أحببت مريض

Part 29

حبيبه بصدمه:نتطلق...نتطلق ليه
صُهيب:هو كدا
حبيبه:هو ايه اللي هو كدا ي صُهيب انت واعي للي بتقولوا
صُهيب:ايوه واعي ي حبيبه والا مكنتش قولت كدا...دا هيكون احسن قرار لينا احنا الاتنين انا مش عاوز اكمل
حبيبه بدموع:يعني ايه...لحقت تزهق مني!! ولا انا وحشه للدرجه دي!! رد عليا متسبنيش كدا انا عملتلك ايه عشان نتطلق..اثرت معاك ف ايه...بالعكس انا معاك ف كل لحظه ومسبتكش...ليه عاوز تكسرني كدا ليه
صُهيب بانفعال:عشان مينفعش تعيشي مع واحد مريض نفسي كل ساعه بحال...دلوقتي بقيت خطر علي الكل...عاوزني ادخل مصحه نفسيه عشان اتعالج وعشان بقي في حوامل في البيت الكل بقي خايف عليهم
حبيبه:مفيش غيري انا وجوري
صُهيب:لا في اختك زويا...قال خلاص هموتهم...مش بتشوفيني لما بتظهر عليا بخليكي تبعدي عني عشان خاطر مأذكيش...صح ولا مش صح جاوبيني
حبيبه بدموع:ايوه صح
صُهيب بصراخ:يبقي ايه لازمتها المصحه لازمتها ايه
حبيبه ببكاء:اهدي ي صُهيب
صُهيب مسكها من دراعها وفضل يهز فيها بغضب وهو مش مُدرك هو بيعمل ايه
صُهيب:لا مش ههدي ي حبيبه انا مش هدخل المصحه
حبيبه فجأه صرخت بوجع وهي ماسكه بطنها دخل علي صوتهم كارمه وجميله راحوا بعدوها عن صُهيب اللي كان ف عالم تاني خالص خدوها وقعدوها علي الكرسي بخوف
كارمه:مالك ي حبيبه فيكي اي
جميله:انتي كويسه ي حبيبه ردي ي بنتي
حبيبه ببكاء:تعبانه مش قادره مغص هيموتني
يزن:في اي صوتكوا عالي ليه مالك ي حبيبه
كارمه:اجري ي يزن جهز العربيه حبيبه تعبانه خلينا نوديها للدكتوره
يزن:حاضر
احمد:اهدي ي صُهيب في اي مالك
ايهاب:لازم يتعالج ف اسرع وقت الموضوع بقي خطر
احمد:اهدي وفوق...انت مكنتش واعي للي بتعملوا ف حبيبه انت كنت هتموت ابنك في اي
اسد:لازم نكلم الدكتور عشان نلحقوا الحاله بتسوء اكتر
احمد:انا عارف الدكتور تعالي نوديه
يزن:يلا العربيه جاهزه
كارمه وجميله سندوها وهي بتتوجع نزلوا دلال والكل شافوها بالحاله دي اتخضوا عليها
دلال:مالك ي حبيبه
كارمه:لما نرجع ي دلال...علي مهلك ي بنتي
خرجوا ولقوا اسد وايهاب واحمد ساندين صُهيب وخارجين هما كمان
جوري:هو في اي
زويا:مش عارفه...في اي ي اسد
اسد:مش وقتوا ي زويا

في المستشفي
الدكتوره:خير ي مدام حبيبه مالك
كارمه:مش عارفه ي دكتوره تعبت وبتقول عندها مغص وعماله تعيط
الدكتوره:طيب تعالي اقعدي اكشف عليكي تعالي
نامت حبيبه علي السرير وهي بتتوجع ومش متحمله والدكتوره بدءت تكشف عليها
الدكتوره:مين اللي عمل فيكي كدا
كارمه:في اي ي دكتوره
الدكتوره:الطفل اتحرك من مكانوا
جميله:ازاي يعني؟؟؟ عشان كدا المغص مش راضي يروح
الدكتوره:ايوه
جميله:طيب والعمل ايه
كارمه:هو في خطر عليها او علي البيبي
الدكتوره:لازم الراحه التامه وبلاش حركه كتير غير للضروره..وبالنسبه اذا كان في خطر عليها او علي البيبي ف اقدر اقولك انه مش خطر اللي هو خطر هي بس ترتاح ومتتحركش زي ما انا قولتلكوا لحد ما الوضع يستقر شويه
كارمه:يعني مفيش اي خطر
الدكتوره:متقلقيش لو فيه هقولك اكيد المهم الراحه
كارمه:تمام شكرا لحضرتك
خدوا حبيبه ومشيوا