العمليه بس وبعد كدا نشوف هنعمل اي ف الباقي
يزن:احنا لازم نوديه الأول لدكتور نفسي عشان نشوف موضوع الانفصام دا
حبيبه:اكيد يعدي بس الفتره دي الأول ع خير وبعد كدا نشوف هنعمل اي
تمارا:تعالي ي حبيبه اقعدي ريحي شويه انتي تعبتي انهارده أوي
حبيبه راحت وقعدت جنب كارما وحطت راسها ع كتفها بتعب
حبيبه بمرح:محكتلكوش ع اللي عملوا صُهيب إمبارح
جميله:عمل اي
حبيبه بضحك:كنت بتخانق معاه إمبارح عشان يصوم وهو ابدا كان جعان أوي يعيني واتعصب عليا وعمل نفسوا نايم ولما أتأكد اني نمت قام راح المطبخ وقعد يدور ع اكل ف التلاجه وقفشتوا وطبعا شديت معاه وجه اتعصب عليا وقالي انا مكلتش علي فكره ي ست المقموصه وراح نايم وهو مش طايقني
يزن بضحك:كويس ان الشخصيه التانيه دي مظهرتش وجابتك من شعرك موتتك
كارما:اهه يقلب امك كان زمانوا مخلص عليكي
حبيبه:الحمد لله ي ماما انو عملها ع خير يقوملي بس بالسلامه ونا مش هسيبوا ابدا وهاكلوا واعملوا كل حاجه
الكل:ي رب
ف مكان تاني
غزاله بفرحه:مدام سهير ي مدام سهير
سهير:في اي يغزاله
غزاله:عندي ليكي خبرين بمليون جنيه
سهير بترقب:قولي
غزاله:الاولاني اننا لاقينا زويا خلاص وموجوده ف المخزن ومربوطه تصدقي ي مدام سهير دي شبه حبيبه
سهير بفرحه:بجد ي غزاله
غزاله:طبعا ي مدام غزاله بس في اختلاف بسيط
سهير:مش مهم المهم انكوا لاقيتوها
غزاله:بس أسد قالب عليها الدنيا
سهير بخبث:معلش ي اسد شكلي مش هخلص من عيله حبيبه وبس دانا هوقع العيلتين ف بعض
غزاله:شكلك ناويه ع خراب
سهير:ول اي خراب ي غزاله جوايا نار هتحرقهم كلهم
غزاله:الخبر التاني لسه جايلي ان صُهيب جوز حبيبه كان عندو مشكله كبيره ف القلب وعملها بس مات وهو جوه
سهير بفرحه وصراخ:عااااا بجد ي غزاله...انا مبسوطه أوي كدا اللعبه بقت اسهل بالنسبالي اخيرا
غزاله بخبث:طبعا ي مدام سهير وكدا كل حاجه هترجعلك انتي وتكون ملكك
سهير:طبعااا....وديني للمخزن اللي فيه زويا دلوقتي
غزاله:يلا بينا
أنت تقرأ
أحببت مريض
Romansaقصه حب ابتدت من اول نظره بس ميعرفوش هل هتدوم والحقيقه المستخبيه هتبان بدري ولا هيكون فات الأوان دا اللي هنعرفوا في روايتنا
